Дэлхий дахинд

Бангладеш улсын Читтагонг хотод томоохон дэлбэрэлт болж 40 хүн амиа алдаж, 100 гаруй хүн шархаджээ

Нийтэлсэн

2 жил өмнө

2022-06-06

Нийтэлч

Бангладеш улсын Читтагонг хотод чингэлэгт гарсан гал түймэр, түүнээс үүдэлтэй дэлбэрэлтийн улмаас 40 хүн амиа алдаж, 100 гаруй хүн шархаджээ.

Галыг унтраахаар олон зуун гал сөнөөгч очсоны дараа дэлбэрэлт болсон байна. Одоогоор галын шалтгаан тодорхойгүй байгаа ч хэд хэдэн чингэлэгт шатамхай бодис хадгалагдаж байсан гэж эрх баригчид үзэж буй. Хотын эмнэлгүүд гэмтэж бэртсэн өвчтнүүдээр дүүрсэн бөгөөд эрх баригчид сайн дурынхныг цусаа хандивлахыг уриалж байгаа аж. Заримыг нь цэргийн эмнэлэгт хэвтүүлсэн байна.

Шархадсан хүмүүсийн ихэнхийнх нь биеийн байдал хүнд байгаа тул амиа алдагсдын тоо нэмэгдэх эрсдэлтэй байна хэмээн болгоомжилж байгаа аж.

Дэлбэрэлтийн улмаас таван гал сөнөөгч бэртэж, хэд хэдэн сэтгүүлч сураггүй алга болжээ.

Дэлбэрэлт олон км-ийн цаанаас сонсогдох хэмжээний хүчтэй байсан бөгөөд ойролцоох барилгуудын цонх хагарсан байна. Ням гарагт гал сөнөөгчид галыг унтраахаар ажиллаж байсан ч ар араасаа цуварсан жижиг хэмжээний дэлбэрэлт болж, ажлыг нь удаашруулж байв.

Сэдвүүд:

Дэлгэрэнгүй ...

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

3 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...