Нийгэм
Дунд оврын автобус, Приустэй мөргөлджээ

Сэлэнгэ аймгийн Баянгол сумын Гонир баг, Замын Цагдаагийн постны урд талд, автозамын зорчих хэсэгт 14 зорчигчтой дунд оврын автобус, приустэй мөргөлдсөн осол гарчээ. Ослын улмаас приус загварын автомашины бүхээгийн хэсэгт хүн хавчуулагдсан тухай дуудлагыг өчигдөр (2018.12.24) 15:31 цагт хүлээн авч тус аймгийн Онцгой байдлын газрын Баянгол сум дахь Гал түймэр унтраах, аврах 40 дүгээр ангийн алба хаагчид очиж, 42 настай эмэгтэй Ж-г эсэн мэнд гаргаж эмнэлгийн байгууллагад шилжүүлэн өгсөн байна. “Приус-20” автомашины хаалга нь гацаж, дотор нь иргэн Ж бэртэж, хөдлөх боломжгүй болсон байсан аж.
Иргэн Л-ийн эзэмшлийн “Приус-20” загварын суудлын автомашин Орхон аймгийн Баян-Өндөр сумаас Улаанбаатар хотын чиглэлд явж байсан бол “БСОД” ХХК-ийн эзэмшлийн “Коунти” загварын дунд оврын автобустай зорчигчид Улаанбаатар хотоос Дархан-Уул аймгийн Шарынгол сумын чиглэлд явж байжээ.
Иймд жолооч нар аливаа осол, эрсдэлээс урьдчилан сэргийлэх үүднээс орон нутгийн замд Замын хөдөлгөөний дүрмийг баримталж, хурдаа тохируулж, аюулгүй байдлыг ханган зорчихыг анхааруулж байна.

Нийгэм
ЭХЭМҮТ-д нэг настай хүүхдэд элэг шилжүүлэн суулгах мэс засал амжилттай хийлээ

ЭХЭМҮТ-ийн Хүүхдэд элэг шилжүүлэн суулгах баг, УНТЭ-ийн элэг шилжүүлэн суулгах хамтарсан багийнхан Монгол Улсад хамгийн бага буюу нэг настай хүүхдэд амьд донороос элэг шилжүүлэн суулгах мэс засал амжилттай хийлээ.
Энэ удаагийн хүүхдэд элэг шилжүүлэн суулгах эмчилгээний онцлог нь Монгол Улсад хамгийн бага настай буюу 1 настай хүүхдэд Амьд донороос элэг шилжүүлэн суулгасан аж.
Цаашид ЭХЭМҮТ нь 1 наснаас дотогш, бага сартай, бага жинтэй хүүхдэд элэг шилжүүлэн суулгах эмчилгээний шинэ технологийг нэвтрүүлж, төвлөрөлийг сааруулах, гадаад эмчилгээний урсгалыг багасгахаар ажиллаж байна.
Нийгэм
25 дугаар эмийн сангийн уулзвараас Амарсанаагийн гудамжны уулзвар хүртэлх зорчих хэсгийн урд талын замыг шинэчилж байна

Энхтайваны өргөн чөлөө буюу 25 дугаар эмийн сангийн уулзвараас Амарсанаагийн гудамжны уулзвар хүртэлх зорчих хэсгийн урд талын замын 1, 2 дугаар эгнээг шинэчлэн засварлаж байна. Тодруулбал, тус замыг 4.8 метрийн өргөнтэй зорж, рейсаклерын техник хэрэгсэл ашиглан 0.25 метрийн зузаантайгаар 6 хувийн цементээр бэхжүүлэн суурь хучилт хийж байна.
Нийгэм
Өнөөдөр монгол хэл, бичгийн шалгалт эхэллээ

Монгол хэл бичгийн шалгалтад 84969 шалгуулагч шалгалт өгөхөөр бүртгүүлжээ. Тодруулбал, шалгалтад 12 дугаар ангийн 39164, 11 дүгээр ангийн 30824, 10 дугаар ангийн 12909 сурагч мөн өмнөх оны төгсөгч 2108 гаруй шалгуулагч бүртгүүлсэн байна. Шалгалтыг улсын хэмжээнд 52 шалгалтын төвд зохион байгуулахаар бэлтгэл ханган ажиллаж байгаа аж. Шалгалтын комисс болон зохион байгуулах багт нийт 3301 багш ажилчид ажиллана.
Шалгуулагч нь бүртгэлээ баталгаажуулсны дараа БҮТ-өөс зарласан хугацаанд өөрийн бүртгэлийн дугаар болон нууц үгийг ашиглан ”суудлын хуваарь”-аа, www.eyesh.eec.mn цахим хуудасны “шалгуулагчийн булан”-аас хэвлэн авна.
- 2025.04.18-ны 10:00-11:40 цагт 12-р анги,
- 2025.04.19-ний 10:00- 11:40 цагт 11-р анги, 14:00-15:40 цагт 10-р ангийн сурагчид хамрагдана.