Дэлхий дахинд

Хубэй мужийн гадна анхны хүн коронавирусийн халдвараар нас барж, найман хотод хөл хорилоо

Нийтэлсэн

5 жил өмнө

2020-01-24

Нийтэлч

Хятадын Ухань хотоос гаралтай шинэ төрлийн коронавирусийн тархалт хурдтай нэмэгдэж байна.

Өчигдрийг хүртэл энэ вирусийн халдвараар нас барсан бүх 17 хүн Ухань хот оршдог Хубэй мужийн иргэд байжээ. Харин өчигдөр Хубэй мужаас гадна амьдардаг хүн анх удаа коронавирусийн халдвараар нас баржээ.

Бээжин хотын ойролцоо оршдог Хэбэй мужийн 80 настай иргэн Лхагва гарагт нас барснаар хохирогчдын тоо 18 болсон байна. Түүнийг шинэ вирусийн халдвараар нас барсныг өчигдөр буюу Пүрэв гарагт тогтоожээ. Халдвар авсан нийт хүний тоо сүүлийн байдлаар 647 болоод байна.

Хохирогч нь Хубэй муж дахь хамаатныдаа хоёр сар гаруй хугацаанд зочлоод ирснийхээ дараа өвчилсөн гэнэ. Одоо түүнтэй ойр байсан 76 хүнийг тусгаарлаад байгаа тухай Хэбэй мужийн захиргаа мэдээлжээ.

Өчигдөр бас Хятадын эрх баригчид Ухань хотоос гадна Хубэй мужийн долоон хотод хөл хорио тогтоож, хүмүүсийн гадагшаа урсгалыг хориглосон байна. Эдгээр хотуудад Хуанган, Эжоу, Чиби, Шянтао, Чянжянь, Зижянь, Личуань багтжээ.

Ухань хот нь Хятадын том хотуудтай өндөр хурдны төмөр замаар холбогддог чухал зангилаа юм. Эндээс Бээжин хүрэхэд 4 цаг, Хонг Конг хүрэхэд 4.5 цаг, Шанхай хүрэхэд 6 цаг зарцуулдаг гэнэ.

Хятадын сангийн яам өчигдөр коронавирусийн тархалтыг зогсооход зориулж Хубэй мужид нэг тэрбум юань ($144 сая) олгож байгаагаа зарлажээ.

Эх сурвалж: South China Morning Post

Сэдвүүд:онцлох

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

3 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...