Дэлхий дахинд

БНСУ-д бүрэн эдгэрсэн 51 хүнээс дахин коронавирусийн халдвар илэрчээ

Нийтэлсэн

5 жил өмнө

2020-04-07

Нийтэлч

БНСУ-ын Дэгү хотод бүрэн эдгэрсэн 51 хүнээс дахин коронавирусийн халдвар илэрсэн тухай Их Британийн “dailymail” сайт мэдээллээ. Энэ нь вирус дахин идэвхждэг байж болзошгүй гэх айдсыг нэмэгдүүлж байна.

Тодруулбал, коронавирусийн тархалтын төв цэг болоод буй Дэгү хотод хөл хорионд байсан 51 хүн эдгэрээд гарснаас хэд хоногийн дараа дахин шинжилгээ хийхэд хариу нь эерэг гарчээ.

БНСУ-ын халдварт өвчнөөс урьдчилан сэргийлэх төвийн мэдээлснээр “Хүмүүс дахин халдвар авахаас илүүтэйгээр вирус нь идэвхжсэн байх магадлал өндөр” гэжээ.

“Энэхүү вирус хүний эсийн далд түвшинд идэвхгүй хэвээр үлддэг. Үл мэдэгдэх шалтгаанаар жижиг хэсэг нь дахин идэвхждэг. Гэхдээ өвчтөн дахин хүнээс халдвар авах боломжтой эсэх нь хараахан батлагдаагүй” хэмээн БНСУ-ын эрдэмтэн, судлаачид үзжээ.

Түүнчлэн оношлуур буруу оношлох тохиолдол гардаг тул хоёр дахь удаад эерэг хариу гарсан зарим тохиолдол нь үүнтэй холбоотой байж магадгүй гэв.

БНСУ-д өнөөдрийн байдлаар /2020.04.07/ 10,331 хүн коронавирусийн халдвар авч, 192 хүн нас бараад байна.

Эх сурвалж: Dailymail.co.uk

Сэдвүүд:онцлох

Дэлгэрэнгүй ...

Дэлхий дахинд

АНУ-ын зарим мужид цас, бороо холилдон орж, хоёр хүн амь насаа алджээ

Нийтэлсэн

2 цаг өмнө

2024-11-25

Нийтэлч

24barimt

АНУ-ын Калифорни, Сьерра невада мужид өнгөрсөн бямба гарагт 1.2 м-ийн зузаан цас, 32 см-ийн бороо орж, салхины хурд 24.4 м/секунд хүрч шуурчээ.

Баруун Виржиниа мужид 61 см-ийн зузаан цас орсон байна.

Үүний улмаас хоёр хүн амь насаа алдаж, олон мянган айл өрх тог цахилгаангүй болж, хот хоорондын авто замуудад тээврийн хэрэгслүүд мөргөлдөж, замын хөдөлгөөнд саад учруулжээ.

Калифорни мужийн цаг уурын газраас мягмар гараг хүртэл дунд зэргийн онц байдал зарлаж, оршин суугчдад сэрэмжлүүлэг хүргээд байна гэж ОБЕГ-аас мэдээллээ.

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

4 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...