Дэлхий дахинд

АНУ-д коронавирусийн тахал энэ долоо хоногт оргилдоо хүрнэ

Нийтэлсэн

5 жил өмнө

2020-04-14

Нийтэлч

Шинэ коронавирусийн тахалд хамгийн хүнд нэрвэгдсэн улс орнууд хорио цээрийн дэглэмээ хэзээ цуцлах талаар ид хэлэлцэж байна.

Испани улсын эрх баригчид өөрийнх нь улсад дэгдсэн тахал оргил үедээ хүрсэн гэж үзээд энэ долоо хоногоос эдийн засгийн зарим салбарт үйл ажиллагаагаа эхлэх зөвшөөрөл өгчээ.

Италийн хамгийн их хохирол амссан мужуудын нэг Венетод тогтоосон хорио цээрийн дэглэмийг сулруулж эхэлсэн байна.

Даваа гарагт Италид халдвараар амиа алдсан хүний нийт тоо 20,000 давсан ч өдөрт илэрдэг халдварын шинэ тохиолдлын тоо буурсаар байгаа юм.

АНУ-ын тахалд хамгийн гүн хэлмэгдсэн муж болох Нью Йоркод өчигдөр 671 хүн нас барсан нь сүүлийн долоо хоногийн хугацаанд анх удаа нэг өдөрт 700-аас цөөн хүний амь эндсэн тохиолдол болжээ.

Франц, Япон, Их Британи улсуудад өдөрт илэрдэг халдварын тоо нэмэгдсээр байгаа тул хорио цээрийн дэглэмээ тавдугаар сар гартал үргэлжлүүлэхээр болж байна.

Харин АНУ-д халдварын тархалт буурах эхний шинж тэмдэг ажиглагдаж эхэлсэн бөгөөд тахлын оргил үе энэ долоо хоногт тохионо гэж тооцоолж байгаагаа мэргэжилтнүүд нь мэдээлжээ.

Тус улсын Халдварт Өвчний Хяналт, Урьдчилсан Сэргийлэх Төвийн захирал Роберт Рэдфилд өчигдөр NBC сувагт ярихдаа “Бид одоо л оргил үедээ ойртож байна. Нэг өдөрт илэрсэн халдварын тоо өмнөх өдрийн тооноос буурсан байвал оргил үедээ хүрсэн гэж ойлгож болно” гэж хэлсэн байна.

АНУ-ын ерөнхийлөгч Дональд Трамп өчигдөр улс орныхоо эдийн засгийг хэзээ хорио цээрийн дэглэмээс гаргаж, идэвхжүүлэх хугацааг удахгүй зарлахаа мэдэгдсэн юм.

Харин АНУ-ын мужууд уг шийдвэрийг Цагаан ордон гаргах ёсгүй гэж үзээд дэглэмийг цуцлах хугацааг тус тусдаа зарлахаа мэдэгджээ. Тухайлбал баруун эргийн Калифорни, Вашингтон, Орегон мужууд нэг бодлогоор хамтарсан шийдвэр гаргах тухайгаа мэдэгдсэн байна.

Зүүн хойд бүсийн Нью Йорк тэргүүтэй мужууд ч бас ийм шийдвэрийг хоорондоо уялдаа холбоотойгоор гаргахаа мэдэгдээд байна.

Шинэ коронавирусийн батлагдсан халдварын тоогоор дэлхийд тэргүүлж байгаа 10 улсын тоо баримтуудтай танилцана уу:

	Улс	Халдварын тохиолдол	Эндэгдэл	Харьцаа
1	АНУ	577,307	23,219	4%
2	Испани	169,628	17,628	10%
3	Итали	159,516	20,465	13%
4	Франц	137,875	14,986	11%
5	Герман	128,208	3,043	2%
6	Их Британи	89,569	11,346	13%
7	Хятад	83,224	3,341	4%
8	Иран	73,303	4,585	6%
9	Турк	61,049	1,200	2%
10	Бельги	30,589	3,903	13%

Эх сурвалж: AFP, Associated Press

Сэдвүүд:

Дэлгэрэнгүй ...

Дэлхий дахинд

АНУ-ын зарим мужид цас, бороо холилдон орж, хоёр хүн амь насаа алджээ

Нийтэлсэн

1 цаг өмнө

2024-11-25

Нийтэлч

24barimt

АНУ-ын Калифорни, Сьерра невада мужид өнгөрсөн бямба гарагт 1.2 м-ийн зузаан цас, 32 см-ийн бороо орж, салхины хурд 24.4 м/секунд хүрч шуурчээ.

Баруун Виржиниа мужид 61 см-ийн зузаан цас орсон байна.

Үүний улмаас хоёр хүн амь насаа алдаж, олон мянган айл өрх тог цахилгаангүй болж, хот хоорондын авто замуудад тээврийн хэрэгслүүд мөргөлдөж, замын хөдөлгөөнд саад учруулжээ.

Калифорни мужийн цаг уурын газраас мягмар гараг хүртэл дунд зэргийн онц байдал зарлаж, оршин суугчдад сэрэмжлүүлэг хүргээд байна гэж ОБЕГ-аас мэдээллээ.

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

4 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...