Нийгэм

Улсын бүртгэлийн ерөнхий газраас иргэн Г-ийн гэрлэлтийн гэрчилгээг устгасан эсэх асуудлаар тайлбар өглөө

Нийтэлсэн

3 жил өмнө

2022-04-27

Нийтэлч

Улсын бүртгэлийн ерөнхий газраас иргэн Г-ийн гэрлэлтийн гэрчилгээг устгасан эсэх асуудлаар тайлбар өглөө.

Улсын бүртгэлийн байгууллагын тухай буруу ташаа мэдээлэл явж байна. Улсын бүртгэгч бүртгэлийн мэдээллийг хүчингүй болгодог асуудал байхгүй. Иргэн Г-ийн гэрлэлтийн гэрчилгээний тухайд устгаагүй, хүчингүй болгосон. Бүртгэлийн байгууллага нь Архив мэдээллийн сан, Цахим мэдээллийн сан гэсэн хоёр сан дээр суурилдаг. Шинээр мэдээллийг нэмэх, иргэнтэй холбоотой мэдээлэл өөрчлөгдсөн тохиолдол шүүхийн шийдвэр дээр үндэслэж өөрчилдөг. Түүнээс өөрөөр мэдээллийг устгах боломж байхгүй. Албан ёсоор хэлэхэд мэдээлэл бүртгэлийн сангаас устдаггүй. Харин хүчингүй болгодог. Мэдээллийн сан нууцын зэрэглэлтэй төрийн тусгай байгууллагын хяналтан доор үйл ажиллагаагаа явуулдаг.

Жилд 16 мянга орчим гэрлэлт бүртгүүлдэг бол 4000 орчим гэрлэлт дуусгавар болдог. Иргэн Г-тэй холбоотой мэдээлэл өгөхөд түвэгтэй байна. Хуулиар нээлттэй, хаалттай, хязгаартай гэсэн ангиллаар мэдээлэл өгдөг. Гэхдээ нийгмийн сүлжээнд бүртгэлийн байгууллагыг буруутгаж байгаа тул ерөнхий мэдээлэл өгч байна. Гэрлэлтийг 2016 оны зургаадугаар сарын 17-нд бүртгэсэн. Иргэн Г 2020 оны аравдугаар сард хандаад гэрлэлтийн гэрчилгээг хүчингүй болгосон. Ингэхдээ иргэн Г хэзээ ч өөрийн биеэр гэрлэлтийн бүртгэл хийлгэж байгаагүй гэсэн гомдол гаргасан. Гомдлын дагуу шалгаад, гэрлэлтийг хүчингүй болгох дүгнэлт гарсан.

Нөгөө талаас нь шүүхэд хандсан гэж ойлгож байгаа. Манайхаас гэрлэлтийг хуулийн дагуу бүртгүүлээгүй, хүчин төгөлдөр бус гэж үзсэн байгаа.

Сэдвүүд:

Дэлгэрэнгүй ...

Нийгэм

Зургаадугаар сарын 01-ээс эхлэн хүнсний ногооны тариалан эрхлэгчдэд урамшуулал олгоно

Нийтэлсэн

14 цаг өмнө

2025-05-07

Нийтэлч

24barimt

“Тариалангийн үйлдвэрлэл эрхэлж байгаа иргэн, хуулийн этгээдийн үйлдвэрлэсэн бүтээгдэхүүнд мөнгөн урамшуулал олгох, мөнгөн бус дэмжлэг үзүүлэх журам”-ын 1.3-т “Хүнсний ногооны урамшууллыг тухайн бүтээгдэхүүний хүнсний хангамжийн зорилтот түвшинд хүрсэн тохиолдолд үргэлжлүүлэн олгохгүй бөгөөд төрөөс олгож буй дэмжлэг, урамшууллын үр дүн, үр нөлөөнд үнэлэлт дүгнэлт хийсний үндсэн дээр салбарын дунд болон урт хугацааны бодлогын баримт бичгүүдтэй уялдуулан, урамшуулал олгох зайлшгүй шаардлагатай хүнсний ногооны нэр төрлийг жил бүр тариалангийн асуудал эрхэлсэн төрийн захиргааны төв байгууллага тогтооно” гэж заасантай холбоотойгоор 2025 оны 06 дугаар сарын 01-ээс эхлэн дараах төрлийн хүнсний ногоонд урамшуулал олгохоор шийдвэрлэжээ.

Урамшуулалд хамрагдах хүнсний ногооны төрөл:

Байцаа
Сонгино
Саримс
Чинжүү
Улаан лооль
Өргөст хэмх
Навчит ногоо
Шар лууван (Боловсруулах үйлдвэрүүдэд нийлүүлсэн тохиолдолд )
Хүрэн манжин (Боловсруулах үйлдвэрүүдэд нийлүүлсэн тохиолдолд )

Журамд заасны дагуу мөнгөн урамшуулалд хамрагдах тариалан эрхлэгч дараах шаардлагыг хангасан байна.

Тариалан эрхлэгч нь өөрийн өмчлөлийн, эзэмшлийн болон түрээсийн газарт тариалалт эрхэлдэг, тухайн газар нь газрын мэдээллийн нэгдсэн систем (e-gazar.gov.mn)-д бүртгэлтэй байх;
Ургамал, түүний гаралтай хүнсний түүхий эд, бүтээгдэхүүний ул мөрийг мөрдөн тогтоох бүртгэлийн журмын дагуу тариалалт, талбайн арчилгаа, пестицид болон бордооны зарцуулалт, ургац хураалт, бэлтгэсэн уриншийн мэдээг Тариалангийн үйлдвэрлэлийн мэдээллийн сан (plant.mofa.gov.mn)-д тогтмол оруулан хөтөлж бүртгэсэн, гарал үүслийн цахим гэрчилгээг авсан байх;
Татварын цахим төлбөрийн баримтын систем (e-barimt.mn)-д өөрийн нэр, регистрийн дугаараар бүртгэгдсэн байх ба бүтээгдэхүүн худалдах тухай бүрт энэ журмын хүснэгт-1-ийн дагуу урамшуулалд хамрагдах бүтээгдэхүүний кодоор и-баримтыг үүсгэж, худалдан авсан, худалдсан хоёр тал төлбөрийн баримтыг баталгаажуулсан байх;

Дээрх журмын шаардлагыг хангаж холбогдох мэдээллийг цаг тухайд нь бүртгүүлж. урамшуулалд хамрагдах хүсэлтээ uramshuulal.gov.mn-д цахимаар илгээж урамшуулалд хамрагдахыг анхаарууллаа.

Эх сурвалж: Хүнс, хөдөө аж ахуй, хөнгөн үйлдвэрийн яам

Дэлгэрэнгүй ...

Нийгэм

Хүүхдийн бэлгэнд сахрын агууламж өндөртэй бүтээгдэхүүн бэлэглэхгүй байхыг уриалав

Нийтэлсэн

14 цаг өмнө

2025-05-07

Нийтэлч

24barimt

Эрүүл мэндийн сайд, Боловсрол, Шинжлэх Ухааны Сайдын хамтарсан 2024 оны 01 дүгээр сарын 19-ны өдрийн А/27, А/25 дугаар тоот ‘’Эрүүл шүд’’ арга хэмжээний төлөвлөгөөг 2024-2027 онд хэрэгжүүлэхээр баталж, 6 зорилтын хүрээнд 40 арга хэмжээг хэрэгжүүлэхээр баталсан.

”Эрүүл шүд” хөтөлбөрийн хүрээнд 2025 онд амны хөндийн өвчлөлийг бууруулах, иргэдэд амны хөндийн эрүүл мэндийн эрсдэлт хүчин зүйлсийг бууруулах, урьдчилан сэргийлэлтийн үйл ажиллагааг сайжруулж Монгол Улсын нийт хүн амын амны хөндийг эрүүлжүүлэх, эрүүл мэндийн боловсролыг олгох, шүд цоорох өвчний тархалтыг бууруулахад нөлөө бүхий ‘’Бэлгээ бэлдье’’ арга хэмжээг зохион байгуулах гэж байна. Жил бүрийн 6 дугаар сарын 01-ний өдөр Хүүхдийн эрхийг хамгаалах өдрийг орон даяар өгөн хүрээтэй зохион байгуулан хүүхдийн бэлэг дотор агуулагдах сахрын агууламж өндөртэй бүтээгдэхүүн бэлэглэх нь амны хөндийн өвчлөлийг нэмэгдүүлээд зогсохгүй ерөнхий биеийн өвчлөл, дархлаа тогтолцоо зэрэгт сөргөөр нөлөөлдөг байна.

Тус арга хэмжээний хүрээнд хүүхдийн эрүүл мэндэд хөрөнгө оруулалт болгон өгч буй бэлэг нь эрүүл мэндийн үзлэг, эрүүл мэндийн боловсрол, нөлөөллийн арга хэмжээ юм.

Энэхүү арга хэмжээний хүрээнд эхний үзлэгийг Хан-Уул дүүргийн 12-р хорооны ерөнхий боловсролын 10-р дунд сургуулийн 1070 хүүхдэд шүд, нүд, гэмтэл, хоол зүй, арьс харшил, хүүхдийн урьдчилан сэргийлэх эрт илрүүлгийн үзлэг, эрүүл мэндийн боловсрол олгох ажлыг зохион байгуулж байна.

Дэлгэрэнгүй ...

Нийгэм

Хол замд зорчихгүй байхыг анхааруулж байна

Нийтэлсэн

14 цаг өмнө

2025-05-07

Нийтэлч

24barimt

Цэцэрлэг-Тосонцэнгэл чиглэлийн улсын чанартай авто замд үзлэг хийгдэж байна.

Цас их хэмжээгээр орж замын зорчих хэсэгт халтиргаа гулгаа үүссэн байгаа тул хол замд зорчигч тээврийн хэрэгслийн жолооч нар анхаарал болгоомжтой, техникийн бүрэн бүтэн байдлыг хангаж зорчино уу.

Цаг агаарын байдлыг харгалзан үзэж хол замд зорчихгүй байхыг Зам тээврийн хөгжлийн төв ТӨҮГ-аас анхааруулж байна.