Нийгэм

Их жанжин Д.Сүхбаатарын мэндэлсний 126 жилийн ойд зориулсан “Монгол бахархал” эсээ бичлэгийн уралдаан зарлалаа

Нийтэлсэн

6 жил өмнө

2019-01-25

Нийтэлч

Admin

Их Жанжин Д.Сүхбаатарын мэндэлсний 126 жилийн ойг ирэх 2-р сарын 2-ны өдөр тэмдэглэн өнгөрүүлнэ. Ойн хүрээнд Нийгмийн Ардчилал Монголын Оюутны холбооноос Их, Дээд сургууль, Коллеж, МСҮТ-ийн оюутан, Ерөнхий боловсролын сургуулийн ахлах ангийн сурагчдын дунд “Монгол бахархал” сэдвийн хүрээнд эсээ бичлэгийн уралдааныг зарлаж байна.

Монгол улс тусгаар тогтнол, эрх чөлөөгөө тунхаглан зарлах их үйлсэд амь биеэ үл хайрлан тэмцэж явсан Д.Сүхбаатар жанжны мэндэлсний 126 жилийн ойг тохиолдуулан түүнтэй адил эх орноо гэх сэтгэл зүрхтэй оюутан, залуучуудыг эх түүхээ судлан таниулах зорилготой аж.

Эсээг 2019 оны 1-р сарын 28-ны өдрийн 18 цаг хүртэл “Нийгмийн Ардчилал” Монголын Оюутны Холбооны төв байр /Тусгаар Тогтнолын Ордны 203 тоот /-д Namokh.mn@gmail.com цахим хаяг, https://www.facebook.com/NiigmiinArdchilalMOH/ фэйсбүүк хуудсанд хүлээн авах юм байна.

Эсээнд тавигдах агуулгын шаардлага:

Өгөгдсөн сэдвийн хүрээнд тодорхой асуудлыг хөндөх
Асуудлыг зөв тодорхойлсон,логик уялдаатай байх
Оролцогч нь тухайн сэдвийнхээ хүрээнд холбогдох судалгаа бусад шаардлагатай материалтай танилцсан байх
Үндэслэлтэй тоо баримт болон жишээнд тулгуурласан байх
Хөндсөн сэдвээрээ олон талын үзэл бодол,байр суурийг харьцуулан,анализ хийж,дүгнэлт гаргасан байх

Эсээнд тавигдах хэлбэрийн шаардлага:

Оролцогч зөвхөн нэг л бүтээлээр өрсөлдөнө
Үсгийн фонд: Arial
Үсгийн хэмжээ: 12
Мөр хоорондын зай: 1.5
Хуудасны тоо: А4 2-3 хуудас бичиж ирүүлэх ёстой ажээ. “Монгол бахархал” ЭСЭЭ бичлэгийн уралдаанд оролцогчдыг зохион байгуулагчдын зүгээс гаргасан шүүгчдийн комисс дараахи шалгууруудаар эхний 10 байрыг шалгаруулах юм байна.

Шалгаруулалт:

Бичлэгийн зохиол утга санаа зохиомж
Бүтээлч байдал
Бодит баримт дээр үндэслэсэн эсэх
Энгийн ойлгомжтой,үйл явдлын шалтгаан,учир холбогдлыг тайлбарласан
Дээрх өгөгдсөн ЭСЭЭ-нд тавигдах агуулгын болон хэлбэрийн шаардлагыг хангасан эсэх

Шагналын сан 2 000 000 төгрөг

Тэргүүн байр-1 Өргөмжлөл 300.000₮

Хоёрдугаар байр-2 Өргөмжлөл 250.000₮

Гуравдугаар байр-3 Өргөмжлөл 200.000₮

Тусгай байр-4 Өргөмжлөл 150.000₮

Шагнал гардуулах ёслолын арга хэмжээ ирэх 2-р сарын 1-ний өдрийн 10 цагт Тусгаар Тогтнолын Ордонд болох юм байна.

Дэлгэрэнгүй мэдээллийг https://www.facebook.com/NiigmiinArdchilalMOH/ фэйсбүүк хуудаснаас болон 8009-4422, 8008-2292 дугааруудаас авна уу.

Сэдвүүд:Монгол Ардын Нам

Дэлгэрэнгүй ...

Сэтгэгдэл үлдээх

Нийгэм

БНХАУ-д зорчих иргэдийн анхааралд

Нийтэлсэн

12 цаг өмнө

2025-04-02

Нийтэлч

24barimt

Манай улсын иргэд БНХАУ-д зорчихдоо анхаарал болгоомжгүй байдлаас болж гадаад паспорт, мөнгө зэрэг зүйлсээ гээгдүүлэх, олон нийтийн унаанд мартаж буух зэрэг тохиолдлууд нэлээд гарч байна.

Гадаад паспортаа гээгдүүлснээр зочид буудалд захиалга хийх боломжгүй болох, нислэгээ цуцлах зэрэг хүндрэлтэй асуудлууд үүсдэг. Энэ тохиолдолд холбогдох дүүргийн Цагдаагийн газарт бүртгүүлж бичиг баримтаа гээгдүүлсэн тухай бичиг авч, БНХАУ-ын НАХЯ-ны Хилээр орох, гарах газраас тус улсын хилээр гарах зөвшөөрөл хүсэж 5-7 хоног хүлээх зэргээр цаг хугацаа алдаж, санхүүгийн хохирол амсдаг.

Элчин сайдын яамны зүгээс паспорт, бичиг баримтаа гээгдүүлсэн иргэдэд буцах үнэмлэх олгох, тухайн иргэнд Хятад улсын хилээр гарах зөвшөөрөл гаргуулах зэргээр иргэний асуудлыг шийдвэрлэхэд дэмжлэг үзүүлэн ажилладаг.

Иймд БНХАУ-д зорчих Монгол Улсын иргэн Та хувийн хариуцлагаа нэмэгдүүлж, сонор сэрэмжтэй байж, гадаад паспорт болон мөнгө, эд зүйлсээ биеэсээ салгахгүй, анхааралтай аялахыг Элчин сайдын яамны зүгээс анхааруулж байна.

Иргэн Та БНХАУ-д зорчих үедээ бичиг баримтаа гээгдүүлсэн тохиолдолд Элчин сайдын яамны шуурхай утас болон цахим хуудсаар холбогдоно уу.

ЭСЯ-ны шуурхай утас : +86 176 0078 7323

+86(10) 6532 1203,

Цахим хаяг: beijing@mfa.gov.mn, beijing.consul@mfa.gov.mn

Дэлгэрэнгүй ...

Нийгэм

Бог малын мялзан өвчний тархвар зүйн системийн төв азийн орнуудын бүсийн уулзалт болж байна

Нийтэлсэн

16 цаг өмнө

2025-04-02

Нийтэлч

24barimt

Засгийн газрын хэрэгжүүлэгч агентлаг-Мал эмнэлгийн ерөнхий газар Дэлхийн мал амьтны эрүүл мэндийн байгууллага, НҮБ-ын Хүнс хөдөө аж ахуйн байгууллагатай хамтран Бог малын мялзан өвчнийг устгах үйл ажиллагааны чиглэлээр бүсийн уулзалт, хурлыг Монгол Улсад зохион байгуулж байна.

Хуралд Дэлхийн мал, амьтны эрүүл мэндийн байгууллагын Бүгд Найрамдах Франц Улсын Парис хотноо байрлах төвийн төлөөлөгчид, НҮБ-ийн ХХААБ-ын төлөөлөгчид, Бог малын мялзангийн олон улсын лавлагаа лаборатори Франц Улсын CIRAD-ын төлөөлөл, БНХАУ, ОХУ, Казакстан, Узбезстан, Гүрж, Киргизстан, Тажикстан, Туркменстан болон Дэлхийн мал, амьтны эрүүл мэндийн байгууллагын Зүүн Өмнөд Азийн бүсийн газрын төлөөлөгчид оролцож байна.

Бог малын мялзан өвчнийг Дэлхийн хэмжээнд хянах, устгах стратеги нь 2015 онд батлагдсан бөгөөд 2030 он гэхэд бог малын мялзан өвчнийг бүрэн устгах, мал эмнэлгийн үйлчилгээг сайжруулах, нөлөөлөх бусад халдварт өвчний нөлөөг бууруулах зорилтыг тавьсан.

Монгол Улсын Засгийн газар бог малын мялзан өвчнийг 2030 он гэхэд устгах зорилт бүхий энэхүү Дэлхийн хөтөлбөрийг бүрэн дэмжин ажиллаж байгаа. Сүүлийн жилүүдэд Монгол Улс болон хөрш орнуудад бүртгэгдсэн дэгдэлтүүд нь энэ өвчнийг устгахын тулд уялдаа холбоотой арга хэмжээ авах, мал эмнэлгийн үйлчилгээг бэхжүүлэх, хил дамнасан хамтын ажиллагааг сайжруулах шаардлагатайг харуулж байна.

Дэлхийн хэмжээнд Бог малын мялзан өвчнийг устгах хөтөлбөрийн хоёрдугаар үе шатанд нэвтрүүлсэн тархвар зүйн системийн (эписистемийн) чиг хандлага нь бог малын мялзан өвчнийг тархалтад нөлөөлж буй олон хүчин зүйлийг нэгтгэн авч үзэх замаар өвчнийг хянах, устгах стратегийг сайжруулах үр дүнтэй арга зам болох юм.

Энэхүү уулзалт, хурлыг Монгол Улсад зохион байгуулснаар бог малын мялзан өвчинтэй тэмцэх, устгах арга хэмжээг Дэлхийн мал, амьтны эрүүл мэндийн байгууллагын стандарт, заавар, зөвлөмжийн дагуу зохион байгуулж буйгаа хөрш зэргэлдээ орнуудад дэлгэрэнгүй танилцуулж, экспортыг нэмэгдүүлэх боломжийг бүрдүүлэх юм.

Дэлгэрэнгүй ...

Нийгэм

Жимс, жимсгэний талбайн тариалалт 70-80 хувийн ургалттай байна

Нийтэлсэн

16 цаг өмнө

2025-04-02

Нийтэлч

24barimt

ОБЕГ-ын дарга, хошууч генерал Г.Ариунбуян Булган аймгийн Хангал сум Хялганат тосгонд ажиллаж, Ой, хээрийн түймрээс урьдчилан сэргийлэх сургалт, судалгаа, туршилт, үйлдвэрийн төв-123 дугаар ангийн үйл ажиллагаатай танилцлаа.

Тус анги нь “Тэрбум мод” үндэсний хөдөлгөөний үйл ажиллагааг дэмжих, байгалийн доройтлыг бууруулах, нөхөн сэргээх, төрийн үйлчилгээг иргэдэд шуурхай хүргэх, албаны бэлтгэл, бэлэн байдлыг дээшлүүлэх зорилгоор Засгийн газрын тогтоолоор байгуулагдан, үйл ажиллагаа явуулж байна.

Байгуулагдсан цагаасаа хойш өвлийн дотор хүлэмжийн бортогонд үрээр нийт 67.540 үрсэлгээ хийж, 355.750 тарьц, суулгац, харандааг нөөцөлсөн.

Түүнчлэн Орхон аймгийн Жаргалант, Булган аймгийн Орхон суманд байрлах мод үржүүлгийн газрын жимс, жимсгэний талбайн тариалалт 70-80 хувийн ургалттай байгаа бөгөөд хавар, намрын тариалалтын хүрээнд тус талбайн сул хэсгийг 100 хувь ашиглан тарьц суулгац тариалахаар ажиллаж байна.

Мөн 10.000 ширхэг жимс, жимсгэний суулгацыг үндэслүүлж, намрын тариалалтын үеэр харьяа анги, байгууллагуудад нийлүүлэхээр төлөвлөж байгааг энэ үеэр танилцууллаа гэж ХХААХҮЯ-наас мэдээллээ.