Дэлхий дахинд

Kоронавирусийн халдвараар АНУ-ын 12 дахь, Их Британийн анхны өвчтөн нас барлаа

Нийтэлсэн

5 жил өмнө

2020-03-06

Нийтэлч

24barimt

Өчигдөр буюу Пүрэв гарагт АНУ-д коронавирусийн халдвараар 12 дахь өвчтөн нь нас баржээ.

Сүүлд нас барсан өвчтөн нь тус улсын тархалтын төв цэг болоод байгаа Вашингтон мужийн Кинг дүүрэгт бүртгэгдсэн байна.

Үүнээс гадна АНУ-д өчигдөр Covid-19 вирусийн халдварын 53 шинэ тохиолдол бүртгэгдсэнээс Колорадо, Теннеси, Техас мужууд болон Сан Франциско хотод анхны тохиолдлууд илэрчээ.

Вашингтон мужийн Кинг дүүрэгт 22 шинэ тохиолдол бүртгэгдэж, нийт халдвартай хүний тоог нь 51 болгосон байна. АНУ-д гарсан нийт 12 эндэгдлийн 11 нь энэ мужид илэрсэн юм.

Тус улсын хүн ам хамгийн шигүү суудаг муж болох Нью Йоркод өчигдөр халдвартай хүний тоо хоёр дахин нэмэгдэж, 22 хүрсэн байна.

Өчигдөр АНУ-ын сенат коронавирусийн халдвартай тэмцэхэд зориулж $8.3 тэрбумын хөрөнгийг зарцуулах хуулийг баталсан байна. Одоо уг хуулинд ерөнхийлөгч Дональд Трамп гарын үсэг зурснаар хүчин төгөлдөр болох юм.

Өчигдөр бас Их Британи улсад Covid-19 вирусийн халдвараар анхны өвчтөн нь нас барж, халдварын тоо 25-аар нэмэгдэж, 115-д хүрсэн байна.

Британийн ерөнхий сайд Борис Жонсон засгийн газрын шуурхай хуралдаан зарлаж, коронавирусийн тархалттай тэмцэх цогц арга хэмжээг ирэх долоо хоногоос хэрэгжүүлэхээр болжээ.

Эх сурвалж: Reuters

Сэдвүүд:

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

4 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...