Дэлхий дахинд

VR ашиглан нэгэн ээжийг нас барсан охинтой нь уулзуулжээ

Нийтэлсэн

5 жил өмнө

2020-02-10

Нийтэлч

Өмнөд Солонгосын MBC телевиз VR технологи ашиглан Жи Сун гэх эмэгтэйг өвчний улмаас тэнгэрт хальсан долоон настай Наеон охинтой нь уулзуулжээ.

Наеон охины биеийн байдал муудаж эмнэлэгт хэвтсэнээсээ нэг сарын дараа нас барсан ба энэ нь түүний гэр бүлд хүнд цохилт болж, уй гашуу нөмөрчээ.

Технологийн дэвшлийг ашиглан Наеон охины амьдралын хамгийн сайхан мөчийг бодит мэтээр бүтээж түүний ээж Жи Суныг виртуал дүрслэлд оруулах VR шил зүүлгэжээ. Ингээд Жи Сун охинтойгоо урьд нь очиж байсан тоглоомын талбайд уулзаж, гар гараасаа барин, ярилцана.

Хэдий хиймэл дүрслэл бүхий орчинд охиныг нь бүтээн харуулж байгааг мэдэж буй хэдий ч Жи Сун бүсгүй уйлсаар л, гар нь чичирч, хайр нь урсаж байгааг хажуугаас нь харсан хүн бүр мэдэж болохоор сэтгэл уярам мөч байв. Ээж, охин хоёрыг эргэн уулзуулж буй энэхүү “Meet you” нэртэй баримтат бичлэгт охин “аавыгаа тамхинаас гараарай” хэмээн захижээ.

Охинтойгоо салах ёс хийн, сэтгэлээ дэвтээсэн ээж “Магадгүй энэ жинхэнэ диваажин байсан байх” хэмээсэн аж.

Талийгаачийн гэр бүлийнхэн сар болгон түүний шарил дээр дуртай тоглоомыг нь авч очдог байна.

Энэхүү VR технологийг Өмнөд Солонгос Улсын стартап Vive студи хийж гүйцэтгэсэн ажээ. Охины нүүрний хувирал, хөдөлгөөн зэргийг түүний зураг, бичлэгт үндэслэн бүтээсэн бөгөөд үүнд найман сарын хугацаа зарцуулсан байна.

Эх сурвалж: roadtovr.com, ajudaily.com

Сэдвүүд:

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

4 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...