Нийгэм

Лавай автобуудал нь Хан-Уул дүүрэгт шилжин байршлаа

Нийтэлсэн

6 жил өмнө

2019-01-17

Нийтэлч

Admin

Хот хоорондын нийтийн зорчигч тээврийн Төв, Өмнөговь, Дундговь аймаг чиглэлийн үйлчилгээ 2019 оны нэгдүгээрсарын

20-ны өдрөөс эхлэн Хан-Уул дүүрэгт байрлах “ЛАВАЙ АВТО БУУДАЛ”-д шилжинэ. Иймд тус чиглэлүүдэд зорчих иргэд үйлчлүүлэгч та бүхэн “Лавай” шинэ автобуудлаар үйлчлүүлээрэй.

Улаанбаатар хотод байрлалтай Сонгинохайрхан, Баянзүрх зорчигч тээврийн төвийн ачаалал болон замын хөдөлгөөний түгжрэлийг бууруулах, аюулгүй байдлыг хангах, иргэдэд түргэн шуурхай, ая тухтай үйлчлэх нөхцөлийг сайжруулах, ойртуулах үүднээс хот хоорондын зорчигч тээврийн “Лавай” автобуудлыг байгуулаад байна. Төв, Өмнөговь, Дундговь чиглэлийн хот хоорондын зорчигч тээврийн үйлчилгээ “Лавай” автобуудалд шилжсэнээр тус чиглэлд үйлчилж буй автобуснууд хот доторх замын түгжрэлд саатахгүй, тээвэрлэлтийн хугацааг багасгах боломж бүрдэж буй юм.

Шинэ авто буудал ньMNS 6300:2011 стандартын дагуу баригдсан, явах зорчигчийн тусгай танхимтай, жолоочийн амрах хэсэг, хүүхэд асрах зориулалтын өрөөтэй,иргэдэд үзүүлэх авто тээврийн үйлчилгээг олон улсын стандартын дагуу хүргэх боломжийг бүрдүүлж буйгаараа онцлогтой юм.

“Лавай” автобуудал нь Хан-Уул дүүрэг, 3 дугаар цахилгаан станцын гэрлэн дохиотой уулзварын урд буюу Бетон Арматур корпорацийн /БАК/ зүүн талд байрлалтай юм.”Лавай” авто буудлын чиглэлд нийтийн тээврийн 13 чиглэлийн автобус хүрч үйлчилнэ.

“Лавай” автобуудал доорх 8 чиглэлийн хот хоорондын нийтийн зорчигч тээврийн үйлчилгээг иргэдэд хүргэнэ. Үүнд:

1.Төв аймгийн Зуунмод сум

2.Дундговь аймгийн Сайнцагаан сум

3.Дундговь аймгийн Эрдэнэдалай сум

4.Дундговь аймгийн Сайхан-овоо сум

5.Өмнөговь аймгийн Даланзадгад сум

6.Өмнөговь аймгийн Гурвантэс сум

7.Өмнөговь аймгийн Цогтцэций сум

8.Өмнөговь аймгийн Цагаанхад баг

АВТО ТЭЭВРИЙН ҮНДЭСНИЙ ТӨВ

Сэдвүүд:

Дэлгэрэнгүй ...

Сэтгэгдэл үлдээх

Нийгэм

Өөрийгөө нас барсан гэж хуурамч бичиг баримт бүрдүүлж, хариуцлагаас зайлсхийжээ

Нийтэлсэн

12 минут өмнө

2025-04-21

Нийтэлч

24barimt

Цагдаагийн байгууллагаас өнгөрсөн 7 хоногт 260 хэргийг шүүхэд шилжүүлэх саналтайгаар прокурорт шилжүүлжээ.

Тухайлбал, иргэн Т бусадтай бүлэглэн 2018-2022 оны хооронд хуурамч бичиг баримт үйлдэж, зохиомол байдлыг зориудаар бий болгон орон сууц худалдан борлуулна гэх нэрийдлээр иргэдийг залилж, бусдад 460 орчим сая төгрөгийн хохирол учруулсан.

Эл хэрэгт холбогдон шалгуулж байх явцдаа шүүхийн шатанд өөрийгөө нас барсан талаар хуурамч бичиг баримт бүрдүүлэн, нас барсны гэрчилгээ гаргуулан авчээ. Улмаар шүүхээс “Шүүгдэгч нас барсан” гэх үндэслэлээр Т-д холбогдох хэргийг 2023 онд хэрэгсэхгүй болгосон байна.

Гэвч цагдаагийн байгууллагаас түүний нас барсны гэрчилгээ нь хуурамч болохыг тогтоосон тул хэрэгсэхгүй болгосон хэргийг эргэн сэргээж мөрдөн шалгах ажиллагааг явуулжээ. Иргэн Т-ийн нотлох баримт хуурамчаар үйлдсэн, бусдыг залилсан гэх үйлдлүүдэд нь яллагдагчаар татан хэргийг шүүхэд шилжүүлэх саналтай прокурорт шилжүүлэв.

Эх сурвалж: ЦЕГ

Дэлгэрэнгүй ...

Нийгэм

ХӨСҮТ: Улаанбурхан өвчний 659 тохиолдол бүртгэгдлээ

Нийтэлсэн

1 цаг өмнө

2025-04-21

Нийтэлч

24barimt

Халдварт өвчин судлалын үндэсний төвөөс Улаанбурхан өвчний нөхцөл байдлын талаар мэдээлэл өглөө. Тус өвчний лабораториор батлагдсан тохиолдол 659 бүртгэгдснээс 158 нь эмнэлэгт хэвтэн эмчлүүлж байгаа бол 3 нь гэрээр эмчлүүлж байна. Одоогийн байдлаар сэжигтэй 38 тохиолдол бүртгэгдээд байгаа бол хавьтал болсон нийт 11539 тохиолдол бүртгэгджээ.

Улаанбурхан өвчин нь халдварлалт өндөртэй ч вакцинаар сэргийлэгдэх боломжтой халдварт өвчин юм. Улаанбурхан өвчний тохиолдлууд ихэвчлэн Ерөнхий боловсролын сургуульд голомтлон гарч байгаатай холбоотой хамт сурдаг, ажиллаж байгаа хүүхэд, иргэд халдвараас сэргийлэх үүднээс улаанбурханы эсрэг вакцинд хамрагдан өөрийгөө болон бусдыг улаанбурхан өвчнөөс хамгаалах боломжтой юм.

Эрүүл мэндийнхээ төлөө иргэн бүр хариуцлагатай байж, халдвараас сэргийлцгээе. Тодруулах, лавлах зүйл байвал 89016199, 75 103 100 утсанд хандана уу.

Дэлгэрэнгүй ...

Нийгэм

Нийт дуудлагын 14 нь ой, хээрийн түймрийн тохиолдол байна

Нийтэлсэн

2 цаг өмнө

2025-04-21

Нийтэлч

24barimt

Өнгөрсөн долоо хоногт нийслэлийн 9 дүүрэг, 21 аймгийн 54 суманд аюулт үзэгдэл, ослын 185 удаагийн дуудлага бүртгэгдсэн байна.

Дуудлагын дагуу төв, орон нутгийн Онцгой байдлын байгууллагын алба хаагчид үүрэг гүйцэтгэж, 6 иргэний амь насыг авран хамгааллаа.

Нийт дуудлагын 153 нь объектын гал түймэр, 14 нь ой хээрийн гал түймэр, 5 нь газар хөдлөлт, нэг нь хүчтэй салхи, шуурга, 11 нь хүний үйл ажиллагаатай холбоотой осол, нэг нь биологийн гаралтай өвчлөлийн дуудлага байна гэж ОБЕГ-аас мэдээллээ.

Дэлгэрэнгүй ...