Дэлхий дахинд

Нигери улсын газрын тос боловсруулах хууль бус үйлдвэрт дэлбэрэлт болж 100 гаруй хүний амь үрэгджээ

Нийтэлсэн

3 жил өмнө

2022-04-25

Нийтэлч

Бямба гарагийн шөнө Нигери улсын Имо муж дахь газрын тос боловсруулах хууль бус үйлдвэрт дэлбэрэлт болсны улмаас 100 гаруй хүний амь үрэгджээ.

Хохирогчдын цогцос танигдахын аргагүй болтлоо шатсан байсныг орон нутгийн захиргаа мэдээлсэн байна.

Ажилгүйдэл, ядуурал газар авсан Нигерид түүхий газрын тос хулгайгаар боловсруулах бизнес ашигтай боловч аюултайд тооцогддог.

Тэд Нигерийн томоохон компаниудын дамжуулах хоолойгоос түүхий газрын тос хулгайлах замаар үйл ажиллагаагаа явуулдаг байна.

Хулгайн үйлдвэрлэлийн улмаас олон хүний амь нас эрсэдсэн осол их гардгаас гадна байгаль орчныг асар их бохирдуулдаг. Газрын тос олборлодог бүс нутгийн тариалангийн талбай, гол нуурууд асар их бохирдолтой байдаг нь хулгайн үйлдвэрлэлтэй холбоотой юм.

Дэлбэрэлт болох үеэр хулгайн үйлдвэрээс газрын тос авахаар хэд хэдэн том оврын автомашин дугаарлаад байжээ.

Өнгөрсөн оны аравдугаар сард тус бүс нутгийн бас нэг хулгайн үйлдвэрт гал гарахад 25 хүний амь үрэгдэж байв.

Энэ оны хоёрдугаар сард орон нутгийн эрх баригчид хулгайн үйлдвэрүүдийг илрүүлэх, хаах ажиллагааг эхлүүлсэн ч үр дүн муутай байна.

Нигери улс нь Африк тивийн хамгийн том газрын тос олборлогч, экспортлогч бөгөөд өдөрт дунджаар 200,000 баррель газрын тос хулгайд алддаг гэсэн тоо бий. Энэ нь нийт олборлолтынх нь 10 гаруй хувь болдог байна.

Сэдвүүд:

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

4 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...