Байгаль нуурын эко системд нөлөөлж болзошгүй Сэлэнгэ мөрний усан цахилгаан станц барьснаар Монгол улс эрчим хүчнийхээ өсөн нэмэгдэж байгаа хэрэгцээг хангаж чадахгүй гэж ОХУ-ын ШАУ-ийн Сибирийн салбарын Л.А. Мелентьевийн нэрэмжит Эрчим хүчний системийн хүрээлэнгийн захирал Валерий Стенников мэдэгдсэнийг tayga.info хэвлэл мэдээлжээ.

“Эрчтим хүчний хэрэглээний энэ өсөлт 2030 он гэхэд өнөөгийн л энэ түвшинд байхаар байгаа нь эрчим хүчний үйлдвэрлэлийг гурав дахин өөсгөх  шүаардлаагтайг харуулж байна. Тэгэхээр Усан цахилгаан станц барьснаар энэ бэрхшээлийг шийдвэрлэж чадахгүй” гэж тэр ТАСС агентлагт болсон хэвлэлийн бага хурал дээр мэдэгдсэн байна.

Монголд өнөөдөр хэд хэдэн Дулааны цахилгаан станц ажиллаж гол ачааллаа хангаж байгаа ч шөнө оройн их ачааллын үед нэмэлт хэрэгцээ их байдгаас Усан цахилгаан станц барих санал гараад байгаа юм. Шинжээчдийн дүгнэлтээр бол ингэснээр зөвхөн өнөөгийн бэрхшээлийг л даван туулахаас биш 2030 он хүртэлх эрчтим хүчний хэрэглээний өсөлтийг тооцоогүй юм.

Стенников харин монголын говьд олон улсын зэрэглэлийн чадал бүхий нарны эрчим хүчний станц байгуулах “Говь ТЭК” төсөл үр дүнтэй гэж санал болгосон байна. “хамгийн тохиромжтой, үр дүнтэй, байгаль орчинд ээлтэй, эдийн засгийн хэмнэлттэй хувилбарыг сонгохын тулд бүхий л хувилбарыг бүх талаас нь судалж үзэх хэрэгтэй. Бидний хувьд хамгийн үр дүнтэй хувилбар бол Монголчууд оросоос эрчим хүч авах явдал. Бид бүхий л хэрэгцээг нь хангаж чадна. Энэ бол , бидэнд ч , монголд ч байгаль орчинд хор хөнөөл багатай, бас хямд байх болно” гэж эрдэмтэн тэмдэглэжээ.

Монголчууд Байгал нуурын цутгал Сэлэнгэ мөрний сав газарт хэд хэдэн усан цахилгаан станц барихаар төлөвлөөд байгаа юм. Энд Эгийн гол, Шүрэнгийн, Орхон голын сав газарт  усан цахилгаан станц барих төсөл боловсруулсны сүүлийн хоёр төслийг нь Дэлхийн банк санхүүжүүлэх юм.

ОХУ-ын Засгийн газар, олон нийт монголын эдгээр төслийг эсэргүүцэж нэг биш удаа  санал бодлоо илэрхийлээд байгаа. ОХУ-ын ШУА-ийн эрдэмтдийн дүгнэлтээр бол Сэлэнгэ мөрөн дээр усан цахилгаан станц баривал Бахйгаль нуурын эко системт шууд мсөрөг нөлөө үзүүлэх юм.

Үүнээс үүдээд орос  монголд нийлүүлдэг эрчим хүчээ нэмэгдүүлье гэсэн санал тавьсан ч Монголын тал ямар ч хариу өгөөгүй хэмээн ОХУ-ын  Эрчим хүчний яам  мэдэгдсэн юм хэмээн tayga.info хэвлэлд бичжээ.