Дэлхий дахинд

Москва хотын бүх оршин суугчид өнөөдрөөс эхлэн гэр гэртээ тусгаарлагдана

Нийтэлсэн

5 жил өмнө

2020-03-30

Нийтэлч

ОХУ-ын нийслэл Москва хотын бүх оршин суугчид Даваа гарагаас эхлэн гэр гэртээ өөрсдийгөө тусгаарлах болсныг хотын захирагч Сергей Собянин өчигдөр мэдэгджээ.

“Өнөөдөр би COVID-19 тархалтыг хязгаарлах нэмэлт арга хэмжээний захирамжинд гарын үсэг зурлаа. Маргаашаас эхлэн Москва хотын бүх оршин суугчид гэр гэртээ өөрийгөө тусгаарлах горимд шилжих болж байна” гэж Собянин сошиал хуудсандаа бичсэн байна.

Иргэд зөвхөн шаардлагатай тохиолдолд эмийн сан, эмнэлэг орох, гэртээ ойр хүнсний дэлгүүрт очих, хог хаях, ажилдаа ирж, очих, нохойг гэрээсээ 100 метр дотор салхилуулах зорилгоор л гэрээсээ гарах эрхтэй болжээ.

Зөвхөн Москва хотын захиргаанаас тусгай зөвшөөрөл авсан этгээд өөр зорилгоор хот дотор зорчиж болох юм байна.

Ойрын үед хотын захиргаа иргэдийн хөдөлгөөнийг хянах ухаалаг шийдэл боловсруулж, нэвтрүүлэхээр болсныг Собянин мэдэгджээ.

Гэрээс гарахдаа иргэд бусад хүмүүсээс хамгийн багадаа 1.5 метр зайтай биеэ авч явах ёстой болж байна.

Өчигдрийн байдлаар ОХУ-д шинэ коронавирусийн халдварын 1,534 тохиолдол бүртгэгдэж, найман өвчтөн нас баржээ. Халдвар авсан хүмүүсээс 64 нь бүрэн эдгэрсэн байна. Москва хотод өнөөдрөөс хэрэгжиж эхэлсэн дэглэм хэзээ дуусах талаар мэдээлэл өгөөгүй байна.

Эх сурвалж: ТАСС

Сэдвүүд:онцлох

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

4 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...