Дэлхий дахинд

Пентагоны үйлдвэрлэж буй хүлэмжийн хийн хэмжээ жижиг улс орнуудынхаас давж байна

Нийтэлсэн

5 жил өмнө

2019-06-13

Нийтэлч

АНУ-ын зэвсэгт хүчний дэлхийн янз бүрийн бүс нутгуудад явуулж буй үйл ажиллагаанаас үүсэх хүлэмжийн хий зарим улс орнуудынхаас давж байгааг сүүлийн үеийн судалгаа харуулсан байна.

Брауны их сургуулийн хийсэн судалгааны тайланд өгүүлснээр 2017 онд Пентагоны нийт үйл ажиллагаанаас 59 сая тонн нүүрстөрөгчийн давхар исэл ялгарчээ.

Энэ хэмжээгээр нь дэлхийн улс орнуудтай харьцуулж жагсаавал манай гарагийн 55 дахь том хүлэмжийн хий ялгаруулагч болохоор байгааг тус тайланд өгүүлсэн байна.

Үүний 70 орчим хувь нь цэрэг, зэвсэг тээвэрлэхэд зарцуулж буй шатахуун түлшний шаталтаас бүрэлджээ. Харьцуулбал Швед улс 2017 онд хүлэмжийн хийн ялгаруулалтаар дэлхийн улс орнуудаас 65 дугаарт жагссаныг Global Carbon Atlas төслийн судалгаа харуулсан байна.

Пентагоны ард энэ үзүүлэлтээрээ Португаль улс 57 дугаарт жагсаж байгааг дээрх судалгааг ахалж гүйцэтгэсэн Брауны их сургуулийн эрдэмтэн Нета Кроуфорд ярьжээ.

Дэлхийн дулаарлын гол буруутан хүлэмжийн хийн үйлдвэрлэлээр өнөөдөр Хятад улс дэлхийд тэргүүлж, АНУ дэд байранд жагсдаг юм. 2009 оноос хойш Пентагоны хүлэмжийн хийн ялгаруулалт огцом багассан нь АНУ-ын армийн машин техник шатахуунд хэмнэлттэй болж, зарим тохиолдолд цэвэр эрчим хүч хэрэглэдэг болсных гэж Кроуфорд тайлбарлаж байна.

Газрын тосны нийлүүлэлтийг хамгаалахын тулд Персийн буланд явуулж буй ажиллагаагаа зогсооход л Пентагон хүлэмжийн хийн ялгаруулалтаа эрс багасгахаар байгааг тэр бас ярьсан байна.

Эх сурвалж: Reuters

Сэдвүүд:

Дэлгэрэнгүй ...

Сэтгэгдэл үлдээх

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

3 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...