Дэлхий дахинд

Коронавирусийн эсрэг гурван вакцин боловсруулж байна

Нийтэлсэн

5 жил өмнө

2020-03-31

Нийтэлч

МОСКВА, 3-р сарын 30 – РИА Новости. ОХУ-ын Шинжлэх ухааны академийн эрдэмтдийн оролцоотойгоор «COVID-19» коронавирусийн халдвараас үүдэлтэй өвчний эсрэг үйлчилгээтэй хамгийн ирээдүйтэй гурван вакциныг ОХУ-д боловсруулж байна гэж Оросын ШУА-ийн дэд ерөнхийлөгч, биологийн болон анагаах ухааны тэнхимийн эрхлэгч, академич Владимир Чехонин РИА Новости агентлагт өгсөн ярилцлагадаа хэллээ.

«Новосибирск мужийн «Вектор» төв шинэ вакцин боловсруулж буй тухай их бичсэн учир өдгөө энэ тухай хүн бүр мэдэж байгаа. Тиймээс би энэ удаад инновацийн бусад шинэлэг аргуудын талаар ярьж өгье. Тухайлбал, Ломоносовын нэрэмжит Москвагийн Улсын Их Сургуулийн Биологийн факультетын эрдэмтэн судлаачид академич Михаил Кирпичниковын удирдлага дор прототип боловсруулж байгаа. Би давтан хэлье. Энэ нь өнөөдөр тархаад байгаагаас гадна бусад өргөн хүрээний буюу бүх төрлийн коронавирусийн эсрэг үйлчлэх олон талт буюу поливалент вакцины анхдагч прототип юм» хэмээн тэрээр тайлбарлав.

Шемякин болон Овчинников нарын нэрэмжит Биоорганик химийн хүрээлэнд академич Александр Габибовын удирдлаган дор «Коронавирусийн уургийн рекомбинант фрагментийг ашиглан вирустэй төстэй тоосонцор дээр суурилсан COVID-19-ийн эсрэг орчин үеийн өндөр технологийн вакцин» боловсруулж байна. Энэ бол маш сонирхолтой инновацийн шинэлэг технологи бөгөөд түүний ачаар бидэнд хэрэгтэй вакциныг зохиож чадна гэдэгт би итгэлтэй байна» гэж Чехонин ярьж байна.

«ДНХ-ийн вакцинжуулалтын чиглэлээр ажилладаг манай хамгийн том мэргэжилтэн, профессор Козловоор ахлуулсан Вавиловын нэрэмжит Ерөнхий генетикийн хүрээлэнгийн ажлын талаар дурдалгүй өнгөрч болохгүй. Тэдний боловсруулж буй вакцин нь гадаргуу дээрээ коронавирусийн гурван уургийг тээж байгаа нь поливалент вакцин гаргаж авахад тусална. Бид энэ чиглэлийн ажилд маш их анхаарал хандуулж байгаа» гэж Оросын Шинжлэх ухааны академийн дэд ерөнхийлөгч нэмж хэлэв.

Мөн Чехониний хэлснээр ОХУ-ын Шинжлэх ухааны академи болон Боловсрол, шинжлэх ухааны яамны хамтран хэрэгжүүлж буй эдгээр гурван төсөл нь Эрүүл мэндийн яамны анхаарлыг ихэд татаж байгаа юм байна. «Эцсийн эцэст бид зөвхөн COVID-19-ийн эсрэг бус бусад коронавирусийн халдварыг анагаах өргөн хүрээний үйлчилгээтэй, үр дүнтэй вакциныг гарган авч чадна гэдэгт би итгэлтэй байна» гэж Чехонин цохон тэмдэглэв.

Гуравдугаар сарын 11-нд Дэлхийн Эрүүл Мэндийн Байгууллага шинэ коронавирусийн халдварын тархалтыг цар тахлын хэмжээнд хүрснийг мэдэгдсэн билээ. ДЭМБ-ын хамгийн сүүлийн мэдээгээр дэлхий даяар 634 мянга гаруй халдварын тохиолдол бүртгэгдсэнээс 30 мянга орчим хүн нас баржээ.

ОХУ-д болон дэлхий дахинд COVID-19-ийн байдалтай холбоотой хамгийн сүүлийн үеийн мэдээ мэдээллийг стопкоронавирус.рф сайтаас авна уу?

Эх сурвалж: ria.ru

Сэдвүүд:

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

4 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...