Дэлхий дахинд

Умард Солонгосын зэвсэгт хүчин үүсэн байгуулагдсаны 90 жилийн ойд зориулсан парад Пёньян хотод зохион байгуулагджээ

Нийтэлсэн

3 жил өмнө

2022-04-27

Нийтэлч

Даваа гарагт Умард Солонгосын зэвсэгт хүчин үүсэн байгуулагдсаны 90 жилийн ойд зориулсан парад тус улсын нийслэл Пёньян хотод зохион байгуулагджээ.

Уг арга хэмжээнд оролцож үг хэлэхдээ Умард Солонгосын удирдагч Ким Жон Ун цөмийн зэвсгийн хүчин чадлаа нэмэгдүүлэхийн төлөө боломжит “бүх хурдаараа ажиллах” амлалт авсан байна. Тэр бас шаардлагатай тохиолдолд цөмийн зэвсгээ ашиглах боломжтойг энэ үеэр илэрхийлсэн юм.

“Манай улсын цөмийн зэвсэгт хүчний үндсэн үүрэг бол дайнаас сэргийлэх, гэхдээ бидний хүсээгүй нөхцөл байдал үүсвэл ганц энэ зорилгод хязгаарлагдахгүй. Хэрвээ манай улсын язгуур эрх ашгийг ямар нэг этгээд зөрчих гэж оролдвол цөмийн зэвсэгт хүчин маань хоёр дахь үүргээ эрс шийдэмгий биелүүлэх ёстой” гэж тэр хэлжээ.

Умард Солонгосын дэглэм цөмийн зэвсэг бүтээж эхлэхдээ зөвхөн батлан хамгаалах зориулалттай гэж тайлбарладаг байсан юм. Харин одоо энэхүү үндсэн зорилгоосоо хэтэрсэн агуулгатай зүйл ярьж эхэлснийг судлаачид анхааруулж байна.

Даваа гарагт болсон цэргийн парадыг Ким Жон Ун гэргийн хамт индэр дээрээс үзэж сонирхсон тухай Пёньяны төв хэвлэл мэдээлжээ.

Уг парадад автомашин дээр байрлуулсан тив алгасах шинэ баллистик пуужин Хвасон-17 оролцсон байна.

Онолын хувьд энэ пуужин АНУ-ын эх газарт хүрэх боломжтой гэгддэг. Гэхдээ бодит байдал дээр ингэж чадах эсэх нь эргэлзээтэй гэж судлаачид үздэг юм.

Сарын өмнө Умард Солонгос энэ пуужингаа туршиж байжээ.

Гэхдээ туршилтаас хэд хоногийн дараа Өмнөд Солонгосын батлан хамгаалах яам Пёньяны эрх баригчид 2017 онд туршиж байсан хуучин пуужингаа дахин туршиж, хэвлэлийн мэдээнд засварласан зураг харуулсан байх өндөр магадлалтай гэж мэдээлж байв.

Сэдвүүд:

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

3 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...