Дэлхий дахинд

Норвегичуудын чихрийн хэрэглээ хамгийн доод түвшиндээ хүрчээ

Нийтэлсэн

5 жил өмнө

2019-11-21

Нийтэлч

Норвеги улсын иргэдийн чихрийн хэрэглээ сүүлийн 44 жилийн хугацаанд хамгийн доод түвшиндээ хүрээд байгааг тус улсын эрүүл мэндийн байгууллага мэдээлжээ.

Тодруулбал нэг хүнд жилд ноогдох чихрийн хэмжээ 2000 оноос хойш жил тутам нэг килограмм гаруйгаар буурсан байна.

“Бид чихрийн хэрэглээг зохих хэмжээнд нь хүртэл хараахан буулгаагүй байгаа ч 2021 онд хүрэхээр тавьсан зорилтоо биелүүлээд байна” гэж Норвегийн нийтийн эрүүл мэндийг хамгаалах газрын захирал Линда Гранлунд ярьжээ.

Дэлхийн ихэнх улс орны хүн амын дунд чихрийн хэрэглээ нэмэгдэж байгаа энэ үед Норвеги улс ийнхүү бууруулж чадсан байна.

2000-аас 2018 оны хооронд нэг хүнд ноогдох жилийн чихрийн хэрэглээ Норвегид 43 кг-аас 24 кг болж буурчээ. Өнөөдөр Норвегийн дундаж иргэн 1975 онд хэрэглэж байснаасаа бага чихэр хэрэглэдэг болсон байна.

Тус улс бүр 1922 оноос эхлэн чихрийн татвар оноож эхэлсэн байдаг. Сүүлийн жилүүдэд энэ бодлого улам эрчимжсэн байна. 2018 оны нэгдүгээр сард шоколад болон зөөлөн чихрийн татварыг 83 хувиар өсгөж, килограмм тутамд 36.92 крон ($4) болгосон бол чихэрлэг ундааны татварыг 42 хувиар өсгөж, литр тутмаас 4.75 крон авах болжээ.

Үр дүнд нь 2008 онд нэг хүнд ноогдох шоколадны хэрэглээ 15 кг байснаа 2018 онд 12 кг болж буурсан байна. 1960 онд энэ үзүүлэлт 5кг байжээ.

Чихэрлэг ундааны хэрэглээ 1990-ээд оны үед нэг хүний 93 литр болж, 1950-аад оны түвшнээсээ бараг хоёр дахин нэмэгдээд байсан бол өнгөрсөн онд 47 литр болж буурсан байна.

Өнөөдөр Норвегийн зургаан хүүхэд тутмын нэг нь жингийн илүүдэлтэй байгаа нь өндөр хөгжилтэй орнуудын дунд сайн үзүүлэлт болж байгаа юм.

Эх сурвалж: The Guardian

Сэдвүүд:

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

3 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...