Нийгэм

“ХӨДӨЛМӨР ЭРХЛЭЛТИЙГ ДЭМЖИХ ТӨВ” НЭЭГДЭЖ БАЙНА

Нийтэлсэн

7 жил өмнө

2018-01-29

Нийтэлч

Admin

Нийслэлийн Засаг дарга бөгөөд Улаанбаатар хотын Захирагчийн 2016-2020 оны үйл ажиллагааны хөтөлбөр болон Нийслэлийн эдийн засаг, нийгмийг хөгжүүлэх үндсэн чиглэлд тусгагдсан нийслэлийн хөдөлмөр эрхлэлтийг дэмжих зорилтын хүрээнд Нийслэлийн Иргэдийн Төлөөлөгчдийн Хурлын Тэргүүлэгчдийн 2017 оны 71 дүгээр тогтоолоор батлагдсан “НЭГ ӨРХ-НЭГ АЖЛЫН БАЙР” дэд хөтөлбөрийг хэрэгжүүлж байна.

Нийслэлийн Хөдөлмөр эрхлэлтийн газар нь хөтөлбөрийн үндсэн зорилтын хүрээнд иргэдэд хөдөлмөр эрхлэлтийн цогц үйлчилгээг нэг дороос үзүүлэх “Хөдөлмөр эрхлэлтийг дэмжих төв”-ийг байгуулан 2018 оны 01 дүгээр сарын 30-ны өдөр Нийслэлийн үйлчилгээний нэгдсэн төвийн Дүнжингарав дахь салбарт нээлтийн арга хэмжээг зохион байгуулж байна.

Тус төв нь ажил олгогч аж ахуйн нэгж байгууллагуудаас ажлын байрны захиалга авах, ажил хайгч иргэнийг бүртгэх, ажилд зуучлах, ажил мэргэжлийн чиг баримжаа олгох, зөвлөгөө мэдээллээр хангах, сургалт, арга хэмжээ, төсөл хөтөлбөрт хамруулах, дохионы хэлмэрч зэрэг үйлчилгээг нэг дороос үзүүлж, залуучууд, эмэгтэйчүүд, хөгжлийн бэрхшээлтэй иргэд, ахмад настан, албан бус эдийн засгийн салбарт хөдөлмөр эрхлэгчдийг дэмжин ажиллахаас гадна холбогдох стандарт, шаардлагад нийцсэн үйлчилгээний таатай орчныг бүрдүүлснээрээ онцлог юм.

Хөдөлмөр эрхлэлтийг дэмжих төвд ажил олгогч-ажил горилогч нар ярилцлага хийх өрөө, эмэгтэйчүүдийн хөгжлийн өрөө, ажил мэргэжлийн чиг баримжаа олгох болон сэтгэл зүйн ганцаарчилсан зөвлөгөө өгөх өрөө, хүүхдийн өрөө, бүлгийн сургалтын өрөө, дундын оффис, гарааны бизнес арга хэмжээний өрөө, мэдээллийн булан зэрэг сурч, хөгжих, мэдээлэл, үйлчилгээ авах чөлөөт орчныг бий болгосон.

Нээлтийн арга хэмжээнд Хөдөлмөр, нийгмийн хамгааллын яам, Нийслэлийн Засаг даргын Тамгын газар, Нийслэлийн Хөдөлмөр эрхлэлтийн газар, Нийгмийн халамжийн газар, 9 дүүргийн Хөдөлмөр, халамжийн үйлчилгээний хэлтэс зэрэг төр захиргааны байгууллагуудаас гадна “Startup Mongolia” ТББ, Хэрэглээний сэтгэл судлалын хүрээлэн, “Номин Холдинг” ХХК, “Эвридэй Интернэшнл” ХХК зэрэг аж ахуйн нэгж байгууллагууд оролцон дараах арга хэмжээг зохион байгуулж байна. Үүнд:

Ажил мэргэжлийн чиг баримжаа олгох, зөвлөгөө өгөх үйлчилгээ
Ажилд зуучлах үйлчилгээ
Сэтгэл зүйн зөвлөгөө
Бүлгийн сургалт /СV бөглөх, Ажлын ярилцлаганд хэрхэн бэлдэх гэх мэт/
Гарааны бизнесээ хэрхэн удирдах, хөгжүүлэх талаарх сургалт
Ажил олгогчид ажил хайгч иргэдтэй ярилцлага хийж, шууд ажлын байраар хангах
- ХААНА: Нийслэлийн үйлчилгээний нэгдсэн төвийн Дүнжингарав салбар
- ХЭЗЭЭ: 2018 оны 01 дүгээр сарын 30-ны өдрийн 11.00-12.00 цагийн хооронд
- ДЭЛГЭРЭНГҮЙ МЭДЭЭЛЭЛ: Утас: 7011 0502, 7012 0502, 7013 0502, 7014 0502, Хөдөлмөрийн нэгдсэн лавлах: 1800-1896

Сэдвүүд:Нийслэлийн Хөдөлмөр Эрхлэлтийн Газар

Дэлгэрэнгүй ...

Сэтгэгдэл үлдээх

Нийгэм

Бог малын мялзан өвчний тархвар зүйн системийн төв азийн орнуудын бүсийн уулзалт болж байна

Нийтэлсэн

37 минут өмнө

2025-04-02

Нийтэлч

24barimt

Засгийн газрын хэрэгжүүлэгч агентлаг-Мал эмнэлгийн ерөнхий газар Дэлхийн мал амьтны эрүүл мэндийн байгууллага, НҮБ-ын Хүнс хөдөө аж ахуйн байгууллагатай хамтран Бог малын мялзан өвчнийг устгах үйл ажиллагааны чиглэлээр бүсийн уулзалт, хурлыг Монгол Улсад зохион байгуулж байна.

Хуралд Дэлхийн мал, амьтны эрүүл мэндийн байгууллагын Бүгд Найрамдах Франц Улсын Парис хотноо байрлах төвийн төлөөлөгчид, НҮБ-ийн ХХААБ-ын төлөөлөгчид, Бог малын мялзангийн олон улсын лавлагаа лаборатори Франц Улсын CIRAD-ын төлөөлөл, БНХАУ, ОХУ, Казакстан, Узбезстан, Гүрж, Киргизстан, Тажикстан, Туркменстан болон Дэлхийн мал, амьтны эрүүл мэндийн байгууллагын Зүүн Өмнөд Азийн бүсийн газрын төлөөлөгчид оролцож байна.

Бог малын мялзан өвчнийг Дэлхийн хэмжээнд хянах, устгах стратеги нь 2015 онд батлагдсан бөгөөд 2030 он гэхэд бог малын мялзан өвчнийг бүрэн устгах, мал эмнэлгийн үйлчилгээг сайжруулах, нөлөөлөх бусад халдварт өвчний нөлөөг бууруулах зорилтыг тавьсан.

Монгол Улсын Засгийн газар бог малын мялзан өвчнийг 2030 он гэхэд устгах зорилт бүхий энэхүү Дэлхийн хөтөлбөрийг бүрэн дэмжин ажиллаж байгаа. Сүүлийн жилүүдэд Монгол Улс болон хөрш орнуудад бүртгэгдсэн дэгдэлтүүд нь энэ өвчнийг устгахын тулд уялдаа холбоотой арга хэмжээ авах, мал эмнэлгийн үйлчилгээг бэхжүүлэх, хил дамнасан хамтын ажиллагааг сайжруулах шаардлагатайг харуулж байна.

Дэлхийн хэмжээнд Бог малын мялзан өвчнийг устгах хөтөлбөрийн хоёрдугаар үе шатанд нэвтрүүлсэн тархвар зүйн системийн (эписистемийн) чиг хандлага нь бог малын мялзан өвчнийг тархалтад нөлөөлж буй олон хүчин зүйлийг нэгтгэн авч үзэх замаар өвчнийг хянах, устгах стратегийг сайжруулах үр дүнтэй арга зам болох юм.

Энэхүү уулзалт, хурлыг Монгол Улсад зохион байгуулснаар бог малын мялзан өвчинтэй тэмцэх, устгах арга хэмжээг Дэлхийн мал, амьтны эрүүл мэндийн байгууллагын стандарт, заавар, зөвлөмжийн дагуу зохион байгуулж буйгаа хөрш зэргэлдээ орнуудад дэлгэрэнгүй танилцуулж, экспортыг нэмэгдүүлэх боломжийг бүрдүүлэх юм.

Дэлгэрэнгүй ...

Нийгэм

Жимс, жимсгэний талбайн тариалалт 70-80 хувийн ургалттай байна

Нийтэлсэн

41 минут өмнө

2025-04-02

Нийтэлч

24barimt

ОБЕГ-ын дарга, хошууч генерал Г.Ариунбуян Булган аймгийн Хангал сум Хялганат тосгонд ажиллаж, Ой, хээрийн түймрээс урьдчилан сэргийлэх сургалт, судалгаа, туршилт, үйлдвэрийн төв-123 дугаар ангийн үйл ажиллагаатай танилцлаа.

Тус анги нь “Тэрбум мод” үндэсний хөдөлгөөний үйл ажиллагааг дэмжих, байгалийн доройтлыг бууруулах, нөхөн сэргээх, төрийн үйлчилгээг иргэдэд шуурхай хүргэх, албаны бэлтгэл, бэлэн байдлыг дээшлүүлэх зорилгоор Засгийн газрын тогтоолоор байгуулагдан, үйл ажиллагаа явуулж байна.

Байгуулагдсан цагаасаа хойш өвлийн дотор хүлэмжийн бортогонд үрээр нийт 67.540 үрсэлгээ хийж, 355.750 тарьц, суулгац, харандааг нөөцөлсөн.

Түүнчлэн Орхон аймгийн Жаргалант, Булган аймгийн Орхон суманд байрлах мод үржүүлгийн газрын жимс, жимсгэний талбайн тариалалт 70-80 хувийн ургалттай байгаа бөгөөд хавар, намрын тариалалтын хүрээнд тус талбайн сул хэсгийг 100 хувь ашиглан тарьц суулгац тариалахаар ажиллаж байна.

Мөн 10.000 ширхэг жимс, жимсгэний суулгацыг үндэслүүлж, намрын тариалалтын үеэр харьяа анги, байгууллагуудад нийлүүлэхээр төлөвлөж байгааг энэ үеэр танилцууллаа гэж ХХААХҮЯ-наас мэдээллээ.

Дэлгэрэнгүй ...

Нийгэм

Монгол Улс олон давхаргат тэтгэврийн тогтолцоог нэвтрүүлэхээр зорьж байна

Нийтэлсэн

52 минут өмнө

2025-04-02

Нийтэлч

24barimt

Монгол Улсын Их Хурлаас баталсан Төрөөс тэтгэврийн шинэчлэлийн талаар баримтлах бодлого, Монгол Улсын урт болон дунд хугацааны бодлогын баримт бичигт тэтгэврийн шинэчлэлийн талаар олон давхаргат тэтгэврийн тогтолцоог нэвтрүүлэх, хуваарилалтын тогтолцооноос хагас хуримтлалын тогтолцоонд үе шаттай шилжих зэрэг зорилтууд тусгасан. Энэхүү зорилтыг хэрэгжүүлэхээр Гэр бүл, хөдөлмөр, нийгмийн хамгааллын яам Дэлхийн банктай хамтран ажиллаж байна.

Төрийн нарийн бичгийн дарга Л.Мөнхзул Дэлхийн банкны ахлах эдийн засагч Алексей Случинськийг хүлээн авч уулзаж, Монгол Улсын тэтгэврийн шинэчлэлийн бодлогын хувилбаруудад хийсэн дүн шинжилгээтэй танилцлаа.

Гэр бүл, хөдөлмөр, нийгмийн хамгааллын яам, Нийгмийн даатгалын ерөнхий газрын холбогдох мэргэжилтнүүд Дэлхийн банкны ахлах эдийн засагчтай хамтран тэтгэврийн шинэчлэлийн бодлогын хувилбаруудын актуар тооцоололын үр дүнг хэлэлцэж, холбогдох судалгаа, тооцооллыг хамтран хийж байна.

Дээрх судалгаа, тооцооллоос үзэхэд Монгол Улсын хүн ам зүйн бүтцэд өөрчлөлт орж, хүн амын дундаж насжилт, нийт хүн амд эзлэх ахмад настны эзлэх хувь нэмэгдэж байна. Ингэснээр 10 даатгуулагчид ногдох тэтгэвэр авагчийн тооны харьцаа 2024 онд 5 хүн байсан бол 2030 онд 7 хүн болох урьдчилсан тооцоололтой байна.

Тиймээс Монгол Улс тэтгэврийн шинэчлэлийг үргэлжлүүлж, хуваарилалтын тогтолцооноос хагас хуримтлалын тогтолцоонд үе шаттай шилжих, олон давхаргат тэтгэврийн тогтолцоог нэвтрүүлэхээр зорьж байна.

Дэлгэрэнгүй ...