Дэлхий дахинд

Африк, энэтхэгчүүд Европ, АНУ-д тахлын дөрөв дэх үеийг авчирч болзошгүй

Нийтэлсэн

5 жил өмнө

2020-04-16

Нийтэлч

ДЭМБ-ын мэргэжилтэн Африк, Энэтхэгийн алс бөглүү нутгуудыг маш сайн шалгахгүй бол дэлхий дахинд дахин “Covid-19” дэгдэх аюултайг санууллаа.

ДЭМБ-ын Олон нийтийн эрүүл мэнд, хүний эрхийн төвийн захирал профессор Лауренс Гостин өчигдөр/2020.04.16/ “Бид гинжний хамгийн хэврэг хэсэг шиг л аюултай байдалд байна. Нэг л хүн эдгээгүй үлдлээ гэхэд орчин үеийн даяарчлагдсан нийгэмд вирус эргээд Европ, АНУ-д ирэх болно. Өвчнийг бүх улсад ижилхэн эмчлэхгүй бол эргээд хоёр, гурав, тэр ч байтугай дөрөв дэх давлагаа болон ирж болно. Ерөнхийлөгч Трамп ДЭМБ-ын санхүүжилтийг царцаасан нь муу үр дагавартай” хэмээн ярьсан байна.

Мөн олон нийтийн эрүүл мэндийн мэргэжилтнүүд “Зуунд ганц дэгдэж байгаа тахлын үеэр Ерөнхийлөгч санхүүжилтээ зогсоож байгаа нь маш их санаа зовоосон, харамсмаар үйл явдал” хэмээн байр сууриа илэрхийлцгээж байна.

Дээрх байдлаар коронавирус олон давлагаагаар дахин дахин дэгдэх тухай ярианаас гадна өөр нэгэн мэргэжилтэн хоорондоо зай барих арга хэмжээ 2022 он дуустал үргэлжлэх ёстой хэмээн сануулсан билээ.

Шинжлэх ухааны сэтгүүлд нийтлэгдсэн өгүүлэлд “Нэг удаагийн хөл хорио тахлыг зогсооход хангалтгүй. Хоёр дахь давлагаа улам том байж болзошгүй” хэмээн дурджээ. Мөн Харвардын их сургуулийн эрдэмтдийн тооцоолсноор байдал хамгийн муугаар үргэлжиллээ гэж бодоход коронавирусийн эсрэг вакцин 2025 он хүртэл амжилттай болохгүй аж.

Эх сурвалж: RT.COM

Сэдвүүд:

Дэлгэрэнгүй ...

Дэлхий дахинд

АНУ-ын зарим мужид цас, бороо холилдон орж, хоёр хүн амь насаа алджээ

Нийтэлсэн

4 цаг өмнө

2024-11-25

Нийтэлч

24barimt

АНУ-ын Калифорни, Сьерра невада мужид өнгөрсөн бямба гарагт 1.2 м-ийн зузаан цас, 32 см-ийн бороо орж, салхины хурд 24.4 м/секунд хүрч шуурчээ.

Баруун Виржиниа мужид 61 см-ийн зузаан цас орсон байна.

Үүний улмаас хоёр хүн амь насаа алдаж, олон мянган айл өрх тог цахилгаангүй болж, хот хоорондын авто замуудад тээврийн хэрэгслүүд мөргөлдөж, замын хөдөлгөөнд саад учруулжээ.

Калифорни мужийн цаг уурын газраас мягмар гараг хүртэл дунд зэргийн онц байдал зарлаж, оршин суугчдад сэрэмжлүүлэг хүргээд байна гэж ОБЕГ-аас мэдээллээ.

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

4 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...