Эмч агсан 49 хүүхдийн нууц эцэг байсныг Нидерландын шүүх зарлажээ

Нийтэлсэн

6 жил өмнө

2019-04-13

Нийтэлч

Роттердам хотын ойролцоох нэгэн үр шилжүүлэн суулгах төвийн эмч донорын оронд өөрийнхөө үрийг өвчтөнүүддээ нууцаар суулгах замаар 49 хүүхдийн эцэг болоод байсныг Нидерландын шүүх өчигдөр зарлажээ.

Эмч Ян Карбаат 2017 онд 89 насандаа таалал төгссөн юм. Эмчийг нас барахын өмнөхөн түүний эмнэлгээр үйлчлүүлсэн эцэг эхчүүд болон мэндэлсэн хүүхдүүд анх шүүхэд хандаж байжээ.

Хүүхдүүдийн зарим нь эмчтэй тун адилхан царай зүстэй байсан нь сэжиглэх үндэс болсон байна.

2017 онд Нидерландын шүүх гомдол гаргасан 49 хүүхдийн эцгийг тогтоох ДНХ шинжилгээ хийлгэх шийдвэр гаргаж байсан ч үр дүнг нь мөрдөн шалгах ажиллагааг дуустал нууцлах захирамж гаргаж байв.

Удаан хүлээлгэсэн шинжилгээний хариуг өчигдөр буюу Баасан гарагт нийтэд зарлажээ.

Карбаат эмчийн үр шилжүүлэн суулгах эмнэлгийг доноруудын мэдээллийг хуурамчаар бүрдүүлсэн, нэг донорт ноогдох хүүхдийн зөвшөөрөгдсөн тоог хэтрүүлсэн зэрэг шалтгаанаар 2009 онд хаасан юм байна.

49 хүүхдийн өмгөөлөгч Тим Буэтерс шинжилгээний үр дүнг ил болгож, олон хүний эргэлзээг арилгасанд баяртай байгаагаа мэдэгджээ.

Мөн гомдол гаргасан хүүхдүүд ч жинхэнэ эцгийгээ олсонд баяртай байгаагаа хуваалцсан байна.

Эх сурвалж: BBC

Сэдвүүд:онцлох

Дэлгэрэнгүй ...

Сэтгэгдэл үлдээх

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

3 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...