Нийгэм

‘ХӨДӨЛМӨР ЭРХЛЭЛТИЙГ ДЭМЖИХ ТӨВ’-ИЙН НЭЭЛТЭЭ ХИЙЛЭЭ

Нийтэлсэн

7 жил өмнө

2018-01-30

Нийтэлч

Admin

Монгол Улсын Засгийн газар, нийслэлийн Засаг даргын 2016-2020 оны үйл ажиллагааны хөтөлбөрт Хөдөлмөр эрхлэлтийн талаар дэвшүүлсэн зорилтыг хэрэгжүүлэх зорилгоор “Нэг өрх-нэг ажлын байр” дэд хөтөлбөрийг хэрэгжүүлж байгаа юм. Уг хөтөлбөрийн хүрээнд хөдөлмөр эрхлэлтийн үйлчилгээний хүртээмж, шуурхай байдлыг ханган нэг цэгээс цогц үйлчилгээг хүргэх зорилготой “Нийслэлийн Хөдөлмөр эрхлэлтийг дэмжих төв” байгуулан үйл ажиллагааг нь эхлүүллээ.

Төвийн нээлтийн арга хэмжээг 2017 оны 01 дүгээр сарын 30-ны өдөр зохион байгуулж, Нийслэлийн Засаг дарга бөгөөд Улаанбаатар хотын захирагч С.Батболд тэргүүтэй нийслэлийн төр захиргааны байгууллагын төлөөлөл, ХНХЯ-ны ахлах мэргэжилтэн, Хөдөлмөр эрхлэлтийн үндэсний зөвлөлийн нарийн бичгийн дарга Д.Хадхүү, ХХҮЕГ-ын Хөдөлмөр эрхлэлтийг дэмжих газрын дарга Ч.Саналбаяр, мэргэжилтэн Т.Лхагвасүрэн, Н.Алтансувд ГХАН-ийн мэргэжилтэн Г.Сара, Швейцарийн Засгийн газрын санхүүжилттэй “Залуучуудын хөдөлмөр эрхлэлтийг дэмжих төслийн зөвлөх Иван Такач, МАОЭНХ-ны Гүйцэтгэх захирал Х.Ганбаатар, 9 дүүргийн ХХҮХ-ийн дарга зэрэг албаны хүмүүс, нийслэлийн иргэдийн төлөөлөл оролцлоо.

Нээлтийн арга хэмжээний үеэр “Старт ап” ТББ залуучуудад Гарааны бизнесийн тухай ойлголт,ы Хэрэглээний сэтгэл судлалын хүрээлэн Их дээд сургуулийн оюутан залууст Ажлын ярилцлагад хэрхэн бэлтгэх талаар, мэргэжлийн сэтгэл зүйч үйлчлүүлэгчдэд оношлогоо хийн, сэтгэл зүйн зөвлөгөө өгч, эмэгтэйчүүдийн төрийн бус байгууллагын төлөөллүүдэд эмэгтэйчүүдийг хэрхэн чадавхижуулах боломжийн талаар зөвлөгөө мэдээлэл өгч 32 иргэнд үйлчилгээ үзүүлсэн байна. Мөн Хөдөлмөр эрхлэлтийг дэмжих төвд 36 ажил хайгчийг бүртгэж, 48 үйлчлүүлэгчид нээлттэй ажлын байрны мэдээллийг өгч холбон зуучлах үйлчилгээ үзүүлсэн байна.

Сэдвүүд:Нийслэлийн Хөдөлмөр Эрхлэлтийн Газар

Дэлгэрэнгүй ...

Сэтгэгдэл үлдээх

Нийгэм

Бог малын мялзан өвчний тархвар зүйн системийн төв азийн орнуудын бүсийн уулзалт болж байна

Нийтэлсэн

54 минут өмнө

2025-04-02

Нийтэлч

24barimt

Засгийн газрын хэрэгжүүлэгч агентлаг-Мал эмнэлгийн ерөнхий газар Дэлхийн мал амьтны эрүүл мэндийн байгууллага, НҮБ-ын Хүнс хөдөө аж ахуйн байгууллагатай хамтран Бог малын мялзан өвчнийг устгах үйл ажиллагааны чиглэлээр бүсийн уулзалт, хурлыг Монгол Улсад зохион байгуулж байна.

Хуралд Дэлхийн мал, амьтны эрүүл мэндийн байгууллагын Бүгд Найрамдах Франц Улсын Парис хотноо байрлах төвийн төлөөлөгчид, НҮБ-ийн ХХААБ-ын төлөөлөгчид, Бог малын мялзангийн олон улсын лавлагаа лаборатори Франц Улсын CIRAD-ын төлөөлөл, БНХАУ, ОХУ, Казакстан, Узбезстан, Гүрж, Киргизстан, Тажикстан, Туркменстан болон Дэлхийн мал, амьтны эрүүл мэндийн байгууллагын Зүүн Өмнөд Азийн бүсийн газрын төлөөлөгчид оролцож байна.

Бог малын мялзан өвчнийг Дэлхийн хэмжээнд хянах, устгах стратеги нь 2015 онд батлагдсан бөгөөд 2030 он гэхэд бог малын мялзан өвчнийг бүрэн устгах, мал эмнэлгийн үйлчилгээг сайжруулах, нөлөөлөх бусад халдварт өвчний нөлөөг бууруулах зорилтыг тавьсан.

Монгол Улсын Засгийн газар бог малын мялзан өвчнийг 2030 он гэхэд устгах зорилт бүхий энэхүү Дэлхийн хөтөлбөрийг бүрэн дэмжин ажиллаж байгаа. Сүүлийн жилүүдэд Монгол Улс болон хөрш орнуудад бүртгэгдсэн дэгдэлтүүд нь энэ өвчнийг устгахын тулд уялдаа холбоотой арга хэмжээ авах, мал эмнэлгийн үйлчилгээг бэхжүүлэх, хил дамнасан хамтын ажиллагааг сайжруулах шаардлагатайг харуулж байна.

Дэлхийн хэмжээнд Бог малын мялзан өвчнийг устгах хөтөлбөрийн хоёрдугаар үе шатанд нэвтрүүлсэн тархвар зүйн системийн (эписистемийн) чиг хандлага нь бог малын мялзан өвчнийг тархалтад нөлөөлж буй олон хүчин зүйлийг нэгтгэн авч үзэх замаар өвчнийг хянах, устгах стратегийг сайжруулах үр дүнтэй арга зам болох юм.

Энэхүү уулзалт, хурлыг Монгол Улсад зохион байгуулснаар бог малын мялзан өвчинтэй тэмцэх, устгах арга хэмжээг Дэлхийн мал, амьтны эрүүл мэндийн байгууллагын стандарт, заавар, зөвлөмжийн дагуу зохион байгуулж буйгаа хөрш зэргэлдээ орнуудад дэлгэрэнгүй танилцуулж, экспортыг нэмэгдүүлэх боломжийг бүрдүүлэх юм.

Дэлгэрэнгүй ...

Нийгэм

Жимс, жимсгэний талбайн тариалалт 70-80 хувийн ургалттай байна

Нийтэлсэн

59 минут өмнө

2025-04-02

Нийтэлч

24barimt

ОБЕГ-ын дарга, хошууч генерал Г.Ариунбуян Булган аймгийн Хангал сум Хялганат тосгонд ажиллаж, Ой, хээрийн түймрээс урьдчилан сэргийлэх сургалт, судалгаа, туршилт, үйлдвэрийн төв-123 дугаар ангийн үйл ажиллагаатай танилцлаа.

Тус анги нь “Тэрбум мод” үндэсний хөдөлгөөний үйл ажиллагааг дэмжих, байгалийн доройтлыг бууруулах, нөхөн сэргээх, төрийн үйлчилгээг иргэдэд шуурхай хүргэх, албаны бэлтгэл, бэлэн байдлыг дээшлүүлэх зорилгоор Засгийн газрын тогтоолоор байгуулагдан, үйл ажиллагаа явуулж байна.

Байгуулагдсан цагаасаа хойш өвлийн дотор хүлэмжийн бортогонд үрээр нийт 67.540 үрсэлгээ хийж, 355.750 тарьц, суулгац, харандааг нөөцөлсөн.

Түүнчлэн Орхон аймгийн Жаргалант, Булган аймгийн Орхон суманд байрлах мод үржүүлгийн газрын жимс, жимсгэний талбайн тариалалт 70-80 хувийн ургалттай байгаа бөгөөд хавар, намрын тариалалтын хүрээнд тус талбайн сул хэсгийг 100 хувь ашиглан тарьц суулгац тариалахаар ажиллаж байна.

Мөн 10.000 ширхэг жимс, жимсгэний суулгацыг үндэслүүлж, намрын тариалалтын үеэр харьяа анги, байгууллагуудад нийлүүлэхээр төлөвлөж байгааг энэ үеэр танилцууллаа гэж ХХААХҮЯ-наас мэдээллээ.

Дэлгэрэнгүй ...

Нийгэм

Монгол Улс олон давхаргат тэтгэврийн тогтолцоог нэвтрүүлэхээр зорьж байна

Нийтэлсэн

1 цаг өмнө

2025-04-02

Нийтэлч

24barimt

Монгол Улсын Их Хурлаас баталсан Төрөөс тэтгэврийн шинэчлэлийн талаар баримтлах бодлого, Монгол Улсын урт болон дунд хугацааны бодлогын баримт бичигт тэтгэврийн шинэчлэлийн талаар олон давхаргат тэтгэврийн тогтолцоог нэвтрүүлэх, хуваарилалтын тогтолцооноос хагас хуримтлалын тогтолцоонд үе шаттай шилжих зэрэг зорилтууд тусгасан. Энэхүү зорилтыг хэрэгжүүлэхээр Гэр бүл, хөдөлмөр, нийгмийн хамгааллын яам Дэлхийн банктай хамтран ажиллаж байна.

Төрийн нарийн бичгийн дарга Л.Мөнхзул Дэлхийн банкны ахлах эдийн засагч Алексей Случинськийг хүлээн авч уулзаж, Монгол Улсын тэтгэврийн шинэчлэлийн бодлогын хувилбаруудад хийсэн дүн шинжилгээтэй танилцлаа.

Гэр бүл, хөдөлмөр, нийгмийн хамгааллын яам, Нийгмийн даатгалын ерөнхий газрын холбогдох мэргэжилтнүүд Дэлхийн банкны ахлах эдийн засагчтай хамтран тэтгэврийн шинэчлэлийн бодлогын хувилбаруудын актуар тооцоололын үр дүнг хэлэлцэж, холбогдох судалгаа, тооцооллыг хамтран хийж байна.

Дээрх судалгаа, тооцооллоос үзэхэд Монгол Улсын хүн ам зүйн бүтцэд өөрчлөлт орж, хүн амын дундаж насжилт, нийт хүн амд эзлэх ахмад настны эзлэх хувь нэмэгдэж байна. Ингэснээр 10 даатгуулагчид ногдох тэтгэвэр авагчийн тооны харьцаа 2024 онд 5 хүн байсан бол 2030 онд 7 хүн болох урьдчилсан тооцоололтой байна.

Тиймээс Монгол Улс тэтгэврийн шинэчлэлийг үргэлжлүүлж, хуваарилалтын тогтолцооноос хагас хуримтлалын тогтолцоонд үе шаттай шилжих, олон давхаргат тэтгэврийн тогтолцоог нэвтрүүлэхээр зорьж байна.

Дэлгэрэнгүй ...