Дэлхий дахинд

Хуавэй компани Японы томоохон хэрэглэгчээ алдлаа

Нийтэлсэн

5 жил өмнө

2019-05-31

Нийтэлч

Японы харилцаа холбооны Softbank Group 5G сүлжээний нийлүүлэгчээр Nokia, Ericsson компаниудыг шалгаруулснаа зарласнаар удаан хугацааны түнш Хуавэйгаас татгалзаж байна.

Тус компани 5G технологийн суурь тоног төхөөрөмжийг нийлүүлэх стратегийн түншээр Nokia-г сонгосон бол радио сүлжээний хэсгийг нь Ericsson компаниас авахаар болсноо өчигдөр зарлажээ.

Өмнөх 4G сүлжээний дэд бүтцийг Хятадын Хуавэй, ZTE компаниуд нийлүүлсэн бөгөөд Softbank-ийн 5G сүлжээний туршилтыг ч Хуавэй гүйцэтгэж байсан юм.

Хятад улстай худалдааны дайн хийж байгаа АНУ-ын ерөнхийлөгч Дональд Трампын засаг захиргаа Хуавэй компанийн бүтээгдэхүүнд хориг тавьж, холбоотон улсууддаа ч адилхан хориглохыг уриалж байгаа.

Одоогоор Австрали, Шинэ Зеланд улсууд Хуавэйн тоног төхөөрөмжийг сүлжээний дэд бүтэцдээ ашиглахыг хориглоод байна. Харин Япон улс аюулгүй байдалд сөрөг нөлөөтэй төхөөрөмжийг хориглохоо илэрхийлсэн ч Хуавэйг нэр зааж хориглоогүй байсан юм.

Японы хэвлэлүүдийн мэдээлж байгаагаар Softbank-ийн араас NTT Docomo, KDDI компаниуд мөн адил Хятадын компаниудаас татгалзах төлөвтэй байна.

Британийн гадаад тагнуулын алба MI6 Хятадын компаниудын тоног төхөөрөмжүүдэд аюулгүй байдлын эрсдэл байгааг анхааруулсны дараа тус улсын BT Group сүлжээний дэд бүтцээсээ Хуавэйн бүтээгдэхүүнүүдийг хассан юм.

Тайвань улс мөн Хятадын сүлжээний тоног төхөөрөмжүүдийг хориглоод байна.

Эх сурвалж: Bloomberg

Сэдвүүд:

Дэлгэрэнгүй ...

Сэтгэгдэл үлдээх

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

3 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...