Дэлхий дахинд
Оросын банкууд оны эхнээс 600 гаруй салбараа хаажээ
Оросын Сбербанк өнгөрсөн тавдугаар сард өөрийн 70 салбараа хаасан бол бусад банкууд 67 салбараа хаажээ. Шинжээчдийн үзэж байгаагаар бол үүнээс үүдээд банкны 100 мянга орчим ажилтан ажлын байраа алдсан байна.
Ер нь Сбербанк гэхэд л энэ 2022 оны эхнээс зургадугаар сарын эх хүртэл 159 салбараа хаасан байхад бусад банкууд 511 салбарынхаа хаалгыг бариад байна гэж Төв банкны мэдээллээс иш татан “Коммерсант” хэвлэлд бичжээ. Зуны эх гэхэд оросын бүх банкны салбар орон даяар 25.2 мянга байсны 13.1 мянга нь Сбербанкны салбар байжээ.
Аль хязгаар, бүс нутгийн салбаруудаа хаасан талаар Сбербанк тайлбарлаагүй байна. Сбербанкны мэдээлж байгаагаар бол эдний үйлчлүүлэгч 100 сая хүний ихэнх нь мобилбанкаар үйлчлүүлдэг гэнэ. Үүний зэрэгцээ Сбербанк мобил менежер, тоон салбар, төлбөрийн үйлчилгээ үзүүлэх бичил салбар, төлбөрийн төлөөлөгч ажиллуулдаг болсон байна.
Гэхдээ банк хязгаар нутгуудад салбараа хаасан нь үйлчлүүлэгчдэд асуудал үүсгэнэ гэж хэвлэлд бичжээ. Гэсэн ч банкныхан хадгаламжийн хугацаа нь дууссан хүмүүс АТМ-ийн сүлжээг ашиглан мөнгөө авах, шилжүүлэх боломжтой гэж байна.
Банкныхан ийм дэвшил, өөдрөгөөр тайлбарлаж байгаа ч энэ салбарт ажиллаж байсан 100 мянга орчим ажилтан ажилгүйчүүдийн эгнээнд шилжиж байна гэж хараат бус шинжээч Андрей Бархота үзэж байна.
Дэлхий дахинд
Кени улсад үерийн улмаас 71 хүн амь насаа алдаж, 110 хүн эмнэлэгт хүргэгджээ
Кени улсын Накуру мужийн Май Махиу хотын ойролцоо болсон үерийн улмаас 71 хүн нас барж, 110 хүн эмнэлэгт хүргэгдсэн гэж тус мужийн захирагч Сюзан Кихика өчигдөр мэдэгджээ.
Тус хотын үерийн далан сэтэрч, төмөр замын доогуурх гармаар дамждаг ус зайлуулах хоолой бөглөрснөөр хот үерт автжээ.
Үүний улмаас мод үндсээрээ булгарч, тээврийн хэрэгсэл болон байшингууд олноор урсаж, олон хүн амь насаа алдсан байна.
Аврах багийнхан үүссэн шавар, хог хаягдлыг цэвэрлэж байгаа бөгөөд амиа алдагсдын тоо нэмэгдэж болзошгүй байгаа аж.
Кени улсад гуравдугаар сараас хойш бороотой байгаа бөгөөд энэ хугацаанд 103 иргэн амиа алдаж, олон мянган айлыг нүүлгэн шилжүүлээд байна.
Түүнчлэн сүүлийн жилүүдэд орсон борооны нөлөөлөл олон газарт мал аж ахуй, газар тариаланг устгаж, өлсгөлөн, усны хомсдолд оруулаад байгаа талаар Засгийн газрын Хэвлэлийн төлөөлөгч Исаак Майгуа мэдэгдлээ гэж ОБЕГ-аас мэдээллээ.
Дэлхий дахинд
Японд газар хөдлөлтийн улмаас есөн хүн хөнгөн гэмтжээ
Дэлхий дахинд
АНУ-ын Ерөнхийлөгч асан Дональд Трампд холбогдох эрүүгийн хэргийн анхны шүүх ажиллагаа эхлэв
АНУ-д Ерөнхийлөгч асан Дональд Трампын эсрэг дөрвөн ч эрүүгийн хэрэг үүсгэн шалгаж байна.
Тэгвэл энэ хэргүүдийн эхнийх нь буюу хувийн мэдээллээ далдлах зорилгоор төлбөр хийсэн гэх хэргийн шүүх ажиллагаа Нью-Йоркийн шүүх дээр эхэлж байгаа тухай олон улсын хэвлэлүүд мэдээлж байна.
Шүүхийн ялын тогтоол гартал нэгээс хоёр сар үргэлжилж болзошгүй гэж тооцогдож байгаа энэ шүүх ажиллагаагаар өдгөө 77 настай Дональд Трампын 2016 оны Ерөнхийлөгчийн сонгуулийн өмнө насанд хүрэгсдийн киноны жүжигчин Сторми Дэниелс хэмээх эмэгтэйд дотно харилцаатай байснаа нууцлахыг даалгаж өмгөөлөгчөөрөө дамжуулан 130 мянган ам.доллар төлсөн, үүнийгээ ажил хэргийн нөхцөлийн дагуух хууль ёсны төлбөр мэтээр санхүүгийн хуурамч баримт бүрдүүлсэн хэрэгт өнгөрсөн оны гуравдугаар сард эрүүгийн хэрэг үүсгэсэн хэргийг хэлэлцэнэ.
Прокуроруудын зүгээс Дональд Трампын энэ үйлдлийг сонгуулийн боломжид нь нөлөөлж болзошгүй гэдэг үүднээс мэдээллийг нуун далдлахыг завдсан хэрэг гэж үзсэн.
Ирэх 11 дүгээр сард болох АНУ-ын Ерөнхийлөгчийн сонгуульд Бүгд найрамдах намаас нэр дэвших эрхээ долоодугаар сард болох намынхаа их хурлаас баталгаажуулахаар зэхэж байгаа Дональд Трамп харин өөрт нь тулгаж байгаа бүх гэмт хэргийг үндэслэлгүй гүтгэлэг гэж үгүйсгэдэг.
Тэрбээр шүүх танхимд орох үедээ ч гэсэн “Улстөрийн мөрдлөг хавчлага болж байна” гэдэг байр сууриа сэтгүүлчдэд илэрхийлжээ.
Үүнээс гадна экс Ерөнхийлөгчийг төрийн нууцын зэрэглэлтэй баримт бичгүүдэд хайхрамжгүй хандсан, 2020 онд өөрийн ялагдал хүлээсэн Ерөнхийлөгчийн сонгуулийн дүнг цуцлуулах санаархлаар үйлдсэн гэдэг өөр хоёр гэмт хэрэгт нийт 34 зүйл ангиар буруутгасан.
Сүүлийн хоёр нь, 2021 оны нэгдүгээр сард Капитолын ордонд дайран орж, хүмүүс амь эрсдэхэд хүргэсэн үймээн самууныг өдөөн турхирсан, нөгөө нь Жоржия муж улсад мөн тэндхийн сонгуулийн үйл явцыг тасалдуулахыг завдсан гэх хэргүүд юм.
Үүний зэрэгцээ АП-Чикагогийн ИС-ийн дэргэдэх судалгааны төв хамтран явуулсан судалгаагаар, гурван америк хүн тутмын нэг нь Трампын мөнгө шилжүүлсэн үйлдлээ нууцалсан нь хууль бус, өөрөөр хэлбэл, гэмт хэрэг мөн гэж үзжээ.
Мөн тал шахам хувь нь бусад гурван гэмт хэрэгт ч Дональд Трампыг ямар нэг байдлаар гэм буруутай гэсний дээр, бүх шүүх үйл явц тэгэхдээ прокурорууд болоод шүүгчид нь зөв шударга ажиллаж, үнэн зөв шийдвэр гарна гэдэгт төдийлөн итгэлтэй бус байгаагаа илэрхийлжээ.
-
Нийгэм17 цаг өмнө
“Хөдөлмөр эрхлэлт 2024” өдөрлөг боллоо
-
Улс төр17 цаг өмнө
Төрийн байгуулалтын байнгын хороо долоон асуудлыг хэлэлцлээ
-
Улс төр15 цаг өмнө
“Тэрбум мод” үндэсний хөдөлгөөний хүрээнд 42 сая мод тарьж, 63 сая тарьц, суулгацын нөөц бүрдүүлжээ
-
Нийгэм15 цаг өмнө
ТЕГ: Мөнгө угаах гэмт хэргийг илрүүлж, шалган шийдвэрлэлээ
-
Энтертайнмент14 цаг өмнө
“Улаанбаатар Арт Вийк-2024” өдөрлөг зохион байгуулагдана
-
Нийгэм11 цаг өмнө
“Плэйтайм” наадамд гадаад, дотоодын 250 хамтлаг, уран бүтээлчид оролцоно
-
Улс төр17 цаг өмнө
Хот, тосгоны эрх зүйн байдлын тухай болон Шинэ Зуунмод хотын эрх зүйн байдлын тухай хуулийн төслийг өргөн мэдүүллээ
-
Нийгэм17 цаг өмнө
“Хэвлэлийн эрх чөлөө БООГДЛОО” цуглаан зохион байгуулна