Дэлхий дахинд

Парисын дарь эхийн сүмийн засварын ажил хойшлогджээ

Нийтэлсэн

5 жил өмнө

2020-04-15

Нийтэлч

850 жилийн түүхтэй Парисын дарь эхийн сүм галд сүйдсэнээс хойш нэг жил өнгөрчээ. Прокуроруудын таамагласнаар унтраагаагүй тамхи, эсвэл тогны хэт ачааллаас үүссэн гал сүмийг тэр чигт нь шатаасан үйл явдал өнгөрсөн жилийн дөрөвдүгээр сард болж, дэлхий даяар олон зуун сая хүн хандив өргөснөөр сэргээн засах ажил эхлэн 2024 онд дуусах төлөвлөгөө гаргасан билээ. Гэвч сүмийг сэргээн засварлаж, дахин босгох барилгын ажил өдгөө коронавирусийн тархалтаас шалтгаалан зогсонги байдалд орж, ард иргэдийн анхаарал өөр зүйлд төвлөрсөн байна.

Барилгын ажил өнгөрсөн гуравдугаар сарын 16-нд буюу Франц оронд шинэ коронавирусийн халдвар огцом нэмэгдэх үед зогссон билээ. Түүнээс өмнө сэргээн засах ажил олон сарын турш үргэлжилсэн ч нийт хохирлыг тооцоолох боломжгүй хэвээр байгаа гэнэ. Ерөнхийлөгч Эммануэль Макроны томилсон дээрх асуудлыг хариуцан ажиллаж буй армийн генерал Жийн Луй Жиоржелин нэгдүгээр сард сенатуудад “Сүм хэзээ бүрэн сэргээгдэхийг хэлэхэд дэндүү эрт байна” хэмээгээд барилгын бүтэн цахилгааны монтаж, түймрээс үүдсэн асар их үнс. Тоосыг зайлуулах зэрэг зайлшгүй хийх шаардлагатай ажлуудын урт жагсаалт танилцуулжээ.Харин балгасыг дахин ашиглаж болох эсэхийг үнэлэх ажил хийсэн түүхийн дурсгалт байгууламж судалгааны лабораторын Алине Магниен “Дарь эхийн сүмийн зүрх аврагдсан. Дээвэр, хана зэрэг бол тийм ч чухал биш. Дарь эхийн сүм сэргэнэ. Энэ бол урлагийн бүтээл, чулуу, хагарсан шилнүүдийг бол цэвэрлэчхэж болно. Удахгүй сүм өмнөхөөсөө ч илүү үзэсгэлэнтэй болно” хэмээн мэдэгджээ.

Сэдвүүд:

Дэлгэрэнгүй ...

Дэлхий дахинд

АНУ-ын зарим мужид цас, бороо холилдон орж, хоёр хүн амь насаа алджээ

Нийтэлсэн

2 цаг өмнө

2024-11-25

Нийтэлч

24barimt

АНУ-ын Калифорни, Сьерра невада мужид өнгөрсөн бямба гарагт 1.2 м-ийн зузаан цас, 32 см-ийн бороо орж, салхины хурд 24.4 м/секунд хүрч шуурчээ.

Баруун Виржиниа мужид 61 см-ийн зузаан цас орсон байна.

Үүний улмаас хоёр хүн амь насаа алдаж, олон мянган айл өрх тог цахилгаангүй болж, хот хоорондын авто замуудад тээврийн хэрэгслүүд мөргөлдөж, замын хөдөлгөөнд саад учруулжээ.

Калифорни мужийн цаг уурын газраас мягмар гараг хүртэл дунд зэргийн онц байдал зарлаж, оршин суугчдад сэрэмжлүүлэг хүргээд байна гэж ОБЕГ-аас мэдээллээ.

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

4 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...