Дэлхий дахинд

Хатан хаан хоёрдугаар Элизабет Их Британийн парламентын чуулганы нээлтэд оролцож чадахгүйд хүрчээ

Нийтэлсэн

3 жил өмнө

2022-05-10

Нийтэлч

Жил бүр Их Британийн парламентын чуулганы нээлтэд оролцож, үг хэлдэг уламжлалаасаа Хатан хаан хоёрдугаар Элизабет энэ жил татгалзахаар болжээ.

96 настай түүнд хөдөлгөөний бэрхшээл тулгарсан нь ингэх шалтгаан болсон байна. Их Британийн парламентын чуулган өнөөдөр буюу Мягмар гарагт нээгдэнэ.

“Хатан хаанд үе үе хөдөлгөөний бэрхшээл тулгардаг болоод байгаа бөгөөд эмч нартай зөвлөлдсөний үндсэн дээр парламентын нээлтэд оролцохгүй байх шийдвэр гаргалаа” гэж Букинмгэмийн ордноос мэдэгджээ.

Хатан хааны өмнөөс түүний хүү, угсаа залгамжлах хунтайж Чарльз парламентад үг хэлэхээр болсон байна. Чарльзийн хүү, хунтайж Уилльямс мөн чуулганы нээлтэд оролцохоор болжээ.

Хатан хаан Элизабет 70 жил төрийн толгойд залрахдаа өмнө нь хоёрхон удаа парламентын чуулганд оролцоогүй юм. Тухайлбал 1959 ба 1963 онуудад тэр хөл хүнд байхдаа чуулганы нээлтийг алгасаж байжээ.

Өнгөрсөн оны аравдугаар сард эмнэлэгт хэвтсэнээсээ хойш Хатан хаан олон нийтийн арга хэмжээнд ховорхон үзэгддэг болоод байгаа.

Тэрбээр дөрөвдүгээр сарын 21-ний өдөр 96 нас хүрсэн юм. 18 дугаар зуунаас хойш мөрдөгдөж ирсэн уламжлалын дагуу Британийн хаад дулааны улиралд албан ёсны буюу хоёр дахь төрсөн өдрийн баяраа тэмдэглэдэг.

Хатан хааны албан ёсны төрсөн өдрийг зургаадугаар сарын 2-5-ны хооронд болох 70 жил төр барьсан дээд амжилтын ойтой давхцуулан тэмдэглэх гэж байна.

Сэдвүүд:

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

3 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...