Нийгэм

Хаан, Капитал, Төрийн банкууд өнөөдрөөс халамжийн мөнгийг олгож эхэлнэ

Нийтэлсэн

6 жил өмнө

2019-01-24

Нийтэлч

Admin

Сангийн яам Хөдөлмөр халамжийн үйлчилгээний газарт халамжийн санхүүжилтийг энэ сарын 16-нд олгосон хэмээн Сангийн сайд Ч.Хүрэлбаатар мэдэгдсэн юм. Харин тус газраас дараах гурван банканд халамжийн санхүүжилтийг олгосон тул өнөөдрөөс иргэдэд олгох юм байна.

Энэ оны улсын төсөвт нийгмийн хамгааллын зардал өнгөрсөн оныхоос 13 хувиар өсөж, 2 их наяд 889 тэрбум төгрөг болжээ. Нийгмийн хамгааллын зардалд:

Нийгмийн даатгал – 2 их наяд төгрөг,
Нийгмийн халамж 726 тэрбум төгрөг,
Нийгмийн хамгааллын бодлого, удирдлага- 3.8 тэрбум төгрөг,
Нийгмийн бүлэгт чиглэсэн хөтөлбөрүүд –61.6 тэрбум төгрөг,
Нийгмийн хамгааллын хөрөнгө оруулалт –29.9 тэрбум төгрөгийг тус тус төсөвлөсөн байна.

Насны хишгийг жилд 2 удаа (Цагаан сар, Наадмын өмнө), 65-аас дээш настнуудад олгодог. Энэ онд нийт 22.3 тэрбум төгрөгийг насны хишигт зарцуулна.

65-69 нас: 50 000 төгрөг
70-79 нас: 80 000 төгрөг
80-89 нас: 150 000 төгрөг
90-ээс дээш: 250 000 төгрөг,

Хэрэв ахмад настан зургаадугаар сарын 30-наас хойш хүсэлт гаргавал тухайн онд ногдох насны хишгийг олгохгүй, дараа оноос эхлэн олгодог. Мөн

Үр хүүхэд, төрөл садангүй, ганц бие болон эмнэлгийн хяналтад байдаг, байнгын асаргаа шаардлагатай ахмад настныг асардаг хүнд сар бүр 70 000 төгрөг,
Олон хүүхэдтэй, Алдарт эхчүүдэд хүүхдийн тооноос хамааран 100 болон 200 мянган төгрөгийг жилд нэг удаа олгодог.

Сэдвүүд:

Дэлгэрэнгүй ...

Сэтгэгдэл үлдээх

Нийгэм

АТГ: Хэрэг бүртгэлтийн 1 хэрэгт 5 объектод нэгжлэгийн ажиллагаа явуулав

Нийтэлсэн

1 цаг өмнө

2025-04-21

Нийтэлч

24barimt

Авлигатай тэмцэх газрын Мөрдөн шалгах хэлтэс 2025 оны 4 дүгээр сарын 14-20-ны өдрүүдэд гэмт хэргийн шинжтэй 100 гомдол, мэдээллийг шалгав.

Үүнээс 10 гомдол, мэдээлэлд хэрэг бүртгэлтийн хэрэг нээх, 14 гомдол, мэдээлэлд хэрэг бүртгэлтийн хэрэг нээхээс татгалзах, 1 гомдол мэдээллийг харьяаллын дагуу шилжүүлэх саналтайгаар прокурорт шилжүүлсэн бөгөөд одоогоор 75 гомдол, мэдээллийг хянан шалгаж байна.

Түүнчлэн эрүүгийн 875 хэрэгт мөрдөн байцаалтын ажиллагаа явуулснаас өнгөрсөн долоо хоногт 7 хэргийг шүүхэд шилжүүлэх, 12 хэргийг хаах, 2 хэргийг харьяаллын дагуу шилжүүлэх саналтай прокурорт хүргүүлэв. Мөрдөн шалгах ажиллагаанд одоогоор 854 хэрэг шалгагдаж байна.

Гэмт хэргийн шалтгаан, нөхцөлийг арилгуулахаар мөрдөгчийн 2 мэдэгдэл хүргүүлж, хэрэг бүртгэлтийн 1 хэрэгт 5 объектод нэгжлэгийн ажиллагаа явуулав гэж АТГ-аас мэдээллээ.

Дэлгэрэнгүй ...

Нийгэм

Өөрийгөө нас барсан гэж хуурамч бичиг баримт бүрдүүлж, хариуцлагаас зайлсхийжээ

Нийтэлсэн

2 цаг өмнө

2025-04-21

Нийтэлч

24barimt

Цагдаагийн байгууллагаас өнгөрсөн 7 хоногт 260 хэргийг шүүхэд шилжүүлэх саналтайгаар прокурорт шилжүүлжээ.

Тухайлбал, иргэн Т бусадтай бүлэглэн 2018-2022 оны хооронд хуурамч бичиг баримт үйлдэж, зохиомол байдлыг зориудаар бий болгон орон сууц худалдан борлуулна гэх нэрийдлээр иргэдийг залилж, бусдад 460 орчим сая төгрөгийн хохирол учруулсан.

Эл хэрэгт холбогдон шалгуулж байх явцдаа шүүхийн шатанд өөрийгөө нас барсан талаар хуурамч бичиг баримт бүрдүүлэн, нас барсны гэрчилгээ гаргуулан авчээ. Улмаар шүүхээс “Шүүгдэгч нас барсан” гэх үндэслэлээр Т-д холбогдох хэргийг 2023 онд хэрэгсэхгүй болгосон байна.

Гэвч цагдаагийн байгууллагаас түүний нас барсны гэрчилгээ нь хуурамч болохыг тогтоосон тул хэрэгсэхгүй болгосон хэргийг эргэн сэргээж мөрдөн шалгах ажиллагааг явуулжээ. Иргэн Т-ийн нотлох баримт хуурамчаар үйлдсэн, бусдыг залилсан гэх үйлдлүүдэд нь яллагдагчаар татан хэргийг шүүхэд шилжүүлэх саналтай прокурорт шилжүүлэв.

Эх сурвалж: ЦЕГ

Дэлгэрэнгүй ...

Нийгэм

ХӨСҮТ: Улаанбурхан өвчний 659 тохиолдол бүртгэгдлээ

Нийтэлсэн

3 цаг өмнө

2025-04-21

Нийтэлч

24barimt

Халдварт өвчин судлалын үндэсний төвөөс Улаанбурхан өвчний нөхцөл байдлын талаар мэдээлэл өглөө. Тус өвчний лабораториор батлагдсан тохиолдол 659 бүртгэгдснээс 158 нь эмнэлэгт хэвтэн эмчлүүлж байгаа бол 3 нь гэрээр эмчлүүлж байна. Одоогийн байдлаар сэжигтэй 38 тохиолдол бүртгэгдээд байгаа бол хавьтал болсон нийт 11539 тохиолдол бүртгэгджээ.

Улаанбурхан өвчин нь халдварлалт өндөртэй ч вакцинаар сэргийлэгдэх боломжтой халдварт өвчин юм. Улаанбурхан өвчний тохиолдлууд ихэвчлэн Ерөнхий боловсролын сургуульд голомтлон гарч байгаатай холбоотой хамт сурдаг, ажиллаж байгаа хүүхэд, иргэд халдвараас сэргийлэх үүднээс улаанбурханы эсрэг вакцинд хамрагдан өөрийгөө болон бусдыг улаанбурхан өвчнөөс хамгаалах боломжтой юм.

Эрүүл мэндийнхээ төлөө иргэн бүр хариуцлагатай байж, халдвараас сэргийлцгээе. Тодруулах, лавлах зүйл байвал 89016199, 75 103 100 утсанд хандана уу.