Дэлхий дахинд

Японы тэргүүн баян биткоинд хөрөнгө оруулаад $130 саяыг алдсан тухай мэдээлжээ

Нийтэлсэн

6 жил өмнө

2019-04-24

Нийтэлч

Японы хамгийн баян хүнд тооцогддог Софтбанк группын үүсгэн байгуулагч, тэрбумтан Масаёши Сон биткоины ид халуурлын үед их хэмжээний хөрөнгө оруулаад том алдагдал хүлээжээ.

Тэрээр нийтдээ $130 сая орчмын алдагдал хүлээсэн болохыг ойрын эх сурвалж нь Wall Street Journal сэтгүүлд мэдээлсэн байна.

Масаёши Сон 2017 оны сүүлээр биткоины ханш оргил хэмжээндээ хүрч байх үед нэгэн алдартай криптовалютын шүтэн бишрэгчийн зөвлөсний дагуу хөрөнгө оруулсан гэнэ. Уг зөвлөгөөг өгсөн хүний хөрөнгө оруулалтын компанийг 2017 онд Софтбанк худалдан аваад байжээ.

2017 оны арванхоёрдугаар сарын дундуур биткоины ханш бараг $20,000 хүрээд байв. Масаёши Сон энэ үед худалдаж авсан криптовалютаа 2018 оны эхээр буюу ханш огцом унасан үед буцаан зарсан байна.

Яг хэр хэмжээний хөрөнгө оруулсан нь тодорхойгүй байгаа ч алдагдлын хэмжээ нь $130 саяд хүрснийг эх сурвалж баталжээ.

Өнөөдрийн байдлаар биткоины ханш $5,500 орчимд хэлбэлзэж байна.

Уг мэдээллийн талаар Софтбанк группын төлөөлөгчөөс тодруулахад Масаёши Соны өмнөөс тайлбар хийхээс татгалзжээ.

Эх сурвалж: Kyodo News

Сэдвүүд:биткоин

Дэлгэрэнгүй ...

Сэтгэгдэл үлдээх

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

3 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...