Нийгэм

Баянгол, Налайх, Хан-уул дүүргүүдэд зохион байгуулагдсан гарааны бизнесийг дэмжих арга хэмжээ амжилттай болж шилдэг гарааны бизнесүүд тодорлоо.

Нийтэлсэн

6 жил өмнө

2018-11-13

Нийтэлч

Admin

Хөдөлмөр эрхлэлтийн үндэсний зөвлөлийн 2018 оны нэгдүгээр тогтоолоор баталсан “Залуучуудын хөдөлмөр эрхлэлт, гарааны бизнесийг дэмжих хөтөлбөр”-ийн Гарааны бизнесийг дэмжих арга хэмжээг Нийслэлийн хэмжээнд хэрэгжүүлсэн.

Арга хэмжээний онцлог нь залуучуудын шинэлэг санаа, инновацид суурилсан гарааны бизнесүүдийг хөгжүүлэх, бойжуулах, тус арга хэмжээнд үе шаттай хамрагдаж шалгарсан шилдэг төслүүдэд гарааны санхүүгийн дэмжлэг олгож, байнгын ажлын байртай болгох замаар хөдөлмөр эрхлэлтийг дэмжихэд чиглэгдсэн.

Арга хэмжээний хүрээнд гарааны бизнесээ эхлүүлэх, бэлтгэл хурдасгуур, хөрөнгө оруулагчид, олон нийтэд төслөө танилцуулах зэрэг үйл ажиллагааг Баянгол, Налайх, Хан-уул дүүрэгт 2018 оны 09 дүгээр сарын 28-ны өдрөөс эхлэн 2018 оны 11 дүгээр сарын 05 хүртэл 3 үе шаттайгаар зохион байгуулсан.

Гарааны бизнесээ эхлүүлэх /Startup Weekend/ арга хэмжээнд 150 залуучуудыг 72 цагийн сургалтанд хамруулсан.
Бэлтгэл хурдасгуур /Pre-Accelator/ арга хэмжээнд өмнөх шатнаас шалгарсан 79 залуучуудыг 26 бүлэгт хувааж 5 долоо хоногийн турш бизнесийн зөвлөхүүд зөвлөгөө, мэдээлэл өгч ажилласан.
Хөрөнгө оруулагчид, олон нийтэд төслөө танилцуулах /Demo Day/ арга хэмжээнд 26 бүлэг гарааны төслөө танилцуулж өрсөлдсөнөөс 16 бүлэг шалгарч тус бүр санхүүгийн дэмжлэг болох 10.000.000 төгрөгийг эргэн төлөгдөх нөхцөлтэйгээр харьяа дүүргийн Хөдөлмөр халамжийн үйлчилгээний хэлтсээс авч үйл ажиллагаагаа эхлүүлээд байна.

Баянгол, Налайх, Хан-уул дүүргүүдээс шалгарсан шилдэг гарааны бизнесүүдийг танилцуулж байна.

№	Бүлгийн нэр	Төслийн нэр
Баянгол дүүрэг
1	Пүүз	Монголдоо урлаж хийж буй заалны болон гадуур өмсөх зориулалттай пүүз үйлдвэрлэгч
2	Повербанк	Зөөврийн цэнэглэгчтэй тэмдэглэлийн дэвтэр
3	Эрүүл ус	Эрүүл ахуй хангасан цэвэр усны нөөцийн сав үйлдвэрлэгч
4	Potota	Хүнсний ногоо бэлтгэлийн газар
5	Гүнжин брэнд	Хувцасны үйлчилгээ
6	Жасү	Эсгийгээр оньсон тоглоом болон зүүлт, бугуйвч, гутал урлах
7	Twin socks	Сонин содон өнгө, дизайнтай оймс үйлдвэрлэгч
Налайх дүүрэг
1	Ойрат брэнд	Арьсан эдлэл дээр зураг зурж, сийлж хийсэн хувирдаг арьсан цүнх
2	Хүннү фитнесс	Фитнесс болон спиннинг хосолсон цогц үйлчилгээ
3	Самархан түлш	Самарын ясыг шахаж, халааж барьцалдуулах технологоор хийсэн байгаль экологид хоргүй түлш
Хан-уул дүүрэг
1	Увидас	Гэр бүлийн халуун дулаан уур амьсгалыг бэлэглэх комикс ном, шидэт хайрцаг, мини театр бүхий тоглоомын багц
2	Таван-Эрдэнэ	Монгол уламжлалт ахуй соёлыг орчин цагт хөрвүүлэн 5 хошуу малыг угсардаг, эвлүүлдэг хэлбэрээр зохион бүтээж, хүүхдүүдэд танин мэдэхүйн мэдлэг олгох тоглоом
3	Creative art club	Гар урлал, гоёл чимэглэл хийх хүсэл сонирхолтой охид бүсгүйчүүд, ээжүүд нэг дор цуглаж хамтдаа бүтээх урлан, хамтын оффис
4	P box	Өсвөр насны охидын сарын тэмдэг ирэх үед үүсдэг асуудлыг цогцоор шийдэх хайрцаг /мэдлэг, мэдээлэл, хэрэглэгдэхүүнүүд цөм багтсан/
5	Лаванда хаус	Органик гоо сайхны төсөл
6	Wonder Jewelry	Монгол улсад байдаг байгалийн үнэт чулуунуудыг нарийн дарханы технологиор урлан дахин давтагдашгүй цор ганц бүтээл урлах төсөл

Сэдвүүд:Нийслэлийн Хөдөлмөр Эрхлэлтийн Газар

Дэлгэрэнгүй ...

Сэтгэгдэл үлдээх

Нийгэм

О.Алтангэрэл: Шаардлага хангасан дээд боловсролтой залуус хоёр жилийн хөтөлбөрт хамрагдаж офицер болох боломжтой

Нийтэлсэн

13 цаг өмнө

2024-11-22

Нийтэлч

24barimt

Хууль зүй, дотоод хэргийн сайд О.Алтангэрэлийн санаачилгаар ДХИС-ийн хэрэгжүүлж буй “Мэргэшүүлэх хоёр жилийн сургалтын хөтөлбөр”-ийг Монгол Улсын Их Сургуулийн оюутнуудад танилцууллаа.

Тухайн хөтөлбөр нь бусад мэргэжлээр их, дээд сургууль төгссөн залуусыг богино хугацааны сургалтад хамруулж, цагдаагийн байгууллагад ажиллах мэдлэг, ур чадвар олгох зорилготой бөгөөд төгсөгчид 100 хувь ажлын байраар хангагдах боломжтой.

2019-2024 онд нийт 154 сонсогч төрд тангараг өргөж, цагдаагийн байгууллагын офицер бүрэлдэхүүнд үүрэг гүйцэтгэж байна.

Мэргэшүүлэх хөтөлбөрт хамрагдах сонирхолтой иргэдэд эрүүл мэнд болон боловсролын хоёр шалгуур тавих бөгөөд тус хөтөлбөрт хамрагдсанаар:

• Мэргэжлийн тусгай мэдлэг бүхий мэргэжил эзэмшинэ.

• Сонсогчоор суралцсан хугацааг төрийн албанд ажилласанд тооцно.

• Сургалтын болон дүрэмт хувцсаар хангана.

• Сурч байх хугацаанд цолны цалин, нийгмийн даатгал төлөгдөнө.

• Цэргийн алба хаасанд тооцох гэх мэт олон давуу тал бий.

Цаашид “Мэргэшүүлэх хоёр жилийн сургалтын хөтөлбөр”-ийг бүх их, дээд сургуулийн оюутнуудад танилцуулах өдөрлөг зохион байгуулахаар төлөвлөж байна.

Хууль зүй, дотоод хэргийн сайд О.Алтангэрэл оюутнуудад хандан “Цагдаагийн байгууллагад ажиллах сонирхолтой ч өөр мэргэжил сонгосон, давхар мэргэжил эзэмших хүсэлтэй залууст шинэ боломж бий болголоо. Залуусыг төр, ард түмний төлөө офицер бүрэлдэхүүнд хүчин зүтгэхийг уриалж байна” гэсэн юм гэж Хууль зүй, дотоод хэргийн яамнаас мэдээллээ.

Дэлгэрэнгүй ...

Нийгэм

“Мэргэжлийн ангийн дүрэм”-ийг баталж, захиргааны хэм хэмжээний актад бүртгүүллээ

Нийтэлсэн

13 цаг өмнө

2024-11-22

Нийтэлч

24barimt

ОБЕГ-ын даргын 2024 оны 11 дүгээр сарын 1-ний өдрийн А/379 дүгээр тушаалаар “Мэргэжлийн ангийн дүрэм”-ийг баталж, захиргааны хэм хэмжээний актад бүртгүүллээ.

Гамшгийн аюулаас урьдчилан сэргийлэх, гамшгийн голомтод эрэн хайх, аврах, хор уршгийг арилгах, эмнэлгийн болон хүмүүнлэгийн тусламж үзүүлэх, хойшлуулшгүй сэргээн босгох ажиллагаанд дэмжлэг үзүүлэх чиг үүрэг бүхий мэргэжлийн ангийн үйл ажиллагаатай холбогдсон харилцааг энэхүү дүрмээр зохицуулах юм.

Мөн мэргэжлийн ангийн үүрэг, бүтэц зохион байгуулалт, сургалт, бэлтгэл, бэлэн байдлыг хангуулах зорилготой. Энэхүү дүрэм нь гамшгаас хамгаалах үйл ажиллагаанд дэмжлэг үзүүлэх гамшгаас хамгаалах алба, засаг захиргаа, нутаг дэвсгэрийн нэгж, төрийн болон нутгийн захиргааны байгууллага, хуулийн этгээдийн дэргэд байгуулсан Мэргэжлийн ангийн үйл ажиллагаанд хамаарна гэж ОБЕГ-аас мэдээллээ.

Дэлгэрэнгүй ...

Нийгэм

Хөвсгөл аймгийн Ханх суманд газар хөдөллөө

Нийтэлсэн

1 өдөр өмнө

2024-11-21

Нийтэлч

24barimt

Хөвсгөл аймгийн Ханх сумын төвөөс баруун урд зүгт 42 км зайд өчигдөр буюу арваннэгдүгээр сарын 20-нд 21:50 цагт газар хөдөллөө. Газар хөдлөлтийн хүч нь 3.2 магнитуд хүчтэй байсан гэж Хөвсгөл Онцгой байдлын газраас мэдээллээ.

Дашрамд дурдахад өнгөрсөн онд 77 мянган газар хөдлөлт бүртгэгдсэн бөгөөд 1000 орчим газар хөдлөлт нь Улаанбаатар хотын ойролцоо бүртгэгджээ. Мөн хүнд мэдрэгдэх газар хөдлөлт нь нийт долоон удаа бүртгэгдэж байжээ.