Дэлхий дахинд

Хамгаалалтын хувцастай Владимир Путин коронавирусийн халдвартай хүмүүсийг эмчилж буй Москвагийн эмнэлэгт зочилжээ

Нийтэлсэн

5 жил өмнө

2020-03-25

Нийтэлч

ОХУ-ын ерөнхийлөгч Владимир Путин өчигдөр шинэ коронавирусээр өвчилсөн хүмүүсийг эмчилж буй Москва хотын эмнэлэгт зочилж, нөхцөл байдалтай танилцжээ.

Ингэхдээ тэр вирусийн халдвараас хамгаалах иж бүрэн хувцас өмссөн байна. Эмнэлэгт зочлохоосоо өмнө Путин коронавирусийн тахалтай тэмцэх хорооны гишүүдтэй Кремльд хуралдсан юм. Хуралд Москва хотын дарга Сергей Собянин, шадар сайд Татьяна Голикова, эрүүл мэндийн сайд Михайл Мурашко зэрэг албаныхан оролцжээ.

Хурлын дараа Путин өвтчөнүүдийг эмчилж байгаа эмнэлэгт зочилж, нөхцөл байдалтай газар дээр нь танилцах санал гэнэт гаргасан байна. “Коммунаркад очиж, нөхцөл байдалтай танилцацгаая” гэж хэлсэн Путин албаны хүмүүсийг дагуулан эмнэлэгт иржээ.

Эмнэлгийн ерөнхий эмч Денис Проценко коронавирусийн тахал Орос улсад хоёр хувилбар замаар дэгдэж болзошгүйг энэ үеэр Путинд хэлсэн байна.

Нэг бол Азид дэгдсэн шиг богино хугацаанд тархаад буурах, үгүй бол Италийнх шиг хүчтэй дэгдэлт гарах гэж тэр тайлбарлажээ.

Хэрвээ Орос дахь дэгдэлт Хятадын хувилбараар явагдаж дөрөв, тавдугаар саруудын аль нэгэнд өндөрлөвөл эмч мэргэжилтнүүдийн хувьд азтай тохиолдол болно гэж Проценко хэлсэн байна.

Өчигдрийн байдлаар ОХУ-д шинэ коронавирусийн халдварын 495 тохиолдол илэрсэн бол хүний амь эндсэн ганц ч тохиолдол бүртгэгдээгүй байгаа юм.

Эх сурвалж: Russia Today

Сэдвүүд:

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

4 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...