Дэлхий дахинд

АНУ-д хар баасан гаригийн онлайн борлуултын хэмжээ $7.4 тэрбумд хүрчээ

Нийтэлсэн

5 жил өмнө

2019-12-02

Нийтэлч

АНУ-д талархлын баярын маргааш тохиодог “Хар Баасан” гарагийн худалдааны онлайн борлуулалтын хэмжээ $7.4 тэрбумд хүрч дээд амжилт тогтоосныг Adobe Analytics-ийн тайланд мэдээлжээ.

Гэхдээ өнгөрсөн оны “Cyber Monday” худалдааны дээд амжилтаас $500 сая орчмоор дутсан байна. Өөрөөр хэлбэл “Хар Баасан” гарагийн худалдааны бүх цаг үеийн дээд амжилтыг тогтоосон бол нийт онлайн худалдааны хүрээнд авч үзвэл хоёрт орох үзүүлэлт болжээ.

Өнгөрсөн оны “Хар Баасан” гарагаас энэ жилийнх 20 хувийн өсөлттэй байжээ. Онлайн орчинд хамгийн их борлогдсон бүтээгдэхүүнүүдэд “Frozen 2” киноны албан ёсны бүтээгдэхүүн болох “LOL Surprise” хүүхэлдэй, FIFA 20 компьютер тоглоом, Nintendo тоглоомын төхөөрөмж зэрэг багтсан байна.

Харин электроникийн бүтээгдэхүүнүүдээс хамгийн их борлогдсон нь Apple-ийн зөөврийн компьютерууд, AirPods утасгүй чихэвч, Самсунгийн телевизүүд байжээ.

Хямдралын арга хэмжээ өнөөдөр “Cyber Monday” худалдаагаар үргэлжилж, дахин шинэ дээд амжилт тогтооно гэсэн хүлээлттэй байна. Өнөөдрийн борлуулалтын хэмжээг $9.4 тэрбумд хүрнэ гэж судлаачид тооцоолжээ.

Сүүлийн жилүүдэд иргэд дэлгүүр, худалдааны төвүүдээр зочлохын оронд онлайнаар худалдаж авах нь нэмэгдсэн байна. Баасан гарагт биеэр очиж гүйцэтгэсэн худалдан авалтын хэмжээ өмнөх оныхоос 6.2 хувиар буурсныг CNBC суваг мэдээлжээ.

АНУ-ын Үндэсний Жижиглэнгийн Худалдааны Холбоо 2019 оны сүүлийн хоёр сарын баярын худалдаа өмнөх оныхоос 3.8-4.2 хувиар өсөж, $727.9-$730.7 тэрбумд хүрнэ гэсэн тооцоо гаргасан байна.

Эх сурвалж: Reuters

Сэдвүүд:

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

3 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...