Дэлхий дахинд

Францын тэнгисийн флотын хөлөг дээр коронавирусийн халдварын 50 тохиолдол бүртгэгджээ

Нийтэлсэн

5 жил өмнө

2020-04-11

Нийтэлч

Франц улсын тэнгисийн флотын нисэх онгоц тээвэрлэгч “Charles de Gaulle” хөлөг дээр шинэ коронавирусийн халдвартай 50 хүн илэрсэн тухай тус улсын батлан хамгаалах яам Баасан гарагт мэдээлжээ.

Лхагва гарагт үүрэг гүйцэтгэхээр Атлантын далайд гарсан хөлгийн усан цэргүүдийн дунд халдварын шинж тэмдэг илэрсэн тул замын дундаас боомт руугаа буцсан юм.

Газар дундын тэнгисийн Тулон боомтод зогссон хөлгөөс гурван усан цэргийг буулгаж, эмнэлэгт хүргэсэн байна. Халдвартай нь тогтоогдсон бусад усан цэргүүдийн биеийн байдал хэвийн байгааг Францын батлан хамгаалах яам мэдээлжээ.

Хөлгийн нийт бие бүрэлдэхүүнд амны хаалт зүүлгэж, бусад урьдчилан сэргийлэх арга хэмжээг авсан байна.

Францын армийн хамгийн том нисэх онгоц тээвэрлэгч, цөмийн хөдөлгүүртэй “Charles de Gaulle” хөлөг дээр нийт 2,000 орчим усан цэрэг алба хаадаг. Одоогоор вирус хаанаас анх тархсаныг тогтоож чадаагүй байгаа гэнэ.

Өнгөрсөн сарын сүүлээр АНУ-ын нисэх онгоц тээвэрлэгч “USS Theodore Roosevelt” хөлөг дээр мөн коронавирус тархаж, 4,000 гаруй усан цэргээс нь 100 гаруй хүн халдвар авсан юм.

Одоо тус хөлөг Номхон далайн Гуам арлын боомтод 11 дэх өдрөө зогсож, ариутгал, халдваргүйжүүлэлт хийгдэж байна. Мөн усан цэргүүдийг оношлох, эмчлэх ажиллагаа үргэлжилж байгаа юм.

Эх сурвалж: AFP

Сэдвүүд:

Дэлгэрэнгүй ...

Дэлхий дахинд

АНУ-ын зарим мужид цас, бороо холилдон орж, хоёр хүн амь насаа алджээ

Нийтэлсэн

2 цаг өмнө

2024-11-25

Нийтэлч

24barimt

АНУ-ын Калифорни, Сьерра невада мужид өнгөрсөн бямба гарагт 1.2 м-ийн зузаан цас, 32 см-ийн бороо орж, салхины хурд 24.4 м/секунд хүрч шуурчээ.

Баруун Виржиниа мужид 61 см-ийн зузаан цас орсон байна.

Үүний улмаас хоёр хүн амь насаа алдаж, олон мянган айл өрх тог цахилгаангүй болж, хот хоорондын авто замуудад тээврийн хэрэгслүүд мөргөлдөж, замын хөдөлгөөнд саад учруулжээ.

Калифорни мужийн цаг уурын газраас мягмар гараг хүртэл дунд зэргийн онц байдал зарлаж, оршин суугчдад сэрэмжлүүлэг хүргээд байна гэж ОБЕГ-аас мэдээллээ.

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

4 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...