Дэлхий дахинд

Жон Болтон Умард Солонгосын хувьд “гамшиг” байсныг Дональд Трамп ярьжээ

Нийтэлсэн

5 жил өмнө

2019-09-12

Нийтэлч

Өчигдөр АНУ-ын ерөнхийлөгч Дональд Трамп ажлаа өгөөд удаагүй байгаа үндэсний аюулгүй байдлын зөвлөх нь байсан Жон Болтоны талаар таагүй мэдээллийг сэтгүүлчдэд өгсөн байна.

Тухайлбал Болтон Умард Солонгосын асуудлаар алдаатай бодлого баримталж, Ким Жон Уныг унагахын тулд “Ливийн загвар”-аар ажиллана хэмээн сүрдүүлж, бүх цөмийн зэвсгийг нь хурааж авах хатуу нөхцлийг тулгаж байсан гэнэ.

“Жон Болтон Ливийн загварын талаар ярих үед бид том ухралт хийсэн. Энэ бол гамшиг байлаа” гэж Трамп ярьжээ.

Тэрээр цааш нь ярихдаа “Тэр ийм аргаар Умард Солонгостой тохиролцож чадах байсан уу? Үүний дараа Ким Жон Уны гаргасан хариу үйлдлийг би ойлгож байна. Энэ бол ухаантай хүний ярих зүйл биш” гэж хэлсэн байна.

Трамп мөн Венесуэлийн асуудлаар Болтонтой байр суурь зөрчилдөж байсныг цухуйлгасан ч энэ талаар дэлгэрэнгүй ярилгүй өнгөрсөн байна.

Жон Болтон нь Венесуэлийн ерөнхийлөгч Николас Мадурогийн дэглэмийг унагах ажиллагааг голлон удирдаж байсан юм. Мөн Ирантай харилцах Трампын засаг захиргааны бодлогыг тодорхойлж байжээ.

Сэтгүүлчид Трампаас энэ сард болох НҮБ-ын ерөнхий ассемблейн үеэр Ираны ерөнхийлөгч Хассан Руханитай уулзах эсэхийг асуухад “Юу болохыг бүгдээрээ харцгаая” гэж хариулсан байна.

Руханитай уулзахыг нь Болтон эрс хориглож байсан гэдэг.

Ажиглагчид хатуу чиг шугам баримтлагч Жон Болтоныг Цагаан ордноос явуулснаар Умард Солонгос, Иран, Венесуэльтэй харилцах АНУ-ын гадаад бодлогод өөрчлөлт гарах магадлалтайг хэлж байгаа.

Эх сурвалж: Reuters

Сэдвүүд:

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

3 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...