Дэлхий дахинд

Эдгэрч, карантинаас гарсан хүмүүст дахин вирус илэрчээ

Нийтэлсэн

5 жил өмнө

2020-04-11

Нийтэлч

Өмнөд Солонгост covid-19 өвчнөөр өвдөж, эдгэрсэн 91 хүнд дахин халдвар илэрснийг тус улсын эрүүл мэндийн албаныхан мэдээлжээ. Тэдгээр иргэд өвчнөөс бүрэн эдгэрч, карантинаас гарсныхаа дараа дахин коронавирусийн халдвар илэрсэн болохыг Өмнөд Солонгосын халдварт өвчнөөс сэргийлэх, хянах төвийн захирал Жон Юнгён мэдээлсэн юм. Иймээс дахин халдвар авсан хүмүүсийн амьсгалын замын эрхтнээс вирусийн шинжилгээ авч дархлал тогтсон эсэхийг судлахаар болжээ.

Хэрэв тэдгээр хүмүүст антиген буюу уг вирусийг эсэргүүцэх дархлал тогтсон бол халдвар тараахгүй гэж зарим эрдэмтэд үзэж байна. Харин бусад вирус судлаачдын хувьд тухайн хүний биед дахин вирус идэвхэжсэнээс халдвартай гэж оношлогдсон гэж үзжээ. Энэ тохиолдолд вирус дахин тухайн хүний амьсгалын эрхтнүүд рүү довтлох гэнэ.

Халдвар дахин илэрсэн эдгэрсэн хүмүүст өмнө нь хоёр удаагийн шинжилгээ хийхэд вирус илрээгүй аж.

Өмнөд Солонгост өчигдөр 27 хүн шинээр халдвар авсан нь шинжилгээгээр оношлогдсон нь хоёрдугаар сарын 20-ноос хойших хамгийн бага үзүүлэлт болж байна. Тус улсад нийт 10450 хүн халдвар авсан юм.

Эх сурвалж: Yonhap

Сэдвүүд:

Дэлгэрэнгүй ...

Дэлхий дахинд

АНУ-ын зарим мужид цас, бороо холилдон орж, хоёр хүн амь насаа алджээ

Нийтэлсэн

1 цаг өмнө

2024-11-25

Нийтэлч

24barimt

АНУ-ын Калифорни, Сьерра невада мужид өнгөрсөн бямба гарагт 1.2 м-ийн зузаан цас, 32 см-ийн бороо орж, салхины хурд 24.4 м/секунд хүрч шуурчээ.

Баруун Виржиниа мужид 61 см-ийн зузаан цас орсон байна.

Үүний улмаас хоёр хүн амь насаа алдаж, олон мянган айл өрх тог цахилгаангүй болж, хот хоорондын авто замуудад тээврийн хэрэгслүүд мөргөлдөж, замын хөдөлгөөнд саад учруулжээ.

Калифорни мужийн цаг уурын газраас мягмар гараг хүртэл дунд зэргийн онц байдал зарлаж, оршин суугчдад сэрэмжлүүлэг хүргээд байна гэж ОБЕГ-аас мэдээллээ.

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

4 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...