Дэлхий дахинд
Үнийн өсөлтийг эсэргүүцэж Белгид ажил хаялт эхэллээ
Белгийн нийслэл Брюссельд үйлдвэрчний эвлэлээс зохион байгуулах ажил хаялт эхэлж байгаа болохоор нийслэлийн нисэх буудал зургадугаар сарын 20-ны даваа гарагт төлөвлөсөн бүх нислэгээ цуцлахаа зарлалаа гэж Reuters агентлаг мэдээллээ.
“Нисэх тасалбар худалдан авахгүй, нисэх буудал руу очихгүй байхыг нийт зорчигчдод уриалж байна. Одоогоор зөвхөн иж байгаа онгоцууд л бууна, мөн ачааны онгоцууд ирнэ” гэж нисэх буудлын захиргааны мэдээлэлд дурдсан байна.
Белгид өргөн хэрэглээний барааны үнэ хэт өсч, ард иргэдийн худалдан авах чадвар унаж байгаатай холбогдуулан тус улсын Үйлдвэрчний эвлэл зургадугаар сарын 20-ноос эхлэн орон даяар ажил хаяхаа мэдэгдээд байгаа юм. Энэ өдөр авто зам, тээврийн ажил бас зогсоно гэжээ.
Их Британид бас сүүлийн 30 жилд болж байгаагүй төмөр замын ажилчдын ажил хаялт болж тээврийн асар том замбараагүй байдал үүсч магадгүй гэж мэдээлж байна. Төмөр замын ажиллагсдын энэ удаагийн ажил хаялтад төмөр замын 13 компани, төмөр замын хөдөлгөөний оператор компани, дэд бүтцийн 40 орчим мянган хүн оролцохоор болоод байгаа юм байна.
Дэлхий дахинд
Японд газар хөдлөлтийн улмаас есөн хүн хөнгөн гэмтжээ
Дэлхий дахинд
АНУ-ын Ерөнхийлөгч асан Дональд Трампд холбогдох эрүүгийн хэргийн анхны шүүх ажиллагаа эхлэв
АНУ-д Ерөнхийлөгч асан Дональд Трампын эсрэг дөрвөн ч эрүүгийн хэрэг үүсгэн шалгаж байна.
Тэгвэл энэ хэргүүдийн эхнийх нь буюу хувийн мэдээллээ далдлах зорилгоор төлбөр хийсэн гэх хэргийн шүүх ажиллагаа Нью-Йоркийн шүүх дээр эхэлж байгаа тухай олон улсын хэвлэлүүд мэдээлж байна.
Шүүхийн ялын тогтоол гартал нэгээс хоёр сар үргэлжилж болзошгүй гэж тооцогдож байгаа энэ шүүх ажиллагаагаар өдгөө 77 настай Дональд Трампын 2016 оны Ерөнхийлөгчийн сонгуулийн өмнө насанд хүрэгсдийн киноны жүжигчин Сторми Дэниелс хэмээх эмэгтэйд дотно харилцаатай байснаа нууцлахыг даалгаж өмгөөлөгчөөрөө дамжуулан 130 мянган ам.доллар төлсөн, үүнийгээ ажил хэргийн нөхцөлийн дагуух хууль ёсны төлбөр мэтээр санхүүгийн хуурамч баримт бүрдүүлсэн хэрэгт өнгөрсөн оны гуравдугаар сард эрүүгийн хэрэг үүсгэсэн хэргийг хэлэлцэнэ.
Прокуроруудын зүгээс Дональд Трампын энэ үйлдлийг сонгуулийн боломжид нь нөлөөлж болзошгүй гэдэг үүднээс мэдээллийг нуун далдлахыг завдсан хэрэг гэж үзсэн.
Ирэх 11 дүгээр сард болох АНУ-ын Ерөнхийлөгчийн сонгуульд Бүгд найрамдах намаас нэр дэвших эрхээ долоодугаар сард болох намынхаа их хурлаас баталгаажуулахаар зэхэж байгаа Дональд Трамп харин өөрт нь тулгаж байгаа бүх гэмт хэргийг үндэслэлгүй гүтгэлэг гэж үгүйсгэдэг.
Тэрбээр шүүх танхимд орох үедээ ч гэсэн “Улстөрийн мөрдлөг хавчлага болж байна” гэдэг байр сууриа сэтгүүлчдэд илэрхийлжээ.
Үүнээс гадна экс Ерөнхийлөгчийг төрийн нууцын зэрэглэлтэй баримт бичгүүдэд хайхрамжгүй хандсан, 2020 онд өөрийн ялагдал хүлээсэн Ерөнхийлөгчийн сонгуулийн дүнг цуцлуулах санаархлаар үйлдсэн гэдэг өөр хоёр гэмт хэрэгт нийт 34 зүйл ангиар буруутгасан.
Сүүлийн хоёр нь, 2021 оны нэгдүгээр сард Капитолын ордонд дайран орж, хүмүүс амь эрсдэхэд хүргэсэн үймээн самууныг өдөөн турхирсан, нөгөө нь Жоржия муж улсад мөн тэндхийн сонгуулийн үйл явцыг тасалдуулахыг завдсан гэх хэргүүд юм.
Үүний зэрэгцээ АП-Чикагогийн ИС-ийн дэргэдэх судалгааны төв хамтран явуулсан судалгаагаар, гурван америк хүн тутмын нэг нь Трампын мөнгө шилжүүлсэн үйлдлээ нууцалсан нь хууль бус, өөрөөр хэлбэл, гэмт хэрэг мөн гэж үзжээ.
Мөн тал шахам хувь нь бусад гурван гэмт хэрэгт ч Дональд Трампыг ямар нэг байдлаар гэм буруутай гэсний дээр, бүх шүүх үйл явц тэгэхдээ прокурорууд болоод шүүгчид нь зөв шударга ажиллаж, үнэн зөв шийдвэр гарна гэдэгт төдийлөн итгэлтэй бус байгаагаа илэрхийлжээ.
Дэлхий дахинд
Иранд шинэ оноо тэмдэглэн салют буудуулснаас үүдэн 15 хүн амь үрэгдэж, 4700 иргэн шархаджээ
Ираны шинэ жилийн баяр энэ жил гуравдугаар сарын 20-нд тохиожээ. Тэд шинэ жилээ угтаж галын наадам хийдэг уламжлалтай юм байна. Энэ жилийн хувьд галын наадам нь өнгөрсөн сарын 20-ноос энэ сарын 12 хүртэл үргэлжилжээ.
Гэвч энэ үеэр 4700 хүн бэртэж, 15 нь амь насаа алдсан байна.
Гэмтэж бэртсэн хүмүүсийн 565 нь эмнэлэгт хэвтэн эмчлүүлж байгаа аж.
Эдгээрийн 38 нь эрчимт эмчилгээний тасагт, дөрвөн хүний биеийн байдал хүнд байгаа гэж Ираны Үндэсний эмнэлгийн Яаралтай тусламжийн байгууллагын хэвлэлийн төлөөлөгч Бабак Йектапаст мэдэгдлээ.
Түүний мэдээлж буйгаар, 257 хүн эрхтэн шилжүүлэн суулгах мэс засалд орсон бол 1594 хүн нүдээ гэмтээжээ.
Мөн 1282 хүн түлэгдсэн бөгөөд гэмтсэн хүмүүсийн 72 хувь нь 22 наснаас доош насныхан байсныг онцлов.
Жил бүрийн шинэ жилээр ийм осол гардаг хэдий ч амь үрэгдсэн хүний тоо өнгөрсөн оны мөн үетэй харьцуулахад 21 хувиар өсжээ.
Үүний шалтгаан нь иргэд гэрийн нөхцөлд хийсэн салют буудуулснаас болсон юм байна.
Цагдаа нар 42 тонн салют хураан авсан хэдий ч иргэд олноор өртжээ.
Эх сурвалж: ОБЕГ
-
Нийгэм8 цаг өмнө
СБД: Нөөцийн махны өргөтгөсөн худалдаа болно
-
Нийгэм10 цаг өмнө
А.Баясгалан: Хуш модны самар түүхээр явж байхдаа хилийн зурвас нэвтрэх зөрчил цөөнгүй гарч байна
-
Нийгэм10 цаг өмнө
Ханги-Мандалын боомтоор 8-аас доош суудалтай жижиг оврын тээврийн хэрэгслийн хөдөлгөөнийг сэргээлээ
-
Улс төр9 цаг өмнө
БОХХААБХ: Уур амьсгалын өөрчлөлтөөс шалтгаалсан сөрөг нөлөөллийг бууруулах тухай хуулийн төслйин эцсийн хэлэлцүүлгийг хийлээ
-
Улс төр2 цаг өмнө
Ерөнхий сайд Л.Оюун-Эрдэнэ: Боомтын боомийг тайлсан шиг эрчим хүчний реформыг эрчимжүүлнэ
-
Нийгэм11 цаг өмнө
Азийн сангийн суурин төлөөлөгчийг хүлээн авч уулзав
-
Нийгэм10 цаг өмнө
“Төв цэнгэлдэх хүрээлэн” ХХК-ийн гүйцэтгэх захирлаар Ж.Энхжаргаланг томиллоо
-
Нийгэм5 цаг өмнө
Ой, хээрийн түймрийн дуудлага 20.5 хувиар өссөн байна