Дэлхий дахинд

“Томчуудын яриа”-нд оролцохыг хичээж буй Трампын охины дүрс бичлэг Америкчуудыг бухимдуулав

Нийтэлсэн

5 жил өмнө

2019-07-01

Нийтэлч

Өнгөрсөн долоо хоногт Японы Осакад болж өнгөрсөн “Их 20”-ын чуулганы үеэр АНУ-ын ерөнхийлөгчийн охин Иванка Трамп дэлхийн томоохон гүрнүүдийн удирдагч нарын ярианд оролцох гэж оролдож байгааг харуулсан видеог Францын ерөнхийлөгчийн хэвлэлийн алба өчигдөр нийтэд тараажээ.

Бичлэгт Иванка Канадын ерөнхий сайд Жастин Трюдо, Британийн ерөнхий сайд Тереза Мэй, Францын ерөнхийлөгч Эммануэл Макрон, ОУВС-ийн тэргүүн Кристин Лагард нарын ярианд оролцож, зарим тохиолдолд удирдагчдын яриаг тасалж байгааг харуулсан байна. Удирдагчдын биеийн хэл, харцнаас АНУ-ын ерөнхийлөгчийн охинтой харилцахаас зайлсхийж байгаа нь илт харагдаж байжээ.

Цагаан ордонд зөвлөх статустай Иванка Трамп нөхөр Жаред Кушнерын хамт эцгийгээ дагаж “Их 20”-ын чуулганд оролцсон юм. Тэрээр эмэгтэйчүүдийн эрхийн асуудлаар салбар хуралдаанд илтгэл тавихаар Осакад ирсэн юм байна.

Уг дүрс бичлэг сошиал орчинд хүчтэй тарж, Америкчууд Иванкагийн эрээ цээргүй үйлдлийг шүүмжилж эхэлжээ.

Тэдний зарим нь уг дүрс бичлэгийг “нүд хальтрам” хэмээн нэрлэж байв.

АНУ-ын конгресс дахь Александра Окасио Кортез, Тэд Лию нарын тэргүүтэй Ардчилсан Намын төлөөлөгчид Трампын охиноос уг видео бичлэгийн талаар тайлбар шаарджээ.

Трампын засаг захиргааны үед гэр бүлийн гишүүдээ төрийн хэрэгт оролцуулсан гэх асуудал байнга яригдаж байгаа. Иванкагийн нөхөр Жаред Кушнерт АНУ-ын төрийн нууц, тагнуулын материалд хандах эрх олгосон асуудал одоо болтол маргаантай хэвээр байгаа юм.

Сэдвүүд:

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

3 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...