Нийгэм

Цахим боловсролын салбарт төрийн оролцоог буурууллаа

Нийтэлсэн

1 өдөр өмнө

2024-12-24

Нийтэлч

Боловсролын цахим мэдээллийн сан бүрдүүлэх, ажиллуулах журмын талаар Боловсролын сайд П.Наранбаяр, Боловсролын сайдын зөвлөх Д.Гантулга, Боловсролын яамны Цахим боловсролын газрын дарга Т.Бат-Эрдэнэ нар мэдээлэл өглөө.

Цахим сургалтын зориулалтаар ашиглагдаж байгаа программ хангамж, системүүдийг хооронд нь уялдуулах, мэдээлэл солилцоог сайжруулах, цахим шилжилттэй холбоотой боломжит ажил үйлчилгээнүүдийг хувийн хэвшлээр гүйцэтгүүлж либералчлах хүрээнд Боловсролын цахим мэдээллийн сан бүрдүүлэх, ажиллуулах журмыг шинэчлэн батлав. Энэхүү журам батлагдсанаар цахим боловсролын салбарт төрийн оролцоо буурч, компаниуд төсөл хэрэгжүүлэхийн тулд төрийн байгууллагыг зорьдог биш, сургууль, багш, сурагч, эцэг эх, асран хамгаалагчдын хэрэгцээ шаардлагыг хангах байдлаараа өрсөлдөх боломж бүрдэж байна.

Боловсролын цахим мэдээллийн сан бүрдүүлэх, ажиллуулах журмыг шинэчлэн батлахдаа дараах онцлох өөрчлөлтүүдийг тусгав. Үүнд:

– Сургалтын байгууллага, Edtech компани хоорондын харилцаанд төрийн шаардлагагүй оролцоог багасгаж, шаардлагатай тохиолдолд Боловсролын яамнаас хяналт тавьдаг байх;

– Мэдээлэл солилцох боломжтой эсэхэд заавал Боловсролын яам болон Боловсролын ерөнхий газар оролцолгүйгээр технологийн мэргэжилтнүүд нь шийдвэрлэх боломжтой байх;

– Сургалтын байгууллага, Edtech компани хоорондоо гэрээ байгуулахдаа системийн ерөнхий болон тусгай шаардлага хангаж байгаа эсэхийг Удирдах зөвлөл ба бусад зөвлөлөөр хэлэлцэн шийдвэрлэдэг болох;

– Гэрээ байгуулахдаа цахим систем ашиглах, аливаа субъектээс хамааралгүйгээр мэдээлэл солилцох үйл явц хэвийн үргэлжлэх;

– Систем ашиглалтын зардлыг эцэг, эх асран хамгаалагчдад сайн дурын үндсэн дээр хариуцуулдаг болох юм.

Сэдвүүд:онцлох

Дэлгэрэнгүй ...

Нийгэм

Дрон туршилтын бүсүүд байгуулахаар болов

Нийтэлсэн

13 цаг өмнө

2024-12-25

Нийтэлч

24barimt

Дрон туршилтын бүсийг Дархан-Уул аймаг болон Баянзүрх, Налайх дүүргийн нутаг дэвсгэрт байгуулахаар боллоо.

Ингэснээр дэвшилтэт шинэ технологийг эх орондоо турших, нэвтрүүлэх, нутагшуулах, олон улсын хөрөнгө оруулагчдыг татах нэг шинэ суваг нээгдэнэ.

Цаашид судалгаагаар тогтоогдсон бусад байршилд дроны туршилтын бүс байгуулахад шаардлагатай эрх зүйн болон бусад зохицуулалт хийх ажлыг эрчимжүүлнэ гэж Цахим хөгжил, инновац, харилцаа холбооны яамнаас мэдээллээ.

Дэлгэрэнгүй ...

Нийгэм

Сураггүй болсон иргэнийг эрэн хайх ажиллагаа үргэлжилж байна

Нийтэлсэн

1 өдөр өмнө

2024-12-24

Нийтэлч

24barimt

Дорнод аймгийн Баян-Уул сумын Улз багт тус сумын харьяат иргэн Х нь 12 дугаар сарын 23-ны өдрийн 17:00 цагийн орчим гэрээсээ гараад сураггүй болсон бөгөөд эрэн хайх ажиллагаанд хүч нэмэгдүүлэн ажиллах тухай хүсэлтийг Цагдаагийн байгууллагаас мөн өдрийн 20:45 цагт хүлээн авсан байна.

Тус аймгийн Онцгой байдлын газрын 53 дугаар ангийн алба хаагчид, Цагдаагийн хэсгийн алба хаагчид иргэн Х /33 настай, эрэгтэй/-ийг эрэн хайх ажиллагааг 12.23-ны өдрийн 21:20 цагаас мөн өдрийн 23:45 цаг хүртэл зохион байгуулсан боловч үр дүнд хүрээгүй байна.

Эрэн хайх ажиллагааг өнөөдөр 12 дугаар сарын 24-ний өдрийн 09 цагт дахин эхлүүлээд байна гэж мэдээллээ.

Дэлгэрэнгүй ...

Нийгэм

Бага насны хүүхдүүдийн дунд менингококкт халдвар бүртгэгдлээ

Нийтэлсэн

1 өдөр өмнө

2024-12-24

Нийтэлч

24barimt

Бага насны хүүхдүүдийн дунд менингококкт халдвар бүртгэгдсэн талаар ХӨСҮТ-өөс мэдээллээ. Иймд эцэг эхчүүд халдвараас урьдчилан сэргийлж, анхаарал болгоомжтой байхыг анхаарууллаа.

Менингококкын менингит өвчнийг бид цахилгаан менингит гэж нэрлэж заншсан. Уг өвчний шинж тэмдэг гэнэт илэрч, хурдан хүндэрдэг учраас цахилгаан хэмээн тодотгожээ. Энэ өвчний үед хүүхэд гэнэт өндөр халуурч, их хэмжээгээр бөөлждөг. Мөн дагз нь хөших, гэрлээс айх, маш цочимтгой болох, хөхөөр хооллодог хүүхэд хөхөө хөхөж чадахаа болих шинж тэмдгүүд илэрдэг. Эдгээр шинж тэмдгүүдтэй зэрэгцэн 1-2 цагийн дотор үе мөчнөөс эхлэн тууралт гарч, маш хурдан хугацаанд цусархаг болдог маш аюултай өвчин юм. Шинж тэмдэг илэрсэн даруйд яаралтай эмнэлгийн тусламж авч чадвал энэ өвчин бүрэн эдгэдэг байна.

Хэрхэн халдварлах вэ?

Менингококкт халдвараар өвдсөн хүн, нян тээгчээс агаар дуслын замаар халдвар дамжих ба үүсгэгч нян нь хүний хамар, залгиурт байршиж өвчин үүсгэнэ. Нууц үеийн хугацаа нь 3-10 хоног, дунджаар 5-7 хоног байдаг. Тус халдвараар бүх насны хүн өвчлөх эрсдэлтэй бөгөөд тав хүртэлх насны хүүхэд илүү өртөмтгий байдаг.

Ямар шинж тэмдэг илэрвэл яаралтай эмчид хандах вэ?