Дэлхий дахинд

Филиппиний Ерөнхийлөгч хөл хорио зөрчигчдийг буудахыг тушаав

Нийтэлсэн

5 жил өмнө

2020-04-02

Нийтэлч

Филиппин улсын Ерөнхийлөгч Родриго Дутерте өчигдөр /2020.04.01/ ард иргэддээ хандан мэдэгдэл хийх үеэрээ хөл хорио зөрчиж, байдлыг хүндрүүлж буй хүмүүсийг буудахыг хууль, хүчний байгууллагуудад зөвшөөрч байгаагаа мэдэгджээ.

Тэрбээр хорио цээрийн дэглэмийг хүн бүр чандлан сахих ёстойг анхааруулаад дэглэм сахиулахад саад болсон, эсэргүүцэл үзүүлсэн хэнийг ч болов шууд бууд хэмээн хэлсэн байна.

Хүчирхийллийг ил тод сурталчилдаг хэмээн хүний эрхийн байгууллагуудад байнга шүүмжлүүлдэг Дутерте “Асуудлыг хүндрүүлэхийн оронд тэднийг оршуулсан нь илүү амар гэж би бодож байна” гэж хэлжээ. Тус улсад өнөөдрийн байдлаар 2,311 хүн халдвар авч, 96 хүн нас бараад байгаа ба сүүлийн өдрүүдэд нийслэл Манила хотын захын дүүргүүдэд оршин суугчид хөл хорионы дэглэмийг эсэргүүцэж, эмх замбараагүй байдал үүсээд байгаа юм.

Филиппиний Ерөнхийлөгчийн хар тамхины эсрэг дайн зарласан мэдэгдлээс хойш тус улсад ард иргэдийн эсрэг хүчирхийлэл гаарч, хууль хүчнийхний гарт олон мянган иргэн амиа алдсан гэсэн тоо баримт байдаг. Родриго Дутерте 2016 онд Ерөнхийлөгчөөр сонгогдсоноосоо хойш хууль бус хар тамхины наймаатай тэмцэх бодлогыг идэвхтэй хэрэгжүүлсээр ирсэн бөгөөд хоёр жилийн хугацаанд буюу 2018 оны мэдээгээр хар тамхитай холбоотой хэргээр 5,000 орчим хүн цаазаар авхуулсан байна.

Эх сурвалж: AL JAZEERA, REUTERS

Сэдвүүд:

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

4 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...