Дэлхий дахинд

Согтуу жолоочийг мөргөж, гурван хүний амийг аварчээ

Нийтэлсэн

5 жил өмнө

2019-10-28

Нийтэлч

АНУ-ын Аризона мужийн Финикс хотод нэгэн эмэгтэй хүүхэдтэйгээ зам хөндлөн гарч байсан хосыг аврахын тулд давхиж яваа согтуу жолоочийн машиныг мөргөсөн хэрэг гарчээ.

“Phoenix”-ийн цагдаагийн газар уг бичлэгийг саяхан цахим ертөнцөд нийтэлсэн нь олон хүний зүрхийг шимшрүүллээ. Осол орой 10 цагийн орчимд болсон байна.

27 настай Шаннон Вивар гэх эмэгтэй байгаагүй бол гурван хүний эрдэнэт амь үгүй болох байж. Тэр орой Шаннон ээж, 3 настай хүүхдийн хамт “Walmart” дэлгүүрээс гэр лүүгээ явж байсан гэнэ. Түүний ээж улаан гэрлээр “Jeep” машин хурдтай давхиж байгааг хараад гэнэт орилжээ. Нөхцөл байдлыг ойлгосон Шаннон “Jeep” машиныг нүд ирмэхийн зуур мөргөж, явган зорчигчдыг дайрахаас сэргийлж чадсан байна. Тэрбээр, хаазаа дараад хурдалснаас хойш юу ч санахгүй байгаа талаараа ярьжээ.

“Jeep”-ийн согтуу жолооч дөнгөж осол болсны дараа хэргийн газраас зугтах гэж оролджээ.

Хүүхэдтэйгээ зам хөндлөн гарч байсан хосууд эсэн мэнд машины мөргөлдөөнөөс холдож чадсан. Харин гурван хүний амийг аварсан Шаннон биендээ бэртэл, гэмтэл авахаас гадна машин нь эвдэрчээ. Түүнийг олон нийт зоригтой үйлдэл гаргасан “баатар” хэмээн өргөмжлөөд байна. Харин Шаннон энэ үйлдлээ “Болох ёстой зүйл болсон гэж би харж байна” хэмээсэн юм. Түүний нөхөр ослын улмаас гарсан хохирлыг барагдуулахын тулд “GoFundMe” кампанит ажлыг эхлүүлээд байна.

“Jeep”-ийн согтуу жолооч Эрнесто Останез Овесо дөнгөж осол болсны дараа хэргийн газраас зугтах гэж оролдсон бөгөөд гэрчүүд түүнийг зогсоосон гэнэ. Цагдаагийн газрын мэдээлж буйгаар гэмт хэрэгтнийг галт зэвсэг тээвэрлэж явсан, согтуугаар тээврийн хэрэгсэл жолоодсон хэргээр баривчилжээ.

Сэдвүүд:

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

3 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...