Нийгэм
“Атар IV тариалангийн тогтвортой хөгжлийн аян”-ы технологийн 7 хоног үргэлжилж байна

Монгол Улсын Засгийн газраас хэрэгжүүлж байгаа “Атар IV Тариалангийн тогтвортой хөгжлийн аян”-ы хүрээнд газар тариалан, эрчимжсэн мал аж ахуйн салбарт шинэ инновац, техник технологи нэвтрүүлэх “Технологийн 7 хоног”-ийг зохион байгуулж байна.
Энэхүү газар тариалангийн технологийн өдрүүдийг нээж, 2025.03.14-ний өдөр Тосны ургамал, эрдэнэ шиш, шар буурцаг зэрэг сэлгээний таримал тариалах технологи, тогтвортой ургац авах технологийн сургалтад тариалан эрхлэгчдийг хамрууллаа.
Сургалтын үеэр Хүнс, хөдөө аж ахуй, хөнгөн үйлдвэрийн яамны Газар тариалангийн бодлогын хэрэгжилтийг зохицуулах газрын дарга Т.Есөн-Эрдэнэ үр тарианы сэлгээний өнөөгийн байдал, яамнаас баримталж буй бодлого, дэвшүүлсэн зорилтыг танилцуулсан.
“Монголын тариаланчдын үндэсний холбоо”-ны ерөнхийлөгч Л.Баяртулга газар тариалангийн үйлдвэрлэл, ирээдүйн хөгжлийн чиг хандлагыг талаар мэдээллээ хуваалцсан юм.
“Атар IV аян”-ы “Технологийн 7 хоног”-ийн хүрээнд 2025.03.18-ний өдөр Газар тариалангийн үйлдвэрлэлийн технологийн зөвлөмж гаргах захиалгат ажлуудын үр дүнгийн хэлэлцүүлгийг зохион байгуулав. Хэлэлцүүлгийн үеэр Хүнс, хөдөө аж ахуй, хөнгөн үйлдвэрийн яамнаас газар тариалангийн үйлдвэрлэлийн бүтээгдэхүүний чанар тариалалтын технологийг боловсронгуй болгох чиглэлээр судалгааны байгууллагуудаар хийлгэсэн захиалгат ажлуудын зөвлөмж, үр дүнг хүлээн авсан юм. Эрдэмтдийн зөвлөмжид тулгуурлан 2025 оны тариалалтын технологийг тариаланчдын зөвлөгөөнөөс өмнө боловсруулж, тариаланчдад танилцуулахыг ажлыг зохион байгуулах юм.
2025.03.20-ны өдөр Тэжээлийн олон наст ургамал тариалах технологи, үрийн аж ахуй, эдийн засгийн ач холбогдол уулзалт хэлэлцүүлэг;
2025.03.24-ний өдөр Махны үхрийн аж ахуйн амжилтын үндэс баталгаатай чанартай тэжээл үйлдвэрлэл, тариалах, хураах, хадгалах технологи сургалт хэлэлцүүлэг;
2025.03.25-ны өдөр Сүүний үхрийн аж ахуйн амжилтын үндэс баталгаатай чанартай тэжээл үйлдвэрлэл, тариалах, хураах, хадгалах технологийн сургалт;
2025.03.25-ны өдөр Холимог тариалангийн туршлага уулзалт;
2025.03.26-ны өдөр Ургамал хамгааллын газрын нээлт, Ургамал хамгааллын хууль болон байгаль орчинд ээлтэй, ургамал хамгааллын арга хэмжээний танилцуулга хэлэлцүүлэг;
2025.03.27-ны өдөр Үр тарианы үйлдвэрлэл, хөрсний үржил шим, элэгдэл эвдрэлээс хамгаалах технологийн сургалт, зөвлөгөөн;
2025.03.27-ны өдөр Жимс жимсгэнэ, хүлэмжийн үйлдвэрлэл эрхлэгчдийн сургалт, зөвлөгөөн;
2025.03.27-ны өдөр Төмс, хүнсний ногооны технологи, цахим системийн ашиглалт сургалт, зөвлөгөөн;
2025.03.27-ны өдөр Механикжуулалт, усалгаа, ухаалаг тариалангийн өдөрлөг;
2025.03.28-ны өдөр “Aтар IV тариалангийн тогтвортой хөгжлийн аян”-ы хөдөө аж ахуйн үйлдвэр эрхлэгчдийн улсын зөвлөгөөн;
2025.03.28-ны өдөр Үндэсний үйлдвэрлэгчдийн үзэсгэлэн худалдаа;
2025.03.28-ны өдөр Хөдөө аж ахуйн салбарын удирдах ажилтны зөвлөгөөнийг зохион байгуулахаар төлөвлөөд байна.
Хүнс, хөдөө аж ахуй, хөнгөн үйлдвэрийн яам “Атар IV Тариалангийн тогтвортой хөгжлийн аян”-г 2024-2028 онд хэрэгжүүлснээр тариалангийн дэвшилтэт технологийг нэвтрүүлж, эх орныхоо хөрс, уур амьсгалын онцлогт тохирсон шинэ болон ашигт таримлыг нутагшуулахыг зорьж байна гэж ХХААХҮЯ-наас мэдээллээ.

Нийгэм
Менингоккокт халдвар авсан хүүхэд нас баржээ

Архангай аймгийн Цэнхэр суманд менингоккокт халдварын тохиолдол бүртгэгдсэн байна.
Тодруулбал, Энэ сарын 25-ны өдөр 5 настай эрэгтэй хүүхдийн биеэр тууралт гарсан, өндөр халуурч байна гэх дуудлага Цэнхэр сумын Эрүүл мэндийн төвд иржээ. Дуудлагын дагуу тус сумын эмч нарыг очиход хүүхдийн биеийн байдал хүнд, менингоккот халдварын шинж тэмдэгтэй байсан учир аймгийн НЭ-ийн халдвартын тасагт шилжүүлж, шаардлагатай эмчилгээг цаг алдалгүй хийсэн боловч тухайн хүүхэд нас барсан байна.
Тууралтат халдварын улирал эхэлж буй энэ цаг үед хүүхдийн тань бие дээр тууралт гарах, халуурах шинж тэмдэг илэрсэн даруйд цаг алдалгүй харъяа эрүүл мэндийн байгууллагад хандахыг аймгийн ЭМГ-аас анхааруулж байна.
Нийгэм
Улаанбаатар метро төслийн зөвлөх багууд тендерийн баримт бичгийн сургалт зохион байгуулав

Их багтаамжийн нийтийн тээвэр Улаанбаатар метро төслийн стратегийн зөвлөхөөр ИБУИНВУ-ын Зам тээврийн яамны харьяа “Crossrail international” компани ажиллаж байна.
Тус компани Улаанбаатар метро төсөлд гадаадын хөрөнгө оруулалт, санхүүжилт татахад дэмжлэг болох зорилгоор тендерийн баримт бичиг, мэргэжлийн үйл ажиллагаанд зөвлөж, хяналт тавьж ажиллаж байна.
Өчигдөр тус компанийн захирал Patrick TenHave, Alistair Thomson, Улаанбаатар метро төслийн зөвлөх үйлчилгээ үзүүлэгч “Dohwa Engineering” компанийн захирал Пак Юн Чул, “Нэгдсэн төслийн удирдлагын газар”-ын захирал У.Баатар нар төслийн тендерийн баримт бичгийг стандартад нийцүүлэх, нягтлах, олон улсын хэмжээний томоохон компаниудыг оролцуулах, төслийг санхүүжүүлэх сургалт зохион байгууллаа.
Ташрамд, “Crossrail international” компани нь 2022 оны тавдугаар сард Лондон хотын метроны Элизабет шугамыг амжилттай барьж ашиглалтад оруулсан бөгөөд Австрали, АНУ, Канад, Хонг Конг зэрэг улсад стратегийн зөвлөхөөр ажилладаг билээ.
Нийгэм
“Атрын IV аян”-ы хүрээнд тариаланчдын зөвлөгөөн эхэллээ

“Атрын IV аян”-ы хүрээнд тариаланчдын уулзалт, зөвлөгөөн Дархан-Уул аймагт эхэллээ.
Өчигдөр үр тариа, төмс, хүнсний ногоо, жимс жимсгэнэ, мөөг, хүлэмжийн аж ахуй эрхлэгчдийн салбар сургалт, зөвлөгөөнүүд болж өндөрлөв.
Салбар хуралдаануудыг нээж, Хүнс, хөдөө аж ахуй, хөнгөн үйлдвэрийн яамны Газар тариалангийн бодлогын хэрэгжилтийг зохицуулах газрын дарга Д.Есөн-Эрдэнэ “Атрын IV Тариалангийн тогтвортой хөгжлийн аян”-ы зорилт, үр дүн, хэрэгжүүлэх арга хэмжээг танилцуулсан.
Хөдөө аж ахуйн их сургууль болон Ургамал хамгаалал, эрдэм шинжилгээний хүрээлэнгийн эрдэмтэн судлаачид Монгол орны нөхцөлд тохирсон үр соорт нутагшуулах, хөрс ургамал хамгаалал, техник технологийн дэвшил зэргийг танилцуулж, сургалт хийлээ.
Мөн газар тариалангийн хоршоологчид болон салбартаа тэргүүлэгч аж ахуйн нэгжүүд туршлагаасаа хуваалцсан юм.
Зөвлөгөөнд 21 аймаг, нийслэлийн Хөдөө аж ахуйн газар, их сургуулиуд, эрдэм шинжилгээ, судалгааны байгууллагууд болон хоршоод, үр тариа, төмс, хүнсний ногоо, жимс жинсгэнэ, мөөг, хүлэмжийн аж ахуй, эрхлэгч аж ахуйн нэгжүүдийн төлөөллийг хамрууллаа.
Өнөөдөр буюу 2025.03.28-ны өдөр “Атрын IV аян”-ы хөдөө аж ахуйн үйлдвэрлэл эрхлэгчдийн нэгдсэн зөвлөгөөн Дархан-Уул аймгийн Залуучууд театрын Их танхимд болно гэж ХХААХҮЯ-наас мэдээллээ.
-
Энтертайнмент17 цаг өмнө
Б.Отгонтуяа БНСУ-ын бөхийг цэвэр яллаа
-
Эдийн засаг19 цаг өмнө
Хөдөлмөрийн хөлсний доод хэмжээ дөрөвдүгээр сарын 1-нээс 792 мянган төгрөг болно
-
Нийгэм21 цаг өмнө
Зөвшөөрөлгүй барьсан гүүрийг буулгаж, орц гарцыг чөлөөлж байна
-
Эдийн засаг19 цаг өмнө
Мөнгөн зээлийн үйл ажиллагаа эрхлэгчдийн анхааралд
-
Нийгэм23 цаг өмнө
“Эмчээ сонсъё” арга хэмжээ болно
-
Улс төр19 цаг өмнө
Гашуунсухайт-Ганцмод боомтын хил холболтын төмөр замын засгийн газар хоорондын хэлэлцээрийг соёрхон баталлаа
-
Нийгэм18 цаг өмнө
ТЭЦ-5 станц 340 Гкал дулаан, 300 МВт цахилгаан үйлдвэрлэнэ
-
Нийгэм20 цаг өмнө
Шинэ тойрог авто замын урьдчилсан ТЭЗҮ-ийг боловсруулж байна