Дэлхий дахинд

Суданы Ерөнхийлөгч эдийн засгийн хямралыг зогсоох амлалт өгчээ

Нийтэлсэн

6 жил өмнө

2019-01-04

Нийтэлч

Admin

Судан даяар жагсаал цуглаан өрнөж буйтай холбогдуулан эдийн засгийн хямралыг зогсоох амлалтыг тус улсын Ерөнхийлөгч Омар аль-Башир өгсөн байна.

Пүрэв гарагт нийслэл Хартоум хот дахь Худалдааны нэгдсэн холбооны мэдээлснээр, Ерөнхийлөгч аль-Башир эдийн засгийн хямралд АНУ тэргүүтэй Өрнөдийн орнуудыг буруутгасан ажээ.

“Манай улсыг терроризмыг ивээн тэтгэгч улсын жагсаалтад хэвээр үлдээж, “үл бүтэх” улс хэмээн нэрийдэж, хориг тавьж, шийтгэл ногдуулсан. Учир нь бид үр тариа болон гадаад мөнгөн тэмдэгтээр улс орныхоо тусгаар тогтнолыг худалдахаас татгалзсан” гэж Суданы төрийн тэргүүн тэмдэглэсэн байна. “Гэсэн хэдий ч бид энэ бүхнийг урьд нь даван туулж чадсан, өөрсдийн нөөц бололцоогоороо ахиад ч даван туулна” гэж тэрбээр нэмж хэлжээ.

Өнгөрсөн хоёр долоо хоногийн турш Судан даяар Засгийн газрын бодлогыг эсэргүүцэгчид жагсаал цуглаан өрнүүлсэн юм. Жагсаалын үеэр зарим эсэргүүцэгч Ерөнхийлөгчөө огцрохыг уриалж байсан байна.

Сэдвүүд:

Дэлгэрэнгүй ...

Сэтгэгдэл үлдээх

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

1 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

1 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...