Дэлхий дахинд

Цөмийн зэвсгээсээ салбал Умард Солонгосыг хөгжил цэцэглэлт хүлээж байгааг Трамп дахин санууллаа

Нийтэлсэн

6 жил өмнө

2019-02-27

Нийтэлч

Умард Солонгосын удирдагчтай хоёр дахь удаагаа нүүр тулан уулзахаар Вьетнамын нийслэлд ирээд байгаа АНУ-ын ерөнхийлөгч Дональд Трамп өнөөдөр өглөө твиттер хуудсандаа нэгэн мэдэгдлийг бичжээ.

Хоёр удирдагчийн уулзалт хэлэлцээр өнөөдөр орой эхлэх юм. Трамп өөрийн байрлаж байгаа Ханой хотын JW Marriott зочид буудлаас бичихдээ “Вьетнам улс өнөөдөр дэлхий дээр хурдтай хөгжиж байгаа цөөхөн орнуудын нэг болоод байна. Хэрвээ цөмийн зэвсгээсээ салбал Умард Солонгос ч адилхан маш хурдан хөгжих боломжтой. Миний найз Ким Жон Унд түүхэнд байгаагүй их боломж, чадавхи байна. Бид удахгүй энэ талаар мэдэх болно. Маш сонирхолтой!” гэжээ.

Трамп, Ким нар өнөөдөр орой Улаанбаатарын цагаар 19:30 цагт Ханой хотын Sofitel Legend Metropole зочид буудалд уулзахаар төлөвлөсөн байна.

Тэд цөөн минутын ганцаарчилсан уулзалтын дараа бараа бологчдын хамт оройн зоог барих юм.

Мөн уулзалт хэлэлцээр маргааш бүтэн өдөр үргэлжлэх ажээ.

Дональд Трамп өнөөдөр өглөө уулзалтыг зохион байгуулагч орон Вьетнамын ерөнхийлөгчтэй уулзсан байна.

Энэ удаагийн уулзалт хэлэлцээрээр Умард Солонгосын цөмийн зэвсгийг бүрэн хурааж чадахгүй нь бараг тодорхой байгаа. Харин 1950-1953 онд болсон Солонгосын дайныг албан ёсоор төгсгөл болгож, энхийн хэлэлцээр байгуулж магадгүй байна.

Эх сурвалж: South China Morning Post

Сэдвүүд:

Дэлгэрэнгүй ...

Сэтгэгдэл үлдээх

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

2 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

1 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...