Дэлхий дахинд

Испани улс коронавирусийн халдварын нийт тоогоор Хятадыг гүйцлээ

Нийтэлсэн

5 жил өмнө

2020-03-31

Нийтэлч

Даваа гарагт Испани улсад шинэ коронавирусийн өвчлөлөөр 812 хүн нас барсан нь өмнөх өдрийн 838-аас бага зэрэг буурсан үзүүлэлт болжээ.

Нийлбэр дүнгээр тус улсын эндэгдлийн тоо 7,340 хүрсэн байна. Энэ нь дэлхийн улс орнуудаас зөвхөн Италийн (11,591 эндэгдэл) дараа орох муу үзүүлэлт юм.

Даваа гарагийн байдлаар тус улсад илэрсэн нийт халдварын тоо 85,195 хүрсэн нь дэлхийд зөвхөн АНУ (143,055), Итали (101,739) хоёр улсын дараа орох үзүүлэлт болжээ.

Өчигдөр Испани улс илэрсэн халдварын тоогоор Хятад улсыг (81,470) гүйцэж түрүүлсэн юм.

Коронавирусийн тахалтай тэмцэхэд Испани улсын эрүүл мэндийн систем хүчин мөхөсдөж байгаа. Өвчтэй хүмүүсийг хэвтүүлэх эмнэлгийн ор хүрэлцэхгүй байгаагаас зочид буудлууд, хурлын танхимуудыг ашиглаж байна.

Нас барсан хүмүүсийн шарилыг хадгалах зай багтаамж хүрэлцэхгүй байгаа тул Мадрид хотын хамгийн том мөсөн гулгуурын талбайг шарил хадгалах газар болгон хувиргаад байгаа юм.

Даваа гарагийн байдлаар Испанид 12,200 гаруй эмч, эмнэлгийн ажилтан Covid-19 халдвар авсан нь Баасан гарагийн 9,500 орчмоос огцом өссөн тоо болохыг эрүүл мэндийн яам нь мэдээлжээ.

Испани улсад гуравдугаар сарын 14-нөөс эхлэн орон даяар хөл хорионы дэглэм тогтоогоод байгаа. Нөхцөл байдал өдрөөс өдөрт муудаж, хөл хорионы дэглэмийн үр дүн хэзээ гарах нь тодорхойгүй байна.

Эх сурвалж: AFP

Сэдвүүд:

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

4 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...