Коронавирус халдварын дэгдэлтээс шалтгаалан олон улсын агаарын тээврийн салбарт өрнөж буй цаг үеийн мэдээллийг тоймлон цувралаар хүргэж байна.

• “Вьетнам Эйрлайнс” компани коронавирусийн дэгдэлтээс шалтгаалан олон улсын нислэгээ 2020 оны  гуравдугаар сарын 25-ны өдрөөс эхлэн нэг сарын хугацаатай зогсоов.
• Олон улсын нислэгийн хориг болон зорчигчдын эрэлт буурч байгаатай холбогдуулан Хонконгийн “Катей Пасифик” болон охин компани болох “Катей Драгон” компаниуд 2020 оны 4,5 дугаар саруудад төлөвлөсөн нислэгийнхээ 4 хувийг гүйцэтгэх болсон байна. “Катей Пасифик” компани долоо хоногийн 3 давтамжаар Bangkok Suvarnabhumi Airport, Thailand (BKK), London Heathrow Airport (LHR), Los Angeles International Airport (LAX), Tokyo Narita International Airport (NRT), Singapore Changi Airport (SIN), and Sydney Airport (SYD) болон бусад чиглэлүүд рүү нислэг үйлдэхээр байна.
• АНУ-ын “Американ Эйрлайнс” компанийн бүсийн тээвэрлэгч “Compass Airlines” дөрөвдүгээр сарын 7-ны өдрөөс эхлэн үйл ажиллагаагаа зогсоосноор өдгөө АНУ-ын хоёр дахь агаарын тээвэрлэгч болж байна. Үүнээс өмнө “Trans States” компани 2020 оны дөрөвдүгээр сарын 1-ний өдрөөс эхлэн үйл ажиллагаагаа зогсоохоо мэдэгдэж байсан юм.
• Европын Консулын зүгээс флотын шаардлагыг 2020 оны гуравдугаар сарын 1-ний өдрөөс 2020 оны аравдугаар сарын 24-нийг хүртэл түр хугацаанд чөлөөлснөө мэдэгдэв.
• Арабын Нэгдсэн Эмират Улсын Абу Даби хотод төвтэй “Этихад Эйрлайнз” компани 2020 оны гуравдугаар сарын 25-ны өдрөөс дөрөвдүгээр сарын 8-ныг хүртэл бүх нислэгээ зогсоожээ.
• Арабын Нэгдсэн Эмират Улсын “Эмират Эйрлайнз” мөн бүх нислэгээ 2020 оны гуравдугаар сарын 25-ны өдрөөс зогсоогоод байгаа бөгөөд одоогийн байдлаар карго тээврийн нислэгүүд үйлдэж байна.
• “Сингапур Эйрлайнз” компани нийт 194 агаарын хөлгөөс 11-ийг ашиглаж байгаа бөгөөд бүх нислэгийн 96 хувийг энэ сарыг дуустал цуцлаад байна.