Нийгэм

Уур амьсгалын өөрчлөлтөд дасан зохицох төлөвлөлтийн процессыг боловсронгуй болгох үндэсний чадавхийг бэхжүүлэх төслийнхөн чууллаа

Нийтэлсэн

2 жил өмнө

2022-02-09

Нийтэлч

Admin

Байгаль орчин, аялал жуулчлалын яам, НҮБ-ын Байгаль орчны хөтөлбөр хамтран Уур амьсгалын ногоон сан /Green Climate Fund/-ийн санхүүжилтээр хэрэгжүүлж буй “Уур амьсгалын өөрчлөлтөд дасан зохицох төлөвлөлтийн процессыг боловсронгуй болгох үндэсний чадавхыг бэхжүүлэх” /NAP/ төслийн удирдах хороо өнөөдөр буюу энэ сарын 9-ний өдөр Улаанбаатар хотод хуралдлаа.

Төслийн энэ удаагийн Удирдах хорооны хурлын үйл ажиллагааг нээж, БОАЖЯ-ны Төрийн нарийн бичгийн дарга Э.Баттулга үг хэллээ. Мөн төслийн зөвлөхүүд судалгааны үр дүнгээ танилцуулсан юм. Хуралд Хүрээлэн буй орчин, байгалийн нөөцийн удирдлагын газрын дарга А.Энхбат, удирдах хорооны гишүүд, БОАЖЯ болон НҮБ-ын Байгаль орчны хөтөлбөрийн холбогдох мэргэжилтнүүд, төслийн зөвлөхүүд оролцож, төслийн хэрэгжилтийн явц, үр дүнтэй танилцан шийдвэрлэх асуудлуудыг хэлэлцэв.

Энэхүү төсөл нь Уур амьсгалын өөрчлөлтийн нөлөөлөл, өртөмтгий байдлыг үнэлэх замаар түүнд дүн шинжилгээ хийж, дасан зохицох төлөвлөгөөг боловсруулах, мөн хэрэгжилтийг хангуулахад шаардлагатай институцийн болон техникийн чадавхыг үндэсний түвшинд бэхжүүлэх замаар Үндэсний дасан зохицох төлөвлөгөөг боловсруулах бэлтгэл ажлыг хангуулах, батлуулах, хүчин төгөлдөр болгох зэрэг ажлуудыг гол оролцогч талуудын хамтаар хэрэгжилтийг хангуулан ажиллаж байна.

Сэдвүүд:боажя

Дэлгэрэнгүй ...

Нийгэм

Монгол Улсаас жүдо бөхийн 6 дахь Дэлхийн аварга төрлөө

Нийтэлсэн

27 мин өмнө

2024-05-20

Нийтэлч

24barimt

АНЭУ-ын Абу Даби хотод жүдо бөхийн насанд хүрэгчдийн дэлхийн аварга шалгаруулах тэмцээн тавдугаар сарын 19-24-нд болж байна.

Олимпын эрхийн оноо олгох тус тэмцээнд 104 орны нийт 633 (эрэгтэй 326, эмэгтэй 307) тамирчин оролцож байгаа бол манай улсаас 18 жүдоч хүч үзэж байгаа билээ.

Тэмцээний эмэгтэйчүүдийн 48 кг-ын жинд Үндэсний шигшээ багийн тамирчин Б.Баасанхүү Италийн жүдочийг вазари үнэлгээгээр ялснаар алтан медаль хүртлээ.

Тэд өмнө нь гурав барилдахад Б.Баасанхүү хоёрт нь ялж байжээ.

Тэрбээр жүдо бөхийн ДАШТ-ээс Монголын баг тамирчдын 28 дахь медаль, зургаа дахь алтан медалийг хүртлээ гэж Биеийн тамир, спортын улсын хорооноос мэдээллээ.

Дэлгэрэнгүй ...

Нийгэм

ЦЕГ: 350 хэргийг шүүхэд шилжүүлэх саналтай прокурорт хүргүүллээ

Нийтэлсэн

1 цаг өмнө

2024-05-20

Нийтэлч

24barimt

Цагдаагийн байгууллагаас өнгөрсөн долоо хоногт буюу 2024 оны 05 дугаар сарын 13-аас 05 дугаар сарын 19-ний өдрүүдэд 36.349 хэрэгт мөрдөн шалгах ажиллагаа явуулж, шүүхэд шилжүүлэх саналтай прокурорын байгууллагад 350 хэргийг хүргүүлсэн байна.

Үүнээс: Хүний амьд явах эрхийн эсрэг 5, Хүний эрүүл мэндийн халдашгүй байдлын эсрэг 118, Хүний бэлгийн эрх чөлөө, халдашгүй байдлын эсрэг 13, Өмчлөх эрхийн эсрэг 133, Олон нийтийн аюулгүй байдал, ашиг сонирхлын эсрэг 4, Хүрээлэн байгаа орчны эсрэг 11, Хөдөлгөөний аюулгүй байдал, тээврийн хэрэгслийн ашиглалтын журмын эсрэг 58, бусад 8 хэрэг байна.

Зөрчлийн шинжтэй 49.474 үйлдэлд зөрчил шалган шийдвэрлэх ажиллагаа явуулж, 49.579 зөрчлийг шийдвэрлэсэн байна.

Нийт шийдвэрлэсэн зөрчлийн 48.694 зөрчлийг эрх бүхий албан тушаалтнаас буюу цагдаагийн алба хаагч шийдвэр гаргаж, 885 зөрчлийг шүүхээр шийдвэрлүүлсэн байна.

Үүнээс: Олон нийтийн газарт зүй бусаар биеэ авч явах 1.727, Танхайрах 184, Хүний биед халдах 337, Гэр бүлийн хүчирхийлэлтэй тэмцэх тухай хууль зөрчих 224, Замын хөдөлгөөний аюулгүй байдлын тухай хууль зөрчих 44.424, бусад 2.683 зөрчил байна.

Эдгээрээс хүүхдийн эрхийг зөрчсөн 71 иргэнд 21.300.000 төгрөгийн торгуулийн шийтгэл оногдуулж, удаа дараа гэр бүлийн хүчирхийлэл үйлдсэн 224 иргэнийг шүүхээр 7-30 хоног баривчлуулах саналыг хүргүүлж, шийдвэрлүүлжээ.

Цагдаагийн байгууллагаас өнгөрөгч 7 хоногт эрэн сурвалжлалтын чиглэлээр оргодол 24, гэмт хэрэгт сэрдэгдсэн этгээд 55, оршин суугаа газраасаа сураггүй алга болсон хүн 71, шүүхээс даалгасан хүн 68, зөрчил үйлдсэн этгээд 23 олж тогтоон ажилласан.

Шийдвэрлэсэн хэргээс дурдвал:

“Өр төлбөрөө төлж барагдуул” гэсэн шалтгаанаар бусдыг зодож, хорьсон хэргийг урьд өмнө удаа дараа ял шийтгэл эдэлж байсан нэр бүхий этгээдүүд бүлэглэн үйлдсэн болохыг тогтоогоод байна. Бусдыг дарамталсан энэ хууль бус үйлдэл 2023 оны 03-аас 06 дугаар сарыг хүртэлх хугацаанд үргэлжилсэн байдаг. Тиймээс тэдний хүн барьцаалсан, бусдын эд хөрөнгийг авахаар заналхийлсэн, хүч хэрэглэсэн үйлдэлд холбогдуулан энэ оны 05 сарын 17-ны өдөр Эрүүгийн хуулийн 13.3 дугаар зүйлийн 1 дэх хэсэг, 17.6 дугаар зүйлийн 1 дэх хэсэгт тус тус зааснаар Эрүүгийн хэрэг үүсгэж, яллагдагчаар татан мөрдөн шалгах ажиллагааг үргэлжлүүлж байна.

Хөвсгөл аймгийн цагдаагийн газарт энэ оны 04 дүгээр сарын 12-ны өдөр “Маргаан болоод байна” гэх дуудлага мэдээлэл бүртгэгдсэн. Аймгийн цагдаагийн газраас мөрдөн шалгах ажиллагаа явуулахад “Мөрөн суманд оршин суух иргэн З нь согтууруулах ундааны зүйл хэрэглэсэн үедээ өөрийн хамаарал бүхий 2 хүний биед хувийн таарамжгүй харилцааны улмаас зэвсгийн чанартай зүйл ашиглан халдаж нэг иргэний биед гэмтэл учруулж, иргэн Б-ийн амь насыг хохироосон” үйлдлийг илрүүлсэн. Энэ хэрэгт холбогдсон З-г Эрүүгийн хуулийн 10.1 дүгээр зүйлийн 1 дэх хэсэгт зааснаар яллагдагчаар татан, хэргийг шүүхэд шилжүүлэх саналтай прокурорын байгууллагад шилжүүлэн ажилласан.

Энэ оны 03-р сарын 04-ний өдөр Сонгинохайрхан дүүргийн 32 дугаар хороонд буюу “Эмээлт” мал махны захын орчимд нэн ховор амьтан болох Цоохор ирвэсийг худалдан борлуулах зорилгоор тээвэрлэж явсан үйлдлийг илрүүлэн мөрдөн шалгах ажиллагааг явуулж байгаль орчинд 44.000.000 сая төгрөгийн хохирол учруулсан гэж тогтоогоод байна. Уг хэрэгт холбогдсон иргэн О-г Эрүүгийн хуулийн 24.5 дугаар зүйлийн 2 дахь хэсэгт зааснаар яллагдагчаар татан, хэргийг шүүхэд шилжүүлэх саналтай прокурорын байгууллагад шилжүүлсэн.

Шалгаж шийдвэрлэсэн онцлог зөрчлийн талаарх:

3амын хөдөлгөөний дүрэмд зааснаар жолооч тээврийн хэрэгслээ замын зорчих хэсэг дээр бусад тээврийн хэрэгслийн хөдөлгөөнд саад учруулахаар болон явган хүний зам, гарц дээр байрлуулж болохгүй. Өнгөрсөн долоо хоногт буюу 05 дугаар сарын 13, 16-ны өдөр нэр бүхий 2 цахим хаягаас “Явган хүний зам дээр авто машинаа байрлуулсан, эгнээ хаагаад аваар татаад зогссон байна” гэх мэдээллийг цахим орчинд нийтэлжээ. Цахим орчинд нийтлэгдсэн гэмт хэрэг, зөрчлийн шинжтэй мэдээллийг цагдаагийн байгууллагаас шалгаж зөрчилд холбогдогч 2 иргэнд Зөрчлийн тухай хуулийн 14.7 дугаар зүйлийн 35.1, 35.2 дахь хэсэгт зааснаар тус бүр 20 нэгжээр торгох шийтгэл оногдуулж шийдвэрлэсэн.

Нийтийн мэдээллийн ил тод байдлын тухай хуульд заасан мэдээлэл нээлттэй, ил тод, үнэн зөв байх, бодитой мэдээллээр хангах үндсэн зарчмын дагуу гэмт хэргийн мөрдөн шалгах ажиллагааны талаарх мэдээллийг Монгол Улсын Үндсэн хуулийн 16 дугаар зүйлийн 14 дэх заалт, Эрүүгийн хэрэг хянан шийдвэрлэх тухай хуулийн 29.3 дугаар зүйлийн 5 дахь хэсэгт заасныг чанд баримтлан товч байдлаар олон нийтэд мэдээлж байгаа болно.

Дэлгэрэнгүй ...

Нийгэм

Замын-Үүд сумын ойн барилдаанд Б.Орхонбаяр арслан түрүүллээ

Нийтэлсэн

3 цаг өмнө

2024-05-20

Нийтэлч

24barimt

Дорноговь аймгийн Замын-Үүд сумын түүхт 30 жилийн ойд зориулсан улс, аймгийн алдар цолтой хүчит 128 бөхийн барилдаанд Сэлэнгэ аймгийн Цагааннуур сумын харьяат, “Алдар” спорт хороо, “Атар трейд” ХХК, “АПУ” ХК, “Таванхан” дэвжээний бөх, улсын арслан Баярсайханы Орхонбаяр түрүүлж, Хэнтий аймгийн Батширээт сумын харьяат, “Хилчин” спорт хороо, “Эбэг” ХХК, “Хан-Хэнтийн аварга” дэвжээний бөх, улсын харцага Ганцогтын Бадрах үзүүрлэв.

Дөрөвт Өвөрхангай аймгийн Уянга сумын харьяат, “Алдар” спорт хороо, “Эрдэнэсийн хотхон” ХХК, “Их Монголын хүчтэн дэвжээний бөх, улсын харцага Х.Гантулга, Баян-Өлгий аймгийн Булган сумын харьяат, Булган мебель ХХК, Өлгийн хүчтэн дэвжээний бөх, аймгийн арслан Б.Төмөрбаатар нар шалгарлаа.

Наймд улсын начин Ц.Сандагдорж, улсын начин О.Түмэн, аймгийн арслан Ш.Отгонтөгс, аймгийн арслан М.Эрхэмбаяр нар үлдэв.

Тус барилдааны үеэр нэг сая төгрөгийн 5 азтан тодруулсан бөгөөд түрүү бөх 7 сая, үзүүр бөх 5 сая, дөрөвт үлдсэн бөхчүүд тус бүр 3 сая, наймд шалгарсан бөхчүүд тус бүр 1 сая төгрөгийн бай гардсан юм.

Маргааш буюу тавдугаар сарын 20-нд Үндэсний Алтан цомын төлөөх хагас шигшээ барилдаан эхэлж, 19:45 цагаас Архангай- Өвөрхангай аймгууд барилдах бол 21-ний 19:45 цагаас Ховд-Говьсүмбэр аймгууд өрсөлдөнө.

Мөн 23-нд 13:00 цагаас Архангай аймгийн Хайрхан сумын түүхт 100 жилийн ойд зориулсан, даян аварга Цэдэндоржийн Чимэд-Очирын нэрэмжит улс, аймгийн алдар цолтой хүчит 128 бөхийн барилдаан,

24-нд 18:45 цагаас МҮБХ-ны “Үндэсний алтан цом”-ын хүрэл медалийн төлөөх барилдаан,

25-нд 18:00 цагаас МҮБХ-ны “Үндэсний алтан цом”-ын алтан медалийн төлөөх барилдаан,

26-нд 13:00 цагаас Ховд аймгийн Дарви сумын түүхт 100 жилийн ойд зориулсан, Дэлхийн аварга, олимпын хүрэл медальт, Монгол Улсын гавьяат тамирчин, Монгол Улсын начин Равдангийн Даваадалайн нэрэмжит улс, аймгийн алдар цолтой хүчит 128 бөхийн барилдаан,

30-нд 13:00 цагаас Архангай аймгийн Өлзийт сумын түүхт 100 жилийн ойд зориулсан, тус сумаас төрөн гарсан улсын цолтнуудын нэрэмжит улс, аймгийн алдар цолтой хүчит 128 бөхийн барилдаан,

31-нд 11:00 цагаас Цэргийн цол чимэг олгох “Бүх цэргийн баяр наадам”, аймаг, цэрэг, сумын цолтой болон залуу 256 бөхийн барилдаан тус тус болно гэж Монголын Үндэсний Бөхийн холбооноос мэдээллээ.

Дэлгэрэнгүй ...