Дэлхий дахинд

Украинд болж буй үйл явдлыг “цэргийн ажиллагаа” гэж нэрлэсэн Болгарын батлан хамгаалахын сайд огцорлоо

Нийтэлсэн

3 жил өмнө

2022-03-01

Нийтэлч

Болгар улсын батлан хамгаалахын сайд Стефан Янев саяхан сошиал хуудсандаа гаргасан мэдэгдэлд Украинд болж буй үйл явдлыг “цэргийн ажиллагаа” гэж нэрлээд албан тушаалаасаа огцорсон байна.

“Манай батлан хамгаалахын сайд ‘дайн’-ы оронд ‘ажиллагаа’ гэсэн үгийг ашиглах ёсгүй. Дайтагч талуудаас мянга мянган цэрэг амиа алдаад байхад үүнийг ‘ажиллагаа’ гэж нэрлэх нь буруу юм. Бид санал нийлэхгүй байгаа зүйлийнхээ талаар дуугүй өнгөрөх ёсгүй” гэж Болгар улсын ерөнхий сайд Кирил Петков өчигдөр сэтгүүлчидтэй уулзахдаа хэлжээ.

Түүний мэдээлснээр Болгарын эвслийн засгийн газрыг бүрдүүлэгч бүх нам Яневыг огцруулах асуудал дээр санал нэгдсэн байна.

Өнөөдөр буюу Мягмар гарагт парламентын ээлжит бус чуулганаар батлан хамгаалахын дараагийн сайдын томилгоог хэлэлцэхээр болжээ.

Болгар улс хүйтэн дайны үед Зөвлөлт Холбоот Улсын үнэнч холбоотон, Варшавын гэрээний гишүүн орон байсан юм. Харин Зөвлөлт Холбоот Улс задарсны дараа тус улс өрнөдийн холбоотон болоод байгаа.

Болгар улс 2004 онд NATO-д элсэж, 2007 онд Европын Холбооны гишүүн болж байжээ.

Софигийн эрх баригчид Украинд дайн эхэлсний дараа Оросын нисэх онгоцнуудыг агаарын орон зайдаа нэвтрэхийг хориглосон юм. Хариуд нь Москва ижил арга хэмжээ авч, Болгарын нисэх онгоцнуудад агаарын хилээ хаажээ.

Эх сурвалж: Reuters

Сэдвүүд:онцлох

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

4 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...