НЬЮ-ЙОРК. /ТАСС/. АНУ-ын Конгрессын завсрын сонгууль болохын өмнө зөвхөн Ардчилсан намын гишүүд болон тус намыг дэмжигчдэд тэсрэх төхөөрөг илгээсэн нь цэвэр Америкийн улс төрийн террорист үйл ажиллагааны анхны жишээ юм. Ийм мэдэгдлийг Нью-Йорк муж улсын захирагч Эндрю Куомо лхагва гарагт телевизийн “CNN” сувгаар хийжээ. Тэрбээр 11 дүгээр сарын 6-нд болох сонгуульд Ардчилсан намаас одоо хашиж байгаа суудлынхаа төлөө өрсөлдөнө.

“”Терроризм” гэдэг дасал болсон нэр томъёо нь хоёр өөр үндэстэн хоорондын зөрчилдөөнийг илэрхийлдэг. Манай улсын нутаг дэвсгэрт явууллага хийж байгаа террорист нь ядахнаа ганцаараа байж болох ч гадаадын улсын ашиг сонирхлын төлөө ажиллаж байна. Бид улс төрийн терроризмтой, Америкийн террорист үйл ажиллагаатай, улаанууд цэнхэрүүдийн эсрэг /бүгд найрамдахчууд ардчилагчдын эсрэг/ террорист үйл ажиллагаатай тулгараад байна” гэж тэрбээр хэлсэн байна.

Нью-Йорк муж улсын захирагчийн үзэж буйгаар, АНУ-ын Ерөнхийлөгч Дональд Трамп тэсрэх төхөөрөг илгээсэн явдалд хүлээлт үүсгээд байсан мэдэгдлийг хийгээгүй бөгөөд улс орны жинхэнэ удирдагчийн чанарыг харуулж чадаагүй.

“Тэр нэрд гарч, ард түмний хүсэн хүлээсэн удирдагч болж болох байсан. Гэвч тэр “гүнзгий хагарал”, “чухал сонгууль”, “хэдхэн өдөр үлдээд байхад”, хэвлэл мэдээллийнхэн буруутай” гэх зэрэг үг хэллэг ашиглан зөвхөн гал дээр тос нэмж байна” гэж Куомо үзэж байгаа аж