Дэлхий дахинд
Украинд “оросыг үзэн ядах” үзэл өсөн нэмэгдэж байна
Украинд оросыг үзэн ядах үзэл өсөн нэмэгдэж, Одесс хотод Пушкины гудамжны нэрийг өөрчлөх гэсэн санал санаачилга гарч байгаа талаар тус хотын захирагч Геннадий Труханов мэдэгдлээ гэж New York Times сонинд бичсэн байна.
“Одесс бол Украины олон соёлын нийслэл хот. Одоо харин оросыг бүхэлд нь үзэн ядах явдал өсөн нэмэгдэж байгаад сэтгэл түгшиж байна” гэж Труханов хэлжээ.
Одоо хотын иргэд Пушкины гудамжны нэрийг өөрчлөхөөр санал санаачилга гаргах болсныг хотын дарга өөрөө бол дэмжихгүй гэдгээ илэрхийлсэн байна.
Өнгөрсөн долоо хоногийн эхээр Одесс хотын захиргаа Оростой холбоотой гудамж талбайн нэрийг өөрчлөхөөр төлөвлөж байгаагаа зарласан. Үүнд Новомосковскийн, Бородины, Курскийн, Воронежийн, Чапаевын гудамжнуудын нэрийг өөрчлөх юм байна.
Эдгээр нэрийг солих шинэ нэрийн дотор Мариуполийн баатрууд, Их Британийн талбай зэрэг орж байгаа гэнэ. Ер нь Украинд оростой холбоотой нэрсийг өөрчлөх тухай хууль бүр 2015 оны тавдугаар сараас хүчин төгөлдөр болсон юм. Гэхдээ орос нэрийг өөрчлөх энэ удаагийн давалгаа нь энэ хуультай холбоогүй. Ердөө л Москва цэргийн тусгай ажиллагаа нэрийн дор Украины нутагт цэргээ оруулан хот тосгодыг бөмбөгдөж, их буу, пуужингаар буудаж байгаатай холбоотой.
Украины парламент Дээд Рада украины олон нийтийн газар, хэвлэлүүдээр орос хөгжим явуулахыг хориглох тухай санал хураалаа гэж парламентын гишүүн Ярослав Железняк мэдээлжээ. Мөн Орос, Белоруссын ном, хэвлэлийн бүтээгдхүүнийг оруулж ирэх, түгээхийг хориглохоор санал хураасан байна. Улмаар ОХУ-тай шинжлэх ухаан техникийн хамтын ажиллагаагаа зогсоох, Тусгаар улсуудын хамтын нөхөрлөлийн хэлэлцээрээс гарах тухай асуудал ч яригдаж байгаа юм байна.
Оросын түрэмгийллийн улмаас украины зургаан сая орчим энгийн иргэн европын улс орнуудад дүрвэн гарсан бол байлдааны ажиллагаа, оросын цэргийн буудлага галаас зайлан найман сая орчим хүн улс орон дотроо нүүдэллэн аюулгүй газар шилжээд байгаа юм.
Харин ОХУ-ын Гадаад хэргийн сайд Сергей Лавров киевийн эрх баригчид олон жилийн туршид оросын эсрэг дайсагнасан бодлого баримталж оросын гэсэн бүхнийг үгүй хийх гэж байна гэж буруутгаад бидний хувьд Украинтай нөхөрсөг харилцаатай байж, орос хэл, оросын соёлыг гадуурхахгүй байгаасай гэж хүсч байна хэмээн мэдэгджээ.
Дэлхий дахинд
Японд газар хөдлөлтийн улмаас есөн хүн хөнгөн гэмтжээ
Дэлхий дахинд
АНУ-ын Ерөнхийлөгч асан Дональд Трампд холбогдох эрүүгийн хэргийн анхны шүүх ажиллагаа эхлэв
АНУ-д Ерөнхийлөгч асан Дональд Трампын эсрэг дөрвөн ч эрүүгийн хэрэг үүсгэн шалгаж байна.
Тэгвэл энэ хэргүүдийн эхнийх нь буюу хувийн мэдээллээ далдлах зорилгоор төлбөр хийсэн гэх хэргийн шүүх ажиллагаа Нью-Йоркийн шүүх дээр эхэлж байгаа тухай олон улсын хэвлэлүүд мэдээлж байна.
Шүүхийн ялын тогтоол гартал нэгээс хоёр сар үргэлжилж болзошгүй гэж тооцогдож байгаа энэ шүүх ажиллагаагаар өдгөө 77 настай Дональд Трампын 2016 оны Ерөнхийлөгчийн сонгуулийн өмнө насанд хүрэгсдийн киноны жүжигчин Сторми Дэниелс хэмээх эмэгтэйд дотно харилцаатай байснаа нууцлахыг даалгаж өмгөөлөгчөөрөө дамжуулан 130 мянган ам.доллар төлсөн, үүнийгээ ажил хэргийн нөхцөлийн дагуух хууль ёсны төлбөр мэтээр санхүүгийн хуурамч баримт бүрдүүлсэн хэрэгт өнгөрсөн оны гуравдугаар сард эрүүгийн хэрэг үүсгэсэн хэргийг хэлэлцэнэ.
Прокуроруудын зүгээс Дональд Трампын энэ үйлдлийг сонгуулийн боломжид нь нөлөөлж болзошгүй гэдэг үүднээс мэдээллийг нуун далдлахыг завдсан хэрэг гэж үзсэн.
Ирэх 11 дүгээр сард болох АНУ-ын Ерөнхийлөгчийн сонгуульд Бүгд найрамдах намаас нэр дэвших эрхээ долоодугаар сард болох намынхаа их хурлаас баталгаажуулахаар зэхэж байгаа Дональд Трамп харин өөрт нь тулгаж байгаа бүх гэмт хэргийг үндэслэлгүй гүтгэлэг гэж үгүйсгэдэг.
Тэрбээр шүүх танхимд орох үедээ ч гэсэн “Улстөрийн мөрдлөг хавчлага болж байна” гэдэг байр сууриа сэтгүүлчдэд илэрхийлжээ.
Үүнээс гадна экс Ерөнхийлөгчийг төрийн нууцын зэрэглэлтэй баримт бичгүүдэд хайхрамжгүй хандсан, 2020 онд өөрийн ялагдал хүлээсэн Ерөнхийлөгчийн сонгуулийн дүнг цуцлуулах санаархлаар үйлдсэн гэдэг өөр хоёр гэмт хэрэгт нийт 34 зүйл ангиар буруутгасан.
Сүүлийн хоёр нь, 2021 оны нэгдүгээр сард Капитолын ордонд дайран орж, хүмүүс амь эрсдэхэд хүргэсэн үймээн самууныг өдөөн турхирсан, нөгөө нь Жоржия муж улсад мөн тэндхийн сонгуулийн үйл явцыг тасалдуулахыг завдсан гэх хэргүүд юм.
Үүний зэрэгцээ АП-Чикагогийн ИС-ийн дэргэдэх судалгааны төв хамтран явуулсан судалгаагаар, гурван америк хүн тутмын нэг нь Трампын мөнгө шилжүүлсэн үйлдлээ нууцалсан нь хууль бус, өөрөөр хэлбэл, гэмт хэрэг мөн гэж үзжээ.
Мөн тал шахам хувь нь бусад гурван гэмт хэрэгт ч Дональд Трампыг ямар нэг байдлаар гэм буруутай гэсний дээр, бүх шүүх үйл явц тэгэхдээ прокурорууд болоод шүүгчид нь зөв шударга ажиллаж, үнэн зөв шийдвэр гарна гэдэгт төдийлөн итгэлтэй бус байгаагаа илэрхийлжээ.
Дэлхий дахинд
Иранд шинэ оноо тэмдэглэн салют буудуулснаас үүдэн 15 хүн амь үрэгдэж, 4700 иргэн шархаджээ
Ираны шинэ жилийн баяр энэ жил гуравдугаар сарын 20-нд тохиожээ. Тэд шинэ жилээ угтаж галын наадам хийдэг уламжлалтай юм байна. Энэ жилийн хувьд галын наадам нь өнгөрсөн сарын 20-ноос энэ сарын 12 хүртэл үргэлжилжээ.
Гэвч энэ үеэр 4700 хүн бэртэж, 15 нь амь насаа алдсан байна.
Гэмтэж бэртсэн хүмүүсийн 565 нь эмнэлэгт хэвтэн эмчлүүлж байгаа аж.
Эдгээрийн 38 нь эрчимт эмчилгээний тасагт, дөрвөн хүний биеийн байдал хүнд байгаа гэж Ираны Үндэсний эмнэлгийн Яаралтай тусламжийн байгууллагын хэвлэлийн төлөөлөгч Бабак Йектапаст мэдэгдлээ.
Түүний мэдээлж буйгаар, 257 хүн эрхтэн шилжүүлэн суулгах мэс засалд орсон бол 1594 хүн нүдээ гэмтээжээ.
Мөн 1282 хүн түлэгдсэн бөгөөд гэмтсэн хүмүүсийн 72 хувь нь 22 наснаас доош насныхан байсныг онцлов.
Жил бүрийн шинэ жилээр ийм осол гардаг хэдий ч амь үрэгдсэн хүний тоо өнгөрсөн оны мөн үетэй харьцуулахад 21 хувиар өсжээ.
Үүний шалтгаан нь иргэд гэрийн нөхцөлд хийсэн салют буудуулснаас болсон юм байна.
Цагдаа нар 42 тонн салют хураан авсан хэдий ч иргэд олноор өртжээ.
Эх сурвалж: ОБЕГ
-
Нийгэм17 цаг өмнө
Сонсголонгийн гүүрийн нэг талын чиглэлийн тээврийн хэрэгслийн зорчих хэсгийн хөдөлгөөнийг хаана
-
Эдийн засаг21 цаг өмнө
Зэсийн баяжмалын арилжаа зохион байгуулна
-
Нийгэм18 цаг өмнө
Авто зам, гүүрийн барилга угсралтын ажлууд 47.7 хувьтай хэрэгжиж байна
-
Эдийн засаг22 цаг өмнө
“Эрдэнэс Тавантолгой” ХК ачаа тээврийн “С” төрлийн зорчих зөвшөөрлийг нээлттэй, ил тод болгосон
-
Улс төр23 цаг өмнө
Хамтын ажиллагааны комиссын дүрэмд гарын үсэг зурлаа
-
Улс төр18 цаг өмнө
Бүгд Найрамдах Киргиз Улсын Жогорку Кенеш буюу Парламентын дарга Нурланбек Шакиев, УИХ-ын дарга Г.Занданшатар нар гэрэл зургийн үзэсгэлэн үзэж, эрдэм шинжилгээний хуралд оролцлоо
-
Эдийн засаг21 цаг өмнө
“Монголын хөрөнгө оруулалтын долоо хоног” арга хэмжээ Нью-Йорк хотноо зохион байгуулагдаж байна
-
Улс төр18 цаг өмнө
“Алтай дамнасан тогтвортой байдлын яриа хэлэлцээ – Тогтвортой хөгжлийн зорилго 16: Энх тайван, шударга ёс, тогтуурьтай тогтолцоо” олон улсын чуулга уулзалт маргааш эхэлнэ