Дэлхий дахинд

АНУ-ын ерөнхийлөгч Дональд Трамптай гар барьсан конгрессийн гишүүд хөл хорионд оржээ

Нийтэлсэн

5 жил өмнө

2020-03-10

Нийтэлч

АНУ-ын ерөнхийлөгч Дональд Трамптай саяхан уулзсан конгрессийн хоёр гишүүн өчигдөр өөрсдийгөө коронавирусийн халдвар авсан байж болзошгүй гэж мэдэгдээд хөл хорионд оржээ. Тэдэнтэй хоёрдугаар сарын сүүлээр болсон арга хэмжээнд хамт оролцсон хүнээс өчигдөр коронавирусийн халдвар илэрсэн юм байна.

Конгрессийн гишүүдийн нэг Даг Коллинз өнгөрсөн Баасан гарагт Атланта хотод Халдварт Өвчний Хяналт, Урьдчилан Сэргийлэх төвд зочлохдоо АНУ-ын ерөнхийлөгч Дональд Трамптай уулзаж, гар барьж байжээ.

Нөгөө нэг гишүүн Мэтт Гэц нь өчигдөр Дональд Трамптай цуг АНУ-ын ерөнхийлөгчийн “Air Force One” нисэх онгоцоор хамт аялсан юм.

Тэрээр 11 хоногийн өмнө болсон Бүгд Найрамдах намын чуулганд оролцохдоо халдвар тээгчтэй ойр харилцаж байжээ.

Конгрессийн гишүүдэд одоогоор халдварын ямар нэг шинж тэмдэг илрээгүй байгаа гэнэ.

Өнгөрсөн сарын сүүлээр болсон чуулганд оролцсон АНУ-ын нийт таван хууль тогтоогч одоогоор өөрсдийгөө тусгаарлаад байна.

Тэд бүгд халдвар тээгчтэй ойр харилцсан хүмүүс юм. Хэдийгээр АНУ-д Covid-19 вирусийн халдварын тархалт эрчимжиж байгаа ч ерөнхийлөгч Дональд Трамп эрсдлийг үгүйсгэсээр байна.

Тэрээр саяхан твиттер хуудсандаа “Өнгөрсөн онд 37,000 америк хүн ханиад томууны улмаас нас барсан. Жил бүр дунджаар 27,000-аас 70,000 хүн нас бардаг. Ямар ч хөл хорио тогтоох шаардлагагүй, амьдрал, эдийн засаг хэвийн үргэлжилнэ. Одоогийн байдлаар АНУ-д халдварын 546 тохиолдол бүртгэгдэж, 22 хүн нас бараад байна” гэж бичжээ.

Сэдвүүд:

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

4 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...