Дэлхий дахинд

Дэлхийд хамгийн бага жинтэй мэндэлсэн хүү өнөөдөр эмнэлгээс гарч байна

Нийтэлсэн

6 жил өмнө

2019-04-20

Нийтэлч

Өнгөрсөн оны аравдугаар сард Японд мэндэлсэн Рюсукэ Сэкино хүүд ээж нь гар хүрэхээс ч айдаг байжээ.

Учир нь хүү төрөхдөө дөнгөж 258 грамм жинтэй байсан юм. Зургаан сар эмчлүүлсний үр дүнд тэр 3 кг гаруй жинтэй болж, өнөөдөр эмнэлгээс гарч байгаа ажээ.

Ингэснээр Рюсукэ хүү эхээс мэндлэхдээ хамгийн бага жинтэй төрөөд хүн болж чадсан эрэгтэй хүүхдүүдийн дээд амжилтыг эзэмшихээр болж байна.

Өмнөх дээд амжилтын эзэн нь мөн Японд 268 грамм жинтэй төрсөн хүү байсан юм. Тэрээр өнгөрсөн хоёрдугаар сард Токиогийн эмнэлгээс гарчээ.

Рюсукэ хүүг аравдугаар сарын 1-ний өдөр 24 долоо хоног гаруйтай байхад нь хагалгаагаар төрүүлж байв. Эхийнх нь цусны даралт хэт өндөр байсны улмаас яаралтай ийм арга хэмжээ авахад хүрсэн байна.

22 см урттай төрсөн хүүг тэр цагаас хойш Нагано дахь хүүхдийн эмнэлэгт асран сувилж байжээ. Гуурсаар тэжээл өгч, эхийнх нь сүүг аманд нь бага хэмжээтэй дусаах замаар хооллож байсан гэнэ.

Одоогоор дэлхийд хамгийн бага жинтэй төрөөд хүн болж чадсан охидын дээд амжилтыг 2015 онд Германд 252 грамм жинтэй төрсөн охин эзэмшдэг.

Хэт бага жинтэй мэндэлсэн хүүхдүүдээс охидууд нь хөвгүүдээс илүү амьдрах чадвар сайтай байдаг гэнэ. АНУ-ын Айовагийн их сургуулийн бүртгэлд байгаа мэдээллээр 300 грамм хүрэхгүй жинтэй төрөөд хүн болсон 25 хүүхдийн зургаагаас бусад нь охид байна.

Эх сурвалж: AFP

Сэдвүүд:

Дэлгэрэнгүй ...

Сэтгэгдэл үлдээх

Дэлхий дахинд

Канад улсын баруун бүс нутгийн Саскачеван, Манитоба мужид 30 см зузаан цас оржээ

Нийтэлсэн

3 өдөр өмнө

2024-11-21

Нийтэлч

24barimt

Канад улсын баруун бүс нутгийн Саскачеван, Манитоба мужид 15-30 см-ийн зузаан цас орж, 80км/цагийн хурдтай цасан шуурга шуурч, үзэгдэх орчин хязгаарлагдсан байна.

Тус бүсийн удирдлагаас оршин суугчдыг шаардлагагүй үед холын замд гарахгүй байхыг уриалж, урьдчилан сэргийлэхийг анхааруулжээ.

Нутгийн зарим хэсгээр -10 хэмд хүрч хүйтрэх, цас, бороо холилдон орж, авто тээврийн хэрэгсэл зорчих хэсэгт халтиргаа гулгаа үүсэж болзошгүй байгаа аж. Энэ нөхцөл байдал ирэх бямба гараг хүртэл үргэлжилнэ гэж мэдээллээ.

Тус бүс нутгийн өвлийн улирлын дундаж хэм нэгдүгээр сараас хоёрдугаар сарын хооронд -15 хэмд хүрч хүйтэрдэг байна.

Дэлгэрэнгүй ...

Дэлхий дахинд

Валенциа хотыг сэргээн босгоход 3.76 тэрбум еврогийн мөнгөн тусламж үзүүлэхээ мэдэгдлээ.

Нийтэлсэн

2 долоо хоног өмнө

2024-11-13

Нийтэлч

24barimt

Испани улсын Ерөнхий сайд Педро Санчис үерийн гамшигт үзэгдэлд өртөөд байгаа Валенциа хотыг сэргээн босгох үйл ажиллагаанд 3.76 тэрбум еврогийн мөнгөн тусламж үзүүлэхээ мэдэгдлээ.

Тус хот нь өнгөрсөн аравдугаар сарын 30-нд их хэмжээний аадар бороо орж, түүхэнд бүртгэгдэж байгаагүй үерийн гамшигт үзэгдэлд өртөж, 200 гаруй иргэн амь насаа алдсан. Үүний зэрэгцээ олон мянган иргэний болон аж ахуйн нэгжийн барилга байгууламж үерийн усанд автаж их хэмжээний хохирол учруулсан юм.

Өнгөрсөн долоо хоногт тус улсын хор уршгийг арилгах арга хэмжээнд 10.6 тэрбум еврогийн мөнгөн тусламж шаардлагатай байгаа талаар мэдээлсэн байна.

Өнөөдрийн байдлаар гудамж талбайд овоорсон лаг шавар, хог хаягдлыг цэвэрлэхэд 500 сая еврогийн үнэ бүхий тусламжийн багц, 200 сая өврогийн мөнгөн тусламжийг хөдөө аж ахуй эрхлэгчдэд үзүүлээд байгаа аж.

Дэлгэрэнгүй ...

Дэлхий дахинд

Испани улсын Валенсиа мужид үүссэн нөхцөл байдалтай холбогдуулан сайн дурынхан дэмжлэг үзүүлж байна

Нийтэлсэн

2 долоо хоног өмнө

2024-11-11

Нийтэлч

24barimt

Испани улсын Валенсиа мужид өнгөрсөн аравдугаар сарын 30-нд их хэмжээний аадар борооны улмаас үер бууж, 210 гаруй хүн амь насаа алдаж, 95 хүн ор сураггүй болсон талаар мэдээлсэн.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларсан байна.

Дэлгэрэнгүй ...