Дэлхий дахинд

Дэлхийн хамгийн хурдан жолоочгүй галт тэрэг Хятад улсад зорчиж эхэллээ

Нийтэлсэн

5 жил өмнө

2020-01-10

Нийтэлч

Хятадын нийслэл Бээжинг Жанжякоу хоттой холбосон өндөр хурдны төмөр замаар дэлхийн хамгийн хурдан, жолоочгүй галт тэрэг зорчиж эхэлжээ.

Автомат жолоодлоготой уг галт тэрэг цагт дээд тал нь 350 км хурдалдаг нь дэлхийд тэргүүлэх үзүүлэлт болж байна. Шинэ галт тэрэг 2022 онд болох Өвлийн олимпийн наадмын үеэр хоёр хотыг холбох үндсэн зорилготой юм.

Бээжин, Жанжякоу нь 2022 оны өвлийн олимпийг хамтран зохион байгуулах хотууд ажээ.

Уулын бүсэд оршдог Жанжякоу (монголчууд Хаалган хот гэдэг) хотод цанын уралдаан тэмцээнүүд нь зохион байгуулагдах юм. Хоёр хотын хооронд 175 орчим километр зайтай. Өмнө нь энэ замыг газраар туулахад гурван цаг зарцуулдаг байсан бол одоо 45 минут зарцуулна. 1909 онд хоёр хот анх төмөр замаар холбогдоход найман цаг аялдаг байжээ.

Шинэ галт тэрэг нарийн цагийн хуваарийн дагуу бүрэн автоматаар ажилладаг. Гэхдээ онцгой үед жолоодлогыг гартаа авах хяналтын ажилтан галт тэргэнд явах юм байна.

Галт тэргийг өвлийн спортын техник хэрэгсэл ачих хэсэгтэй байхаар зохион бүтээсэн гэнэ. Бас суудал бүрт 5G технологитой, хуруугаар удирдах дэлгэц байрлуулжээ. Галт тэргэнд суухдаа царай таних технологиор нэвтрэх гэнэ.

Хятадын өндөр хурдны төмөр замын сүлжээний нийт урт 35,000 км хүрээд байна.

Хамгийн хурдан галт тэрэг нь цагт 430 км хурдтай Shanghai Maglev (соронзон өргөлттэй) юм. Бээжин, Жанжякоу чиглэлийн галт тэрэг нь автомат жолоодлоготой хамгийн хурдан гэдгээрээ онцлог ажээ.

Сэдвүүд:

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

3 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...